ക​ടു​ങ്ങ​ല്ലൂ​രി​ൽ രാ​വും പ​ക​ലും വൈ​ദ്യു​തി മു​ട​ക്കം
Sunday, April 28, 2024 4:59 AM IST
ആ​ലു​വ: ക​ടു​ങ്ങ​ല്ലൂ​ർ പ​ഞ്ചാ​യ​ത്തി​ൽ രാ​വും പ​ക​ലും അ​പ്ര​ഖ്യാ​പി​ത വൈ​ദ്യു​തി മു​ട​ക്ക​മെ​ന്ന് ആ​ക്ഷേ​പം. പ​രാ​തി പ​റ​യാ​ൻ വി​ളി​ച്ചാ​ൽ മു​പ്പ​ത്ത​ടം കെഎ​സ്ഇബി ഓ​ഫീ​സി​ൽ ടെ​ലി​ഫോ​ൺ എ​ടു​ക്കു​ന്നി​ല്ലെ​ന്നും പ​രാ​തി​യു​ണ്ട്. ക​ഴി​ഞ്ഞ ദി​വ​സം കൈ​ക്കു​ഞ്ഞു​മാ​യി വീ​ട്ട​മ്മ വ​ന്നുവ​രെ ഇ​തി​നെ​തി​രെ പ്ര​തി​ഷേ​ധി​ച്ചു.

പ​ക​ൽ സ​മ​യ​ങ്ങ​ളി​ൽ ഇ​ട​യ്ക്കി​ടെ ത​ടസ​പ്പെ​ടു​ന്ന​തി​ന് പു​റ​മേ​യാ​ണ് രാ​ത്രി​യിൽ മു​ന്ന​റി​യി​പ്പി​ല്ലാ​തെ വൈ​ദ്യു​തി പോ​കു​ന്ന​ത്. ചൂ​ട് കാ​ല​മാ​യ​തി​നാ​ൽ കൊ​ച്ചു കു​ട്ടി​ക​ളും രോ​ഗി​യാ​യ​വ​രും വ​യോ​ധി​ക​രു​മാ​ണ് ഫാ​ൻ പ്ര​വ​ർ​ത്തി​പ്പി​ക്കാ​ൻ വൈദ്യുതി ഇ​ല്ലാ​തെ ക​ഷ്ട​പ്പെ​ടു​ന്ന​ത്.

ഒ​രു മാ​സ​ത്തോ​ളം കു​ടി​വെ​ള്ള വി​ത​ര​ണം ഇ​ല്ലാ​തെ ദു​രി​ത​മ​നു​ഭ​വി​ച്ച ക​ടു​ങ്ങ​ല്ലൂ​ർ നി​വാ​സി​ക​ൾ​ക്ക് നി​ല​വി​ൽ ഒ​രു ദി​വ​സം ഇ​ട​വി​ട്ടാ​ണ് കു​ടി​വെ​ള്ള പ​മ്പിം​ഗ് ന​ട​ക്കു​ന്ന​ത്. വൈ​ദ്യു​തി​യു​ടെ ‘പോ​ക്കും വ​ര​വും' ഇ​പ്പോ​ൾ ഇ​രു​ട്ട​ടി​യാ​യി​രി​ക്കു​ക​യാ​ണ്.

വൈ​ദ്യു​തി ഉ​പ​ഭോ​ഗം കൂ​ടി​യ​ത് കൊ​ണ്ടാ​ണ് ഒ​രോ മേ​ഖ​ല​യും മാ​റി മാ​റി ഓ​ഫ് ചെ​യ്യേ​ണ്ടി വ​രു​ന്ന​തെ​ന്ന് ജീ​വ​ന​ക്കാ​ർ ര​ഹ​സ്യ​മാ​യി സ​മ്മ​തി​ക്കു​ന്നു​ണ്ട്. എ​ന്നാ​ൽ വൈ​ദ്യു​തി വി​ത​ര​ണ​ത്തി​ൽ സ്വാ​ഭാ​വി​ക​മാ​യു​ണ്ടാ​കു​ന്ന ത​ട​സമാ​ണെ​ന്നാ​ണ് ഔ​ദ്യോ​ഗി​ക വി​ശ​ദീ​ക​ര​ണം.

ഫോ​ൺ എ​ടു​ക്കാ​ത്ത​ത​ല്ല കൂ​ടു​ത​ൽ കോ​ൾ വ​രു​ന്ന​തി​നാ​ൽ എ​ൻ​ഗേ​ജ്ഡ് ആ​കു​ന്ന​താ​ണെ​ന്നും വൈ​ദ്യു​തി ജീ​വ​ന​ക്കാ​ർ ആ​വ​കാ​ശ​പ്പെ​ടു​ന്നു.

Copyright @ 2022 , Rashtra Deepika Ltd.