കോ​ൺ​ക്രീ​റ്റ് ചെ​യ്യു​ന്ന​തി​നി​ടെ ക​രു​വ​ഞ്ചാ​ൽ പാ​ല​ത്തി​ന്‍റെ ന​ട​പ്പാ​ത ഒ​രുഭാ​ഗം താ​ഴ്ന്നു
Thursday, July 4, 2024 12:58 AM IST
ആ​ല​ക്കോ​ട്: മ​ല​യോ​ര ഹൈ​വേ​യി​ൽ ക​രു​വ​ഞ്ചാ​ൽ പു​ഴ​യ്ക്ക് കു​റു​കെ നി​ർ​മാ​ണം ന​ട​ന്നു​കൊ​ണ്ടി​രു​ന്ന പു​തി​യ പാ​ല​ത്തി​ന്‍റെ കോ​ൺ​ക്രീ​റ്റിം​ഗി​നി​ടെ പാ​ല​ത്തി​ന്‍റെ ന​ട​പ്പാ​ത​യു​ടെ ഒ​രു​ഭാ​ഗം താ​ഴ്ന്ന​ത് ആ​ശ​ങ്ക ഉ​യ​ർ​ത്തി. ഇ​ക്ക​ഴി​ഞ്ഞ ശ​നി​യാ​ഴ്ച​യാ​ണ് പാ​ല​ത്തി​ന്‍റെ മെ​യി​ൻ സ്ലാ​ബി​ന്‍റെ മു​ക​ൾ​ഭാ​ഗ​ത്തെ കോ​ൺ​ക്രീ​റ്റ് ജോ​ലി​ക​ൾ ചെ​യ്ത​ത്. ഇ​ട​വി​ട്ട് മ​ഴ പെ​യ്യു​ന്നു​ണ്ടാ​യി​രു​ന്നെ​ങ്കി​ലും കോ​ൺ​ക്രീ​റ്റ് ജോ​ലി​ക​ൾ രാ​വി​ലെ മു​ത​ൽ വൈ​കു​ന്നേ​രം വ​രെ നീ​ണ്ടു. അ​തി​നി​ടെ​യാ​ണ് ക​രു​വ​ഞ്ചാ​ൽ ടൗ​ണി​നോ​ടു ചേ​ർ​ന്നു​ള്ള ഭാ​ഗ​ത്ത് കോ​ൺ​ക്രീ​റ്റ് ന​ട​ന്ന സ്ഥ​ലം താ​ഴു​ന്ന​ത് നാ​ട്ടു​കാ​ർ ക​ണ്ട​ത്.

ഉ​ട​ൻ​ത​ന്നെ ഇ​ക്കാ​ര്യം ക​രാ​ർ ജോ​ലി​ക​ൾ ചെ​യ്തു​കൊ​ണ്ടി​രു​ന്ന​വ​രെ അ​റി​യി​ക്കു​ക​യും പാ​ല​ത്തി​ന്‍റെ അ​ടി​യി​ൽ​നി​ന്നും ഇ​രു​മ്പു പൈ​പ്പു​ക​ൾ വ​ച്ച് ബ​ല​പ്പെ​ടു​ത്തു​ക​യു​മാ​യി​രു​ന്നു. പാ​ല​ത്തി​ന്‍റെ സ്ലാ​ബു​ക​ളി​ൽ​നി​ന്നു​ത​ന്നെ മു​ക​ൾ​ഭാ​ഗം കോ​ൺ​ക്രീ​റ്റ് ചെ​യ്യു​ന്ന​തി​നു വേ​ണ്ടി​യു​ള്ള ത​ട്ട് പി​ടി​പ്പി​ക്കു​ക​യാ​യി​രു​ന്നു. ഇ​ങ്ങ​നെ പി​ടി​പ്പി​ച്ച ഭാ​ഗ​ത്ത് വേ​ണ്ട​ത്ര ശ്ര​ദ്ധ ന​ൽ​കാ​തി​രു​ന്ന​താ​ണ് ബ​ല​ക്കു​റ​വി​ന് കാ​ര​ണ​മാ​യ​ത്.

ന​ട​പ്പാ​ത​യു​ടെ അ​ടി​യി​ൽ വെ​ൽ​ഡിം​ഗ് ന​ട​ത്തി ഫി​റ്റ് ചെ​യ്ത ഇ​രു​മ്പു​ത​ട്ട് ഇ​ള​കി​പ്പോ​കു​ക​യാ​യി​രു​ന്നു. ഇ​തി​നി​ടെ കോ​ൺ​ക്രീ​റ്റ് ന​ട​ക്കു​ന്ന സ​മ​യ​ത്ത് സ​ജീ​വ് ജോ​സ​ഫ് എം​എ​ൽ​എ​യും പൊ​തു​മ​രാ​മ​ത്ത് ത​ളി​പ്പ​റ​മ്പ് അ​സി. എ​ൻ​ജി​നി​യ​ർ തു​ട​ങ്ങി​യ​വ​രും സ്ഥ​ല​ത്തെ​ത്തി. പാ​ല​ത്തി​ന്‍റെ ഒ​രു​ഭാ​ഗം​താ​ഴ്ന്ന​ത് ശ്ര​ദ്ധ​യി​ൽ പെ​ടാ​തി​രി​ക്കു​ന്ന​തി​നു വേ​ണ്ടി താ​ഴ്ന്ന ഭാ​ഗ​ത്ത് ര​ണ്ടാ​മ​തും ഫി​നി​ഷിം​ഗ് ന​ട​ത്തി​യ​താ​യി ആ​രോ​പ​ണം ഉ​ണ്ട്.

എ​ന്നാ​ൽ പാ​ല​ത്തി​ന്‍റെ ന​ട​പ്പാ​ത​യു​ടെ അ​ടി​വ​ശ​ത്തു​ള്ള ഇ​രു​മ്പു​ഷീ​റ്റാ​ണ് ഇ​ള​കി​വീ​ണ​തെ​ന്നും ആ ​ഭാ​ഗ​ത്തെ ബ​ല​ക്ഷ​യം പ​രി​ഹ​രി​ച്ച് കോ​ൺ​ക്രീ​റ്റിം​ഗ് പൂ​ർ​ത്തി​യാ​ക്കി​യെ​ന്നു​മാ​ണ് ബ​ന്ധ​പ്പെ​ട്ട​വ​ർ പ​റ​യു​ന്ന​ത്.

ക​രു​വ​ഞ്ചാ​ൽ പാ​ലം നി​ർ​മാ​ണ​വു​മാ​യി ബ​ന്ധ​പ്പെ​ട്ട് തു​ട​ക്ക​ത്തി​ൽ ക​മ്പി​യു​ടെ ഗു​ണ​നി​ല​വാ​ര​മ​ട​ക്കം നി​ര​വ​ധി പ​രാ​തി​ക​ൾ ഉ​യ​ർ​ന്നെ​ങ്കി​ലും ഉ​ത്ത​ര​വാ​ദ​പ്പെ​ട്ട​വ​ർ വേ​ണ്ട ജാ​ഗ്ര​ത പാ​ലി​ച്ചി​ല്ലെ​ന്ന് നാ​ട്ടു​കാ​ർ പ​റ​യു​ന്നു. ആ​റു​കോ​ടി രൂ​പ ചെ​ല​വ​ഴി​ച്ച് 50 മീ​റ്റ​ർ നീ​ള​വും 11.5മീ​റ്റ​ർ വീ​തി​യു​മു​ള്ള പാ​ലം നി​ർ​മാ​ണം ആ​രം​ഭി​ച്ച​ത് ര​ണ്ടു വ​ർ​ഷം മു​മ്പാ​ണ്.

Copyright @ 2022 , Rashtra Deepika Ltd.