പന്തളം: അഴിമതിയും ധൂര്ത്തും നടത്തി ജീവനക്കാരുടെയും പെന്ഷന്കാരുടെയും ശമ്പളവും പെന്ഷനും പോക്കറ്റടിക്കുവാന് സര്ക്കാര് ശ്രമിക്കുകയാണെന്ന് ഡിസിസി പ്രസിഡന്റ് പ്രഫ. സതീഷ് കൊച്ചുപറമ്പില്. കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ നേതൃത്വത്തിൽ ട്രഷറി ഓഫീസ് പടിക്കൽ നടന്ന സമരപരിപാടിയുടെ ജില്ലാതല ഉദ്ഘാടനം പന്തളത്തു നിർവഹിച്ചു പ്രസംഗിക്കുകയായിരുന്നു അദ്ദേഹം.
പെന്ഷന് പരിഷ്കരണം നടപടികള് ഉടന് ആരംഭിക്കണമെന്നും ജീവാനന്ദം പദ്ധതി ഉപേക്ഷിക്കുക, മെഡിസെപ്പിലെ ന്യൂനതകള് പരിഹരിക്കുക തുടങ്ങിയ ആവശ്യങ്ങള് ഉന്നയിച്ചായിരുന്നു ട്രഷറി ഓഫീസുകളുടെ മുന്പിൽ ധർണ നടന്നത്. മണ്ഡലം പ്രസിഡന്റ് പി.കെ. രാജന്റെ അധ്യക്ഷതയിൽ ഡിസിസി പ്രസിഡന്റ് പ്രഫ.സതീഷ് കൊച്ചുപറന്പിൽ ധർണ ഉദ്ഘാടനം ചെയ്തു.
പെൻഷനേഴ്സ് അസോസിയേഷൻ ജില്ലാ വൈസ് പ്രസിഡന്റ് ബി.നരേന്ദ്രനാഥ്, സംസ്ഥാന കൗണ്സില് അംഗം ആര്. മോഹന് കുമാര്, ജില്ലാ ട്രഷറര് വൈ. റഹിം റാവുത്തര്, നിയോജക മണ്ഡലം സെക്രട്ടറി ടി. രാജന്, ഷെരീഫ്, ശാന്തി സുരേഷ്, അലക്സി തോമസ്, രാധാകൃഷ്ണപിള്ള, ഡോ. ജി. സാബു, പ്രഫ. കൃഷ്ണകുമാര്, പ്രഫ. അബ്ദുറഹ്മാന്, കെ.കെ. ജോസ്, ജേക്കബ് സി. ഡാനിയേല്, സ്റ്റീഫന്, കൃഷ്ണന് കുട്ടി, സോമനി, തങ്കം, നന്ദകുമാര്, ബാബുക്കുട്ടി, പി.കെ. രഞ്ജന് എന്നിവര് പ്രസംഗിച്ചു.