സുസുക്കി മുൻ ചെയർമാൻ ഒസാമു സുസുക്കി അന്തരിച്ചു : Deepika.com International News |

Click here for detailed news of all items

സുസുക്കി മുൻ ചെയർമാൻ ഒസാമു സുസുക്കി അന്തരിച്ചു

Saturday, December 28, 2024 2:55 AM IST

ടോക്കിയോ: സുസുക്കി മോട്ടോർ കോർപറേഷൻ മുൻ ചെയർമാൻ ഒസാമു സുസുക്കി (94) അന്തരിച്ചു. ക്രിസ്മസ് ദിനത്തിലായിരുന്നു മരണമെന്ന് അദ്ദേഹത്തിന്‍റെ കുടുംബം അറിയിച്ചു.

അർബുദ ബാധിതനായിരുന്നു. അടുത്ത കുടുംബാംഗങ്ങൾ മാത്രം പങ്കെടുത്ത് സംസ്കാര ചടങ്ങുകൾ സ്വകാര്യമായി നടത്തിയതായും കുടുംബം വ്യക്തമാക്കി.

40 വർഷത്തിലേറെക്കാലം സുസുക്കി കമ്പനിയെ നയിച്ചത് ഒസാമ സുസുക്കിയായിരുന്നു. 1958 ലാണ് ഒസാമു സുസുക്കിയിൽ ചേരുന്നത്. പിന്നീട് 1978ൽ കമ്പനിയുടെ പ്രസിഡന്‍റായി. 28 വർഷം കമ്പനിയുടെ പ്രസിഡന്‍റായി തുടർന്ന ഒസാമു 2000ത്തിലാണ് സുസുക്കി ചെയർമാനായി ചുമതലയേൽക്കുന്നത്. 2021ൽ 91-ാം വയസിലാണ് അദ്ദേഹം തന്‍റെ വിരമിക്കൽ പ്രഖ്യാപിച്ചത്.

ഒസാമു സുസുക്കിയുടെ ഭരണകാലത്ത് ചെറുകിട കാറുകളുടെ നിർമാതാക്കളെന്ന നിലയിൽ കമ്പനി തങ്ങളുടെ സ്ഥാനം ഉറപ്പിച്ചു. 1983ൽ ഇന്ത്യൻ വിപണിയിൽ പ്രവേശിക്കാനുള്ള തീരുമാനത്തിനു പിന്നിലും ഒസാമു തന്നെയായിരുന്നു.

സുസുക്കിയെ ജനപ്രിയ ബ്രാൻഡാക്കി മാറ്റിയതിൽ വലിയ പങ്കുവഹിച്ച ഒസാമ‌ുവിന്‍റെ കാലത്താണ് മാരുതി ചെറുകാറുകളിൽ കൂടുതൽ ശ്രദ്ധ കേന്ദ്രീകരിച്ചത്. പിന്നീട് ഇന്ത്യയുമായി സഹകരിച്ച് മാരുതി ഉദ്യോഗ് ലിമിറ്റഡ് സ്ഥാപിച്ചതും ഒസാമുവിന്‍റെ കാലത്താണ്.

മാരുതി 800 എന്ന ജനപ്രിയ ബ്രാൻഡിന്‍റെ ഉപജ്ഞാതാവും അദ്ദേഹമാണ്. ജപ്പാനിലെ ജനപ്രിയ കാറായ സുസുക്കി ഓൾട്ടോയിൽനിന്നായിരുന്നു മാരുതി 800ന്‍റെ ജനനം.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.