തഹാവുര്‍ റാണയെ ഇന്ത്യക്ക് കൈമാറുന്നത് തടയരുത്: അമേരിക്കൻ സർക്കാർ സുപ്രീംകോടതിയിൽ : Deepika.com International News |

Click here for detailed news of all items

തഹാവുര്‍ റാണയെ ഇന്ത്യക്ക് കൈമാറുന്നത് തടയരുത്: അമേരിക്കൻ സർക്കാർ സുപ്രീംകോടതിയിൽ

Friday, December 20, 2024 12:48 AM IST

വാഷിംഗ്ടൺ: മുംബൈ ഭീകരാക്രമണ കേസിലെ പ്രതി പാക്കിസ്ഥാന്‍ വംശജനായ കനേഡിയന്‍ വ്യവസായി തഹാവുര്‍ റാണയെ ഇന്ത്യക്ക് കൈമാറരുതെന്ന് ആവശ്യപ്പെട്ട് സമർപ്പിച്ച ഹർജി തള്ളണമെന്ന് അമേരിക്കൻ സർക്കാർ സുപ്രീംകോടതിയിൽ.

റാണയെ ഇന്ത്യക്ക് കൈമാറണമെന്ന കീഴ്ക്കോടതി ഉത്തർവുകൾക്കെതിരേയാണ് യുഎസ് സുപ്രീംകോടതിയിൽ ഹർജി.

കീഴ്ക്കോടതികളിലും ഫെഡറൽ കോടതികളിലും സാൻഫ്രാൻസിസ്കോയിലെ നോർത്ത് സർക്യൂട്ട് അപ്പീൽ കോടതിയിലും തന്നെ ഇന്ത്യക്ക് കൈമാറരുതെന്ന റാണയുടെ ആവശ്യം നിരസിക്കപ്പെട്ടിരുന്നു. ഇതോടെയാണ് നവംബർ 13ന് പുനഃപരിശോധനാ ഹർജിയുമായി റാണ സുപ്രീംകോടതിയെ സമീപിച്ചത്.

റാണയുടെ ഹർജി തള്ളണമെന്ന് യുഎസ് സോളിസിറ്റർ ജനറൽ എലിസബത്ത് ബി. പ്രെലോഗർ കോടതിയിൽ ആവശ്യപ്പെട്ടു. ഇന്ത്യക്ക് കൈമാറുന്നത് ഒഴിവാക്കാനുള്ള റാണയുടെ അവസാന നിയമാവസരമാണിത്.

മുംബൈ ഭീകരാക്രമണവുമായി ബന്ധപ്പെട്ട കേസിൽ ലോസ് ആഞ്ചലസിലെ ജയിലിലാണു റാണ. മുംബൈ ആക്രമണത്തിന്‍റെ പ്രധാന സൂത്രധാരന്മാരിൽ ഒരാളായ ഡേവിഡ് കോൾമാൻ ഹെഡ്‌ലിയുമായി റാണയ്ക്കു ബന്ധമുണ്ടെന്ന് പറയപ്പെടുന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.