തൊ​ടു​പു​ഴ ഉ​പ​ജി​ല്ലാ ഓ​ഫീ​സ് നാ​ഥ​നി​ല്ലാ​ക്ക​ള​രി
Friday, October 4, 2024 2:03 AM IST
തൊ​ടു​പു​ഴ: ഉ​പ​ജി​ല്ലാ വി​ദ്യാ​ഭ്യാ​സ ഓ​ഫീ​സി​ൽ എ​ഇ​ഒ, സൂ​പ്ര​ണ്ട് ത​സ്തി​ക​ക​ൾ ഒ​ഴി​ഞ്ഞുകി​ട​ക്കാ​ൻ തു​ട​ങ്ങി​യി​ട്ട് മൂ​ന്നു മാ​സം. നി​യ​മ​നം ന​ട​ക്കാ​ത്ത​തി​നാ​ൽ അ​ധ്യാ​പ​ക​രു​ടെ ഒൗ​ദ്യോ​ഗി​ക കാ​ര്യ​ങ്ങ​ൾ പോ​ലും ന​ട​ക്കാ​ത്ത അ​വ​സ്ഥ​യാ​ണെ​ന്ന പ​രാ​തി വ്യാ​പ​ക​മാ​ണ്.

എ​ഇ​ഒ​യു​ടെ ചു​മ​ത​ല അ​റ​ക്കു​ളം എ​ഇ​ഒ​യ്ക്കും സൂ​പ്ര​ണ്ടി​ന്‍റെ ചാ​ർ​ജ് നെ​ടു​ങ്ക​ണ്ടം ഉ​പ​ജി​ല്ലാ ഓ​ഫീ​സി​ലെ സൂ​പ്ര​ണ്ടി​നു​മാ​ണ് അ​ധി​കച്ചു​മ​ത​ല​യാ​യി ന​ൽ​കി​യി​രി​ക്കു​ന്ന​ത്. തൊ​ടു​പു​ഴ​യി​ലെ ഒ​ഴി​വു​ക​ൾ നി​ക​ത്താ​ൻ സ​ർ​ക്കാ​ർ ത​യാ​റാ​കാ​ത്ത​തുമൂ​ലം ഉ​പ​ജി​ല്ല​യി​ലെ വി​ദ്യാ​ല​യ​ങ്ങ​ളു​ടെ പ്ര​വ​ർ​ത്ത​നംത​ന്നെ താ​ളം തെ​റ്റി​യി​രി​ക്കു​ക​യാ​ണെ​ന്ന് അ​ധ്യാ​പ​ക​ർ പ​റ​യു​ന്നു.

തൊ​ടു​പു​ഴ ഉ​പ​ജി​ല്ലാ വി​ദ്യാ​ഭ്യാ​സ ഓ​ഫീ​സി​നു കീ​ഴി​ൽ 70 -ഓ​ളം സ്കൂ​ളു​ക​ളാ​ണു​ള്ള​ത്. പ​ല സ്കൂ​ളു​ക​ളി​ലെ​യും അ​ധ്യാ​പ​ക​രു​ടെ​യും ജീ​വ​ന​ക്കാ​രു​ടെ​യും നി​യ​മ​ന​ങ്ങ​ൾ, പ്രോ​വി​ഡ​ന്‍റ് ഫ​ണ്ട്, ബി​ല്ലു​ക​ൾ, സ്ഥ​ലംമാ​റ്റം അം​ഗീ​ക​രി​ക്ക​ൽ, എ​യ്ഡ​ഡ് സ്കൂ​ളു​ക​ളി​ലെ റോ​സ്റ്റ​ർ ഡേ​റ്റ, വെ​രി​ഫി​ക്കേ​ഷ​ൻ തു​ട​ങ്ങി സ്കൂ​ളു​ക​ളു​മാ​യി ബ​ന്ധ​പ്പെ​ട്ട എ​ല്ലാ കാ​ര്യ​ങ്ങ​ളും അ​വ​താ​ള​ത്തി​ലാ​യ നി​ല​യി​ലാ​ണ്.


വി​ദ്യാ​ല​യ​ങ്ങ​ളു​ടെ സു​ഗ​മ​മാ​യ ന​ട​ത്തി​പ്പി​ന് എ​ഇ​ഒ, സൂ​പ്ര​ണ്ട് എ​ന്നി​വ​രു​ടെ സേ​വ​നം ഉ​പ​ജി​ല്ലാ ഓ​ഫീ​സി​ൽ അ​ത്യാ​വ​ശ്യ​മാ​ണ്. എ​ന്നാ​ൽ അ​ധ്യ​യ​നവ​ർ​ഷ​ത്തി​ലെ ര​ണ്ടാം ടേം ​എ​ത്തി​യി​ട്ടും ത​സ്തി​ക​ക​ൾ നി​ക​ത്താ​ത്ത​തി​നാ​ൽ സ്കൂ​ളു​ക​ളി​ലെ പ്ര​ധാ​നാ​ധ്യാ​പ​ക​ർ ഉ​ൾ​പ്പെ​ടെ​യാ​ണ് ദു​രി​ത​മ​നു​ഭ​വി​ക്കു​ന്ന​ത്.

ഉ​പ​ജി​ല്ലാ ത​ല​ത്തി​ൽ കാ​യി​ക മേ​ള, ക​ലോ​ത്സ​വം എ​ന്നി​വ ഇ​പ്പോ​ൾ ന​ട​ന്നുവ​രി​ക​യാ​ണ്. മ​റ്റ് ഉ​പ ജി​ല്ല​ക​ളി​ൽ ഇ​തി​ന്‍റെ ക്ര​മീ​ക​ര​ണ​ങ്ങ​ൾ പൂ​ർ​ത്തി​യാ​യെ​ങ്കി​ലും തൊ​ടു​പു​ഴ ഉ​പജി​ല്ല​യി​ൽ ഇ​തി​ന്‍റെ മു​ന്നൊ​രു​ക്ക​ങ്ങ​ൾ ഒ​ന്നുംത​ന്നെ ന​ട​ത്തി​യി​ട്ടി​ല്ല.

ഇ​തു​മാ​യി ബ​ന്ധ​പ്പെ​ട്ട് പ്രാ​ഥ​മി​ക യോ​ഗം പോ​ലും വി​ളി​ച്ചുചേ​ർ​ത്തി​ട്ടി​ല്ലെ​ന്ന് അ​ധ്യാ​പ​ക​ർ പ​റ​യു​ന്നു. മേ​ള​ക​ളു​ടെ ദി​വ​സ​ങ്ങ​ളും മ​റ്റും നി​ശ്ച​യി​ക്കാ​ത്ത​ത് സ്കൂ​ൾ അ​ധി​കൃ​ത​ർ​ക്ക് ഏ​റെ ബു​ദ്ധി​മു​ട്ട് സൃ​ഷ്ടി​ക്കു​മെ​ന്നും ആ​ക്ഷേ​പ​മു​ണ്ട്. അ​തി​നാ​ൽ അ​ടി​യ​ന്ത​ര​മാ​യി എ​ഇ​ഒ, സൂ​പ്ര​ണ്ട് എ​ന്നി​വ​രെ നി​യ​മി​ക്ക​ണ​മെ​ന്ന് അ​ധ്യാ​പ​ക​ർ ആ​വ​ശ്യ​പ്പെ​ട്ടു.