കല്ലേറ്റുംകര: എസ്എസ്എല്‍സി പരീക്ഷയില്‍ 100 ശതമാനം വിജയംവരിച്ച ബിവിഎം ഹൈസ്‌കൂളിലെ വിദ്യാര്‍ഥികള്‍ക്ക് കാത്തലിക് എഡുക്കേഷന്‍ ട്രസ്റ്റ് സംഘടിപ്പിച്ച അനുമോദനസമ്മേളനം ആളൂര്‍ ഗ്രാമപഞ്ചായത്ത് പ്രസിഡന്റ്് കെ.ആര്‍. ജോജോ ഉദ്ഘാടനം ചെയ്തു. ട്രസ്റ്റ് എംഡി ആന്‍റോ. കെ. ദേവസി അധ്യക്ഷത വഹിച്ചു.
സ്‌കൂള്‍ മാനേജര്‍ കെ.എ. വുഡ്രോ വിത്സന്‍ കാഷ് അവാര്‍ഡ് നല്‍കി. വാര്‍ഡ് മെമ്പര്‍ ഓമന ജോര്‍ജ്, പിടിഎ പ്രസിഡന്റ്് കെ.എ. ജോണ്‍സന്‍, മുന്‍ മാനേജര്‍ വര്‍ഗീസ് പന്തലൂക്കാരന്‍, ഹെഡ്മാസ്റ്റര്‍ അബ്ദുള്‍ഹമീദ്, സ്റ്റാഫ് പ്രതിനിധി ജിജി തോമസ്, സ്‌കൂള്‍ ലീഡര്‍ ആന്‍ലി ബിജു, വിദ്യാര്‍ഥി പ്രതിനിധി കെ.എ. ആദിഷ എന്നിവര്‍ പ്രസംഗിച്ചു.