മാ​ന്നാ​ര്‍: ആ​ല​പ്പു​ഴ എ​ണ്ണ​യ്ക്കാ​ട് പ്ര​ദേ​ശ​ത്ത് കി​ണ​റു​ക​ളി​ല്‍ നി​ന്ന് വ്യാ​പ​ക​മാ​യി മോ​ട്ടോ​റു​ക​ള്‍ മോ​ഷ്ടി​ച്ച ദ​മ്പ​തി​ക​ള്‍ അ​റ​സ്റ്റി​ല്‍. ഹ​രി​പ്പാ​ട് കാ​ര്‍​ത്തി​ക​പ​ള്ളി മ​ഹാ​ദേ​വി​കാ​ട് കൈ​മൂ​ട്ടി​ല്‍ രാ​ജേ​ഷും ഭാ​ര്യ താ​ര​യും ആ​ണ് അ​റ​സ്റ്റി​ലാ​യ​ത്.

ക​ഴി​ഞ്ഞ ശ​നി​യാ​ഴ്ച പു​ല​ര്‍​ച്ചെ​യാ​ണ് എ​ണ്ണ​യ്ക്കാ​ട് വി​ല്ലേ​ജ് ഓ​ഫി​സി​ലെ മോ​ട്ടോ​ര്‍ മോ​ഷ​ണം പോ​യ​ത്. തു​ട​ര്‍​ന്ന് എ​ണ്ണ​യ്ക്കാ​ട് യു.​പി സ്‌​കൂ​ളി​ലെ മോ​ട്ടോ​റും മോ​ഷ​ണം പോ​യി. ഇ​തു​മാ​യി ബ​ന്ധ​പ്പെ​ട്ട് പൊ​ലീ​സ് അ​ന്വേ​ഷ​ണം പു​രോ​ഗ​മി​ക്കു​ന്ന​തി​നി​ട​യി​ലാ​ണ് എ​ണ്ണ​യ്ക്കാ​ട് ക്ഷേ​ത്ര​ത്തി​നു സ​മീ​പ​മു​ള്ള 19ാം ന​മ്പ​ര്‍ അ​ങ്ക​ണ​വാ​ടി​യി​ലെ​യും, ത​യ്യൂ​ര്‍ പ​രു​ത്തി​യേ​ത്ത് അ​ര​വി​ന്ദ​ന്‍റെ വീ​ട്ടി​ലെ​യും മോ​ട്ടോ​റു​ക​ള്‍ മോ​ഷ​ണം പോ​യ​ത്.

കൂ​ടാ​തെ പെ​രി​ങ്ങി​ലി​പ്പു​റം, ഗ്രാ​മം, എ​ണ്ണ​യ്ക്കാ​ട് ഭാ​ഗ​ങ്ങ​ളി​ലെ വി​വി​ധ വീ​ടു​ക​ളി​ല്‍ നി​ന്നും മോ​ട്ടോ​റു​ക​ള്‍ മോ​ഷ​ണം പോ​യ​താ​യി പി​ന്നീ​ട് പ​രാ​തി​ക​ളെ​ത്തി. എ​ണ്ണ​യ്ക്കാ​ട് ആ​യു​ര്‍​വേ​ദ ആ​ശു​പ​ത്രി​യു​ടെ മോ​ട്ടോ​ര്‍ ഇ​ള​ക്കി മാ​റ്റാ​ന്‍ ശ്ര​മി​ച്ചെ​ങ്കി​ലും കൊ​ണ്ടു പോ​കാ​ന്‍ ക​ഴി​ഞ്ഞി​ല്ല.

കൂ​ടാ​തെ ചി​ല വീ​ടു​ക​ളി​ലും മോ​ഷ​ണ ശ്ര​മം ന​ട​ന്നു. വി​ല്ലേ​ജ് ഓ​ഫി​സി​ല്‍ മോ​ഷ​ണം ന​ട​ന്ന ദി​വ​സം പു​ല​ര്‍​ച്ചെ ഒ​രു സ്ത്രീ​യും പു​രു​ഷ​നും സ്‌​കൂ​ട്ട​റി​ല്‍ മോ​ട്ടോ​റു​മാ​യി പോ​കു​ന്ന​ത് ക​ണ്ട​താ​യി പ​രി​സ​ര​വാ​സി പൊ​ലീ​സി​നെ അ​റി​യി​ച്ചി​രു​ന്നു.

ഇ​തി​ന്‍റെ അ​ടി​സ്ഥാ​ന​ത്തി​ല്‍ ശേ​ഖ​രി​ച്ച സി.​സി.​ടി.​വി ദൃ​ശ്യ​ങ്ങ​ള്‍ കേ​ന്ദ്രീ​ക​രി​ച്ച് പൊ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ലാ​ണ് ദ​മ്പ​തി​ക​ള്‍ അ​റ​സ്റ്റി​ലാ​യ​ത്. ആ​കെ ആ​റ് കേ​സു​ക​ളാ​ണ് ഇ​വ​രു​ടെ പേ​രി​ല്‍ ര​ജി​സ്റ്റ​ര്‍ ചെ​യ്തി​ട്ടു​ള്ള​ത്.

മാ​ന്നാ​ര്‍ പോ​ലീ​സ് ഇ​ന്‍​സ്‌​പെ​ക്ട​ര്‍ അ​നീ​ഷ് എ, ​എ​സ്.​ഐ അ​ഭി​രാം സി.​എ​സ്, സീ​നി​യ​ര്‍ സി​വി​ല്‍ പോ​ലീ​സ് ഓ​ഫീ​സ​ര്‍ അ​രു​ണ്‍, സി​പി​ഒ ഹ​രി​പ്ര​സാ​ദ് എ​ന്നി​വ​ര്‍ ചേ​ര്‍​ന്നാ​ണ് പ്ര​തി​ക​ളെ അ​റ​സ്റ്റ് ചെ​യ്ത​ത്. കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​ക​ളെ റി​മാ​ന്‍​ഡ് ചെ​യ്തു.