തൊടുപുഴ: ആഘോഷങ്ങളില്ലാതെ തൊടുപുഴയുടെ സ്വന്തം എംഎൽഎ പി.ജെ. ജോസഫിന് 84-ാം ജൻമദിനം. കേരള കോണ്ഗ്രസ് ചെയർമാനായ അദ്ദേഹത്തിന് പ്രവർത്തകരും നേതാക്കളും ജൻമദിനാശംസകൾ നേർന്നു.
കേരള കോണ്ഗ്രസ് സംസ്ഥാന ജനറൽ സെക്രട്ടറി എം. മോനിച്ചന്റെ നേതൃത്വത്തിൽ യൂത്ത് ഫ്രണ്ട് സംസ്ഥാന, ജില്ലാ ഭാരവാഹികൾ വീട്ടിലെത്തിയാണ് പിറന്നാൾ ആശംസകൾ നേർന്നത്.
പാർട്ടി ഉന്നതാധികാര സമിതിയംഗം സേവി കുരിശുവീട്ടിൽ, യൂത്ത് ഫ്രണ്ട് നിയോജക മണ്ഡലം പ്രസിഡന്‍റ് ബൈജു വറവുങ്കൽ, സംസ്ഥാന ജനറൽ സെക്രട്ടറിമാരായ ക്ലമന്‍റ് ഇമ്മാനുവേൽ, ജോബി പൊന്നാട്ട്, വൈസ് പ്രസിഡന്‍റ് ബിനോയ് മുണ്ടയ്ക്കമറ്റം,
നേതാക്കളായ ജെയ്സ് ജോണ്, ഉണ്ണി വടുതല, ജോണ് ആക്കാന്തിരി, സുധീഷ് കൈമൾ, ഷാജി അറയ്ക്കൽ, ജോബി തീക്കുഴിവേലിൽ ,ബിനു ലോറൻസ്, രഞ്ജിത്ത് മനപ്പുറത്ത്, ജെൻസ് നിരപ്പേൽ, സ്മിനു പുളിക്കൽ എന്നിവർ ആശംസകൾ അറിയിച്ചു.
തുടർന്ന് പ്രവർത്തകർ കൊണ്ടുവന്ന കേക്ക് മുറിച്ച് പി.ജെ. ജോസഫ് അവർക്കൊപ്പം ആഹ്ലാദം പങ്കുവച്ചു.