വടകര: പാർലമെന്റ് അംഗം ഷാഫി പറമ്പിലിന്റെ ഓഫീസ് വടകര പുതിയ സ്റ്റാൻഡിന് സമീപം പ്രവർത്തനം തുടങ്ങി. മുൻ കേന്ദ്രമന്ത്രി മുല്ലപ്പള്ളി രാമചന്ദ്രൻ ഓഫീസ് ഉദ്ഘാടനം ചെയ്തു. മണ്ഡലത്തിലെ ജനങ്ങൾക്ക് ഓഫീസിൽ വരാതെ തന്നെ പരാതി പരിഹരിക്കാനുള്ള സംവിധാനം ഏർപ്പെടുത്തുമെന്ന് ഷാഫി പറമ്പിൽ പറഞ്ഞു.
വിവിധ വിഷയങ്ങളിൽ ജനങ്ങളിൽ നിന്നുള്ള പരാതികൾ ഏറ്റുവാങ്ങി. ചടങ്ങിൽ കെ.കെ. രമ എംഎൽഎ, യുഡിഎഫ്, ആർഎംപി നേതാക്കളായ പാറക്കൽ അബ്ദുല്ല, കെ. പ്രവീൺകുമാർ, എൻ. വേണു, അഡ്വ. ഐ. മൂസ, അഹമ്മദ് പുന്നക്കൽ, കെ. ബാലനാരായണൻ, പ്രദീപ് ചോമ്പാല, ഒ.കെ. കുഞ്ഞബ്ദുള്ള, സുനിൽ മടപ്പള്ളി, കാവിൽ രാധാകൃഷ്ണൻ തുടങ്ങിയവർ പങ്കെടുത്തു.