GST : Malayalam News, Latest Malayalam News, Kerala, National, International, Sports, Business ,Movies,Health,Youth Special,deepika.com

Home |

Editorial |

Latest News |

ആയുർവേദ സോപ്പ് നിർമാണമേഖല പ്രതിസന്ധിയിലേക്കെന്ന്

ജിഎസ്ടി നിലവിൽ വന്നതോടെ കൈകൊണ്ട് ഉണ്ടാക്കുന്ന ആയുർവേദ സോപ്പ് നിർമാണ മേഖല വൻ പ്രതിസന്ധിയിലേക്കെന്ന് ആക്ഷേപമുയരുന്നു. നിലവിൽ അഞ്ചു ശതമാനം വാറ്റ് നികുതിയുണ്ടായിരുന്ന ഇത്തരം സോപ്പിന് ജിഎസ്ടിയിൽ 18 ശതമാനമാണ് നികുതി.

മെഷീനിൽ നിർമിക്കുന്ന സോപ്പിന് 30.5 ശതമാനത്തിൽ നിന്ന് 18 ശതമാനമായി നികുതി കുറഞ്ഞു. അതേസമയം കൈകൊണ്ടു നിർമിക്കുന്ന സോപ്പിന് 13 തമാനം നികുതി വർധിച്ചു.

കൈകൊണ്ട് നിർമിക്കുന്ന സോപ്പിന് ഒന്നരക്കോടി രൂപയുടെ സെൻട്രൽ എക്സൈസ് നികുതിയിളവ് ജിഎസ്ടി വന്നതോടെ ഇല്ലാതായി. വെളിച്ചെണ്ണയാണ് കൈകൊണ്ട് നിർമിക്കുന്ന ആയുർവേദ സോപ്പുകളിലെ പ്രധാന അസംസ്കൃത വസ്തു. വെളിച്ചെണ്ണ കേരളത്തിനകത്തു നിന്ന് വാങ്ങുന്നതായതിനാൽ വാറ്റിൽ കിട്ടിയിരുന്ന ഒൗട്ട്‌പുട്ട് ടാക്സ് മാത്രമേ പ്രധാനമായും ലഭിക്കുകയുളളൂ.

ഇത്തരം കമ്പനികളുടെ നിലനിൽപ്പിനായി കേന്ദ്ര, സംസ്ഥാന സർക്കാരുകൾ ഇടപെട്ട് ജിഎസ്ടി അഞ്ചു ശതമാനമാക്കി കുറയ്ക്കണമെന്നാണ് നിർമാതാക്കൾ ആവശ്യപ്പെടുന്നത്. ജിഎസ്ടി കുറച്ചില്ലെങ്കിൽ വില കൂട്ടുക മാത്രമേ മാർഗമുള്ളൂവെന്നും നിർമാതാക്കൾ പറയുന്നു.

Other News