ര​ണ്ട​രക്കിലോ​ ക​ഞ്ചാ​വു​മാ​യി ര​ണ്ടു​പേ​ർ പോ​ലീ​സ് പി​ടി​യി​ൽ
Tuesday, July 2, 2024 5:10 AM IST
പ​ത്ത​നം​തി​ട്ട: ര​ണ്ട​രക്കി​ലോ​ ക​ഞ്ചാ​വു​മാ​യി ര​ണ്ടു​പേ​രെ പോ​ലീ​സ് പി​ടി​കൂ​ടി. അ​ടൂ​ർ നെ​ല്ലി​മൂ​ട്ടി​ൽ​പ​ടി​യി​ൽനി​ന്ന് ജി​ല്ലാ ആ​ന്‍റി ന​ർ​കോ​ട്ടി​ക് സ്പെ​ഷ​ൽ ആ​ക്‌ഷൻ ഫോ​ഴ്‌​സും (ഡാ​ൻ​സാ​ഫ്) അ​ടൂ​ർ പോ​ലീ​സും ചേ​ർ​ന്ന് ക​സ്റ്റ​ഡി​യി​ലെ​ടു​ത്ത​ത്.

ബൈ​ക്കി​ൽ സ​ഞ്ച​രി​ക്കു​ക​യാ​യി​രു​ന്ന പ​ത്ത​നം​തി​ട്ട ആ​ന​പ്പാ​റ മൂ​ല​ക്ക​ൽ പു​ര​യി​ടം വീ​ട്ടി​ൽ ഷാ​ജ​ഹാ​ൻ (40), വ​ട​ശേ​രി​ക്ക​ര എ​ട​ത്ത​ര നാ​ക്ക​ട്ട് കാ​വു​ങ്ങ​ൽ വീ​ട്ടി​ൽ ബെ​ൻ​സ​ൺ (21) എ​ന്നി​വ​രെ​യാ​ണ് പോ​ലീ​സ് സം​ഘം പി​ന്തു​ട​ർ​ന്ന് സാ​ഹ​സി​ക​മാ​യി പി​ടി​കൂ​ടി​യ​ത്. ചെ​റു പൊ​തി​ക​ളാ​ക്കി വി​ല്പ​ന ന​ട​ത്താ​ൻ വാ​ങ്ങി​ക്കൊ​ണ്ടു​വ​ന്ന​താ​ണെ​ന്ന് ക​ഞ്ചാ​വെ​ന്നു പ​റ​യു​ന്നു. ഷാ​ജ​ഹാ​ൻ ക​ഞ്ചാ​വ് ക​ട​ത്തു​മാ​യി ബ​ന്ധ​പ്പെ​ട്ട് പോ​ലീ​സ്, എ​ക്സൈ​സ് വ​കു​പ്പു​ക​ൾ ര​ജി​സ്റ്റ​ർ ചെ​യ്ത നി​ര​വ​ധി കേ​സു​ക​ളി​ൽ പ്ര​തി​യാ​ണ്.

ജി​ല്ലാ പോ​ലീ​സ് മേ​ധാ​വി വി. ​അ​ജി​ത്തിനു ല​ഭി​ച്ച ര​ഹ​സ്യ​വി​വ​രം കൈ​മാ​റി​യ​തി​നേത്തുട​ർ​ന്ന് ന​ട​ത്തി​യ നീ​ക്ക​ത്തി​ലാ​ണ് പ്ര​തി​ക​ൾ കു​ടു​ങ്ങി​യ​ത്. ര​ണ്ടാം പ്ര​തി​യു​ടെ പേ​രി​ലു​ള്ള ബൈ​ക്ക് ഷാ​ജ​ഹാ​നാ​ണ് ഓ​ടി​ച്ചി​രു​ന്ന​ത്. ബെ​ൻ​സ​ന്‍റെ കൈ​വ​ശ​മു​ണ്ടാ​യി​രു​ന്ന ക​വ​റി​ലാ​ണ് ക​ഞ്ചാ​വ് സൂ​ക്ഷി​ച്ചി​രു​ന്ന​ത്.

നെ​ല്ലി​മൂ​ട്ടി​ൽ​പ​ടി​യി​ൽ ഇ​വ​രെ പോ​ലീ​സ് ത​ട​ഞ്ഞെങ്കി​ലും കു​ത​റി​യോ​ടി ര​ക്ഷ​പ്പെ​ടാ​ൻ ശ്ര​മി​ച്ചു. തു​ട​ർ​ന്ന് പോ​ലീ​സ് സം​ഘം ഓ​ടി​ച്ചി​ട്ട് വ​ള​ഞ്ഞു ബ​ല​പ്ര​യോ​ഗ​ത്തി​ലൂ​ടെ കീ​ഴ​ട​ക്കു​ക​യാ​യി​രു​ന്നു. ഡാ​ൻ​സാ​ഫ് നോ​ഡ​ൽ ഓ​ഫീ​സ​റും ജി​ല്ലാ ന​ർ​കോ​ട്ടി​ക് സെ​ൽ ഡി​വൈ​എ​സ്പി​യു​മാ​യ ജെ ​ഉ​മേ​ഷ്‌ കു​മാ​റി​ന്‍റെ നേ​തൃ​ത്വ​ത്തി​ലാ​ണ് ഇ​വ​രെ പി​ടി​കൂ​ടി​യ​ത്. ഇ​രു​വ​രെ​യും വി​ശ​ദ​മാ​യി ചോ​ദ്യം ചെ​യ്തു​വ​രി​ക​യാ​ണ്. അ​ടൂ​ർ പോ​ലീ​സ് തു​ട​ർ ന​ട​പ​ടി സ്വീ​ക​രി​ച്ചു.

Copyright @ 2022 , Rashtra Deepika Ltd.