നെ​ല്ലി​ന്‍റെ സം​ഭ​ര​ണ​വി​ല വൈ​കു​ന്നു, ക​ർ​ഷ​ക​ർ പ്ര​തി​സ​ന്ധി​യി​ൽ
Wednesday, July 3, 2024 10:58 PM IST
പ​ത്ത​നം​തി​ട്ട: ജി​ല്ല​യി​ൽ​നി​ന്നു സം​ഭ​രി​ച്ച നെ​ല്ലി​ന്‍റെ വി​ല വൈ​കു​ന്ന​തോ​ടെ ക​ർ​ഷ​ക​ർ പ്ര​തി​സ​ന്ധി​യി​ൽ. വാ​യ്പ​യെ​ടു​ത്തും മ​റ്റും കൃ​ഷി ന​ട​ത്തി​യ ക​ർ​ഷ​ക​ർ വി​ല​യ്ക്കു​വേ​ണ്ടി ബാ​ങ്കു​ക​ൾ ക​യ​റി​യി​റ​ങ്ങു​ക​യാ​ണ്. സം​ഭ​രി​ച്ച നെ​ല്ലി​ന് കി​ലോ​ഗ്രാ​മി​ന് 28.30 രൂ​പ​യാ​ണ് ക​ർ​ഷ​ക​ർ​ക്കു ല​ഭി​ക്കേ​ണ്ട​ത്.

സ​പ്ലൈ​കോ പ​ണം ന​ൽ​കി​യി​ട്ടി​ല്ലെ​ങ്കി​ലും ക​ർ​ഷ​ക​രെ ബാ​ങ്കു​ക​ൾ വെ​റു​തെ​വി​ടു​ന്നി​ല്ല. അ​ടു​ത്ത കൃ​ഷി​ക്കു​ള്ള സ​മ​യ​മാ​യി​ട്ടും സം​ഭ​ര​ണ വി​ല വൈ​കി​പ്പി​ക്കു​ന്ന​തി​ൽ ക​ർ​ഷ​ക രോ​ക്ഷ​വും ശ​ക്ത​മാ​ണ്. കൃ​ഷി​യെ​ത്ത​ന്നെ പ്ര​തി​സ​ന്ധി​യി​ലാ​ക്കു​ന്ന ന​ട​പ​ടി​യാ​ണ് സ​ർ​ക്കാ​രി​ന്‍റെ ഭാ​ഗ​ത്തു​നി​ന്നു​ണ്ടാ​കു​ന്ന​തെ​ന്ന് ക​ർ​ഷ​ക​ർ പ​റ​യു​ന്നു. വെ​യി​ലി​നോ​ടും മ​ഴ​യോ​ടും പ​ട​വെ​ട്ടി ഉ​ത്പാ​ദി​പ്പി​ച്ച നെ​ല്ലി​ന്‍റെ വി​ല​യ്ക്കു​വേ​ണ്ടി ഓ​ഫീ​സു​ക​ൾ​ക്കു മു​ന്പി​ൽ കാ​ത്തു​കി​ട​ക്കേ​ണ്ട ഗ​തി​കേ​ടി​ലാ​യി ക​ർ​ഷ​ക​ർ. കൊ​ടും​ചൂ​ടി​ൽ വി​ള​വി​ൽ​ത്ത​ന്നെ കു​റ​വു​ണ്ടാ​യി. ഓ​രോ​വ​ർ​ഷ​വും വി​ള​നാ​ശം ആ​വ​ർ​ത്തി​ക്കു​ക​യാ​ണ്. കാ​ലാ​വ​സ്ഥാ വ്യ​തി​യാ​നം ഏ​റെ​ബാ​ധി​ച്ചി​ട്ടു​ള്ള​തും നെ​ൽ​ക​ർ​ഷ​ക​രെ​യാ​ണ്. അ​ടു​ത്ത കൃ​ഷി​ക്കാ​യി സാ​ധാ​ര​ണ നി​ല​യി​ൽ നി​ലം ഒ​രു​ക്കേ​ണ്ട സ​മ​യ​മാ​യി. പ​ണം ല​ഭി​ക്കാ​ത്ത​തി​നാ​ൽ പാ​ട​ത്തേ​ക്ക് ഇ​റ​ങ്ങാ​ൻ ക​ർ​ഷ​ക​ർ മ​ടി​ക്കു​ക​യാ​ണ്.

സം​ഭ​രി​ച്ച​ത് 9771 മെ​ട്രി​ക് ട​ൺ നെ​ല്ല്

ജി​ല്ല​യി​ൽ ഇ​ക്കു​റി 9771.561 മെ​ട്രി​ക് ട​ൺ നെ​ല്ലാ​ണ് സം​ഭ​രി​ച്ചി​ട്ടു​ള്ള​ത്. ഏ​റ്റ​വു​മ​ധി​കം സം​ഭ​ര​ണം ന​ട​ക്കു​ന്ന​ത് തി​രു​വ​ല്ല താ​ലൂ​ക്കി​ലെ അ​പ്പ​ർ​കു​ട്ട​നാ​ട് മേ​ഖ​ല​യി​ലാ​ണ്. അ​പ്പ​ർ കു​ട്ട​നാ​ട്ടി​ൽ പെ​രി​ങ്ങ​ര​യി​ൽ 2996.534 മെ​ട്രി​ക് ട​ണ്ണും നി​ര​ണ​ത്ത് 1933.59 മെ​ട്രി​ക് ട​ണ്ണും ക​ട​പ്ര​യി​ൽ 866.331 മെ​ട്രി​ക് ട​ണ്ണും നെ​ല്ല് സം​ഭ​രി​ച്ചു. പ​ന്ത​ളം ന​ഗ​ര​പ​രി​ധി​യി​ലെ പാ​ട​ശേ​ഖ​ര​ങ്ങ​ളി​ൽ​നി​ന്ന് 7.6 ല​ക്ഷം കി​ലോ നെ​ല്ലാ​ണ്. പ​ന്ത​ളം ക​രി​ങ്ങാ​ലി പാ​ട​ത്ത് ഇ​ക്കു​റി വി​ള​വ് മോ​ശ​മാ​യി​രു​ന്നു. ചൂ​ട് കൂ​ടി​യ​തു കാ​ര​ണം മ​ങ്കി​ന്‍റെ അ​ള​വ് വ​ർ​ധി​ച്ചി​രു​ന്നു.

പ​ത്ത​നം​തി​ട്ട ജി​ല്ല​യി​ലെ മ​റ്റൊ​രു പ്ര​ധാ​ന പാ​ട​ശേ​ഖ​രം വ​ള്ളി​ക്കോ​ട്ടേ​താ​ണ്. എ​ട്ട് പാ​ട​ശേ​ഖ​ര​ങ്ങ​ളി​ലാ​യി 280 ക​ർ​ഷ​ക​രി​ൽ നി​ന്നാ​ണ് സം​ഭ​ര​ണം ന​ട​ത്തി​യി​ട്ടു​ള്ള​ത്. 400 ട​ൺ നെ​ല്ലാ​ണ് സ​പ്ലൈ​കോ​യ്ക്കു കൈ​മാ​റി​യ​ത്. 1.13 കോ​ടി രൂ​പ വ​ള്ളി​ക്കോ​ട്ട് ല​ഭി​ക്കാ​നു​ണ്ട്.

നാ​ര​ങ്ങാ​നം പ​ഞ്ചാ​യ​ത്തി​ലെ പു​ന്നോ​ൺ പാ​ട​ശേ​ഖ​ര​ത്തി​ലെ 15.5 ട​ൺ നെ​ല്ല് സ​പ്ലൈ​കോ സം​ഭ​രി​ച്ചി​രു​ന്നു. 12 ഹെ​ക്ട​റി​ൽ​നി​ന്നാ​യി​രു​ന്നു നെ​ല്ല് ശേ​ഖ​ര​ണം. 20 ക​ർ​ഷ​ക​ർ​ക്കു പ​ണം ല​ഭി​ക്കാ​നു​ണ്ട്.
സ​പ്ലൈ​കോ​യ്ക്കു ന​ൽ​കു​ന്ന നെ​ല്ലി​ന്‍റെ പ​ണ​ത്തി​നു പ​ക​രം ക​ർ​ഷ​ക​ർ​ക്കു ന​ൽ​കു​ന്ന നെ​ല്ലു സം​ഭ​ര​ണ ര​സീ​ത് (പി​ആ​ർ​സ്) ബാ​ങ്കി​ൽ ന​ൽ​കി​യാ​ൽ വാ​യ്പ​യാ​യി പ​ണം ന​ൽ​കു​ന്ന രീ​തി​യാ​ണ് നെ​ല്ലു സം​ഭ​ര​ണ​ത്തി​ൽ ന​ട​ക്കു​ന്ന​ത്. ക​ർ​ഷ​ക​ർ​ക്കു ന​ൽ​കു​ന്ന പ​ണ​വും അ​തി​ന്‍റെ പ​ലി​ശ​യും തി​രി​ച്ച​ട​യ്ക്കു​ന്ന​ത് സ​പ്ലൈ​കോ​യാ​ണ്. ഇ​ത് സ​ർ​ക്കാ​ർ അ​ട​ച്ചു തീ​ർ​ക്കു​ന്ന​തു​വ​രെ ക​ർ​ഷ​ക​രെ ബാ​ങ്ക് വാ​യ്പ​ക്കാ​രാ​യി ക​ണ​ക്കാ​ക്കും. എ​സ്ബി​ഐ​യും ക​ന​റ​ബാ​ങ്കു​മാ​ണ് പ്ര​ധാ​ന​മാ​യും ക​ർ​ഷ​ക​രെ സ​ഹാ​യി​ച്ചു​വ​രു​ന്ന​ത്.

കൃ​ഷി ന​ഷ്ട​ത്തി​ലേ​ക്ക്

വ​ളം, കീ​ട​നാ​ശി​നി, കൂ​ലി​ച്ചെ​ല​വ് ഇ​വ​യെ​ല്ലാം വ​ർ​ധി​ച്ച​തോ​ടെ നെ​ല്ല് കൃ​ഷി ന​ഷ്ട​ത്തി​ലാ​ണെ​ന്ന് ക​ർ​ഷ​ക​ർ പ​റ​യു​ന്നു. ക​ർ​ഷ​ക​രി​ൽ ന​ല്ലൊ​രു പ​ങ്കും ക​ട​ക്കെ​ണി​യി​ലാ​ണ്. ഇ​തി​നി​ടെ സം​ഭ​ര​ണ​വി​ല വൈ​കു​ന്ന​തും പ്ര​തി​സ​ന്ധി രൂ​ക്ഷ​മാ​ക്കും. സ്കൂ​ൾ വ​ർ​ഷാ​രം​ഭ​ത്തി​ൽ പ​ണം കൈ​യി​ലി​ല്ലാ​തെ ക​ർ​ഷ​ക​ർ ന​ട്ടം തി​രി​യു​ക​യാ​യി​രു​ന്നു. മു​ൻ​കാ​ല​ങ്ങ​ളി​ൽ ക​ർ​ഷ​ക​ർ​ക്കു ന​ൽ​കി​യി​രു​ന്ന പ​ല സ​ബ്സി​ഡി​ക​ളും വെ​ട്ടി​ക്കു​റ​ച്ചു. പു​റ​മേ​നി​ന്നു വാ​യ്പ വാ​ങ്ങി കൃ​ഷി ചെ​യ്ത​വ​ർ പ​ണം മ​ട​ക്കി​ന​ൽ​കാ​തെ ബു​ദ്ധി​മു​ട്ടി​ലാ​യി. അ​ടു​ത്ത കൃ​ഷി​ക്കു​ള്ള പ​ണം ആ​രു​ടെ​യും കൈ​വ​ശ​മി​ല്ലെ​ന്ന സ്ഥി​തി​യാ​യി​ട്ടു​ണ്ട്.

Copyright @ 2022 , Rashtra Deepika Ltd.