ഉപജില്ലാ വിദ്യാഭ്യാസ ഓഫീസറുടെ കത്ത് പിൻവലിച്ച് മാപ്പുപറയണം: കെസിബിസി : Deepika.com Kerala News |

Click here for detailed news of all items

ഉപജില്ലാ വിദ്യാഭ്യാസ ഓഫീസറുടെ കത്ത് പിൻവലിച്ച് മാപ്പുപറയണം: കെസിബിസി

Thursday, April 24, 2025 2:40 AM IST

കൊച്ചി: ക്രൈസ്തവ മാനേജ്‌മെന്‍റുകളുടെ കീഴിലുള്ള എയ്ഡഡ് സ്‌കൂളുകളിലെ ജീവനക്കാർ നികുതിയടയ്ക്കുന്നില്ലെന്ന വ‍്യാജ പരാതിയുമായി ബന്ധപ്പെട്ട് അരീക്കോട് ഉപജില്ലാ വിദ‍്യഭ‍്യാസ ഓഫീസർ ഇറക്കിയിരിക്കുന്ന സർക്കുലർ ഉടനടി പിൻവലിച്ച് ക്രൈസ്തവ സമൂഹത്തോട് മാപ്പുപറയാനും ഉത്തരവാദിത്വരഹിതമായി ഇടപെട്ട ഉദ്യോഗസ്ഥർക്കെതിരേ നടപടി സ്വീകരിക്കാനും വിദ്യാഭ്യാസ വകുപ്പ് തയാറാകണമെന്ന് കെസിബിസി വിദ്യാഭ്യാസ കമ്മീഷൻ സെക്രട്ടറി ഫാ. ആന്‍റണി വക്കോ അറയ്ക്കൽ ആവശ‍്യപ്പെട്ടു.

ഫെബ്രുവരിയിൽ ഉണ്ടായ വിചിത്രമായ പരാതിയും അനുബന്ധമായ അന്വേഷണ ഉത്തരവും ഏറെ വിവാദമായിരുന്നു. ക്രൈസ്തവരായ അധ്യാപകർ സർക്കാരിന് അടയ്‌ക്കേണ്ട നികുതി നൽകാത്തതിനാൽ ഇതിനകം സർക്കാരിന് നഷ്ടപ്പെട്ടത് പതിനായിരം കോടിയിൽപരം രൂപയാണ് എന്നിങ്ങനെയുള്ള അടിസ്ഥാനരഹിതമായ ആരോപണങ്ങളോടെ, ഇത് തിരിച്ചുപിടിക്കാനുള്ള നടപടികൾ വിദ്യാഭ്യാസ വകുപ്പ് സ്വീകരിക്കണം എന്ന ആവശ്യവുമായി കോഴിക്കോട് സ്വദേശിയാണ് പൊതുവിദ്യാഭ്യാസ ഡയറക്ടർക്ക് പരാതി നൽകിയത്. ലഭിച്ച പരാതിയെക്കുറിച്ച് വിശദമായ അന്വേഷണം നടത്താതെ പൊതു വിദ്യാഭ്യാസ ഡയറക്ടർ ഉപവിദ്യാഭ്യാസ ഡയക്ടർമാർ വഴി എല്ലാ ജില്ലാ, ഉപജില്ലാ വിദ്യാഭ്യാസ ഓഫീസർമാർക്കും അറിയിപ്പ് നൽകുകയുണ്ടായി.

എന്നാൽ, സർക്കാർ ശമ്പളം പറ്റുന്ന എയ്ഡഡ് സ്കൂൾ അധ്യാപകർ എല്ലാ അർഥത്തിലും ഗവൺമെന്‍റ് മാനദണ്ഡങ്ങൾ പ്രകാരം ജോലി ചെയ്യുന്നവരും മറ്റെല്ലാ ഉദ്യോഗസ്ഥരെയുംപോലെ നികുതി നിയമങ്ങൾക്ക് വിധേയരുമായിരിക്കെ, ഇത്തരമൊരു ആരോപണം അടിസ്ഥാനരഹിതമെന്ന് മനസിലാക്കിയും പ്രതിഷേധങ്ങളെ തുടർന്നും പൊതുവിദ്യാഭ്യാസ വകുപ്പ് ഈ നിർദേശം ദിവസങ്ങൾക്കുള്ളിൽ പിൻവലിച്ചിരുന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.