പെരുവണ്ണാമൂഴി: കനത്ത മഴയിൽ ചക്കിട്ടപാറ പഞ്ചായത്ത് വാർഡ് 15ൽ പെട്ട കൂവപ്പൊയിലിലെ പിണ്ഡപ്പാറ സരോജിനിയുടെ ഇരുനില വീടിനു പിന്നിലെ മൺഭിത്തി ഇടിഞ്ഞുവീണ് നാശനഷ്ടം. ഇന്നലെ രാവിലെയാണ് സംഭവം. വളരെ ഉയരത്തിൽ നിന്നാണു മൺഭിത്തി ഇടിഞ്ഞുവീണത്.
വീടിന്റെ പിൻ ഭാഗത്തിന് തകരാർ സംഭവിച്ചിട്ടുണ്ട്. ഏകദേശം ഒരു ലക്ഷം രൂപയുടെ നഷ്ടം കണക്കാക്കുന്നു. പഞ്ചായത്ത് പ്രസിഡന്റ് കെ. സുനിൽ, വാർഡ് അംഗം വിനിഷ ദിനേശൻ എന്നിവർ സ്ഥലം സന്ദർശിച്ചു. പ്രസിഡന്റിന്റെ നിർദേശാനുസരണം ജെസിബി ഉപയോഗിച്ച് മണ്ണ് നീക്കൽ ആരംഭിച്ചിട്ടുണ്ട്.