തിരുവല്ല: പച്ചക്കറി കൃഷിയിൽ സ്വയംപര്യാപ്തത കൈവരിക്കുക എന്ന ലക്ഷ്യത്തിൽ നിക്കോൾസൺ സിറിയൻ ഗേൾസ് ഹയർ സെക്കൻഡറി സ്കൂളിൽ ഡോ. തിയഡോഷ്യസ് മാർത്തോമ്മാ മെത്രാപ്പോലീത്തയുടെ താൽപര്യ പ്രകാരം ആരംഭിച്ച ജൈവ പച്ചക്കറി കൃഷിയുടെ വിളവെടുപ്പ് നടത്തി.
ഈ വർഷത്തെ വിളവെടുപ്പിന്റെ ഉദ്ഘാടനം തിരുവല്ല മുനിസിപ്പൽ കൗൺസിലർ അനു സോമൻ നിർവഹിച്ചു. സ്കൂൾ ചാപ്ലെയ്ൻ റവ.പ്രകാശ് ഏബ്രഹാം അധ്യക്ഷത വഹിച്ചു. സ്കൂൾ മാനേജർ ഗീത റ്റി. ജോർജ്, റ്റിജു എം. ജോർജ് , സ്കൂൾ പ്രിൻസിപ്പൽ മെറിൻ മാത്യു, കാർഷിക വികസന സംഘം അംഗം ടോണി എന്നിവർ പ്രസംഗിച്ചു.