അ​ടു​ത്ത ത​വ​ണ ഭ​ര​ണ​ത്തി​ലെ​ത്തു​മെ​ന്നു തോ​ന്നി​യ​പ്പോ​ൾ കോ​ൺ​ഗ്ര​സി​ൽ തു​ട​ങ്ങി​യ ആ​ഭ്യ​ന്ത​ര​ക​ലാ​പ​മാ​ണ് ഇ​പ്പോ​ൾ കെ​പി​സി​സി അ​ധ്യ​ക്ഷസ്ഥാ​ന​ത്തി​ലെ​ത്തി​യി​രി​ക്കു​ന്ന​ത്. അ​ധ്യ​ക്ഷ​ന്‍റെ മ​ത​മ​ല്ല, പാ​ർ​ട്ടി​യു​ടെ മ​തേ​ത​ര​ത്വ​മാ​ണ് പ്ര​ധാ​നം. മു​ഖ്യ​മ​ന്ത്രി​യു​ടെ പാ​ർ​ട്ടിമേ​ധാ​വി​ത്വ​മ​ല്ല, ഭ​ര​ണ​ഘ​ട​നാ വി​ധേ​യ​ത്വ​മാ​ണ് പ്ര​ധാ​നം.

കെ​പി​സി​സി പ്ര​സി​ഡ​ന്‍റു​മാ​യി ബ​ന്ധ​പ്പെ​ട്ട് ഓ​രോ മാ​ധ്യ​മ​വും ഓ​രോ വാ​ർ​ത്ത​യാ​ണു കൊ​ടു​ക്കു​ന്ന​ത്. ഇ​തി​നി​ടെ ആ​ധി​കാ​രി​ക​ത​യു​ടെ ഒ​രു പി​ൻ​ബ​ല​വു​മി​ല്ലാ​തെ, മ​ത​നേ​താ​ക്ക​ളു​ടെ ഇ​ട​പെ​ട​ലു​ക​ൾ ചി​ല​ർ ചൂ​ണ്ടി​ക്കാ​ണി​ക്കു​ക​യും മ​റ്റു ചി​ല​ർ ഏ​റ്റു​പി​ടി​ക്കു​ക​യും ചെ​യ്തി​ട്ടു​ണ്ട്. അ​തി​ൽ കു​റേ​യൊ​ക്കെ നേ​ര​ന്പോ​ക്കാ​ണെ​ന്നു ക​രു​തി ത​ള്ളി​ക്ക​ള​യാം. ഒ​രു കാ​ര്യം കോ​ൺ​ഗ്ര​സി​നോ​ടു പ​റ​യ​ട്ടെ, നി​ങ്ങ​ളു​ടെ പാ​ർ​ട്ടി​യി​ലെ അ​ന്തഃഛി​ദ്ര​ങ്ങ​ളും തീ​രാ​വ്യാ​ധി​യാ​യ അ​ധി​കാ​ര​ക്കൊ​തി​യും പ​രി​ഹ​രി​ക്കാ​ൻ പ്രാ​പ്തി​യു​ള്ള ആ​രെ​യെ​ങ്കി​ലും പ്ര​സി​ഡ​ന്‍റാ​ക്കി​യാ​ൽ നി​ങ്ങ​ൾ​ക്കു കൊ​ള്ളാം.

ഒ​രു മ​ത​ത്തി​നു​വേ​ണ്ടി​യു​മ​ല്ലാ​തെ ജാ​തി-​മ​ത ഭേ​ദ​മെ​ന്യേ എ​ല്ലാ​വ​ർ​ക്കും​വേ​ണ്ടി നി​ല​കൊ​ള്ളു​ക. ഏ​താ​യാ​ലും, ഞ​ങ്ങ​ൾ​ക്കി​ത്ര മ​ന്ത്രി വേ​ണം, കെ​പി​സി​സി പ്ര​സി​ഡ​ന്‍റ് വേ​ണം എ​ന്നൊ​ന്നും പ​റ​യാ​ൻ ക​ത്തോ​ലി​ക്കാ​സ​ഭ ഉ​ദ്ദേ​ശി​ക്കു​ന്നു​ണ്ടാ​വി​ല്ല. സ്ഥാ​ന​മാ​ന​ങ്ങ​ളു​ടെ വീ​തം​വ​യ്പി​നേ​ക്കാ​ൾ, വി​വേ​ച​നം കൂ​ടാ​തെ നീ​തി വി​ത​ര​ണം ചെ​യ്യു​ന്ന​തി​ലാ​ണ് കാ​ര്യം. അ​തൊ​ന്ന് ഉ​റ​പ്പാ​ക്കി​യാ​ൽ മ​തി. അ​ധ്യ​ക്ഷ​ന്‍റെ മ​ത​മ​ല്ല, പാ​ർ​ട്ടി​യു​ടെ മ​തേ​ത​ര​ത്വ​മാ​ണ് പ്ര​ധാ​നം. മു​ഖ്യ​മ​ന്ത്രി​യു​ടെ പാ​ർ​ട്ടി​മേ​ധാ​വി​ത്വ​മ​ല്ല, ഭ​ര​ണ​ഘ​ട​നാ വി​ധേ​യ​ത്വ​മാ​ണ് പ്ര​ധാ​നം.

മു​ഖ്യ​മ​ന്ത്രി, കെ​പി​സി​സി പ്ര​സി​ഡ​ന്‍റ് സ്ഥാ​ന​ങ്ങ​ൾ മാ​ത്ര​മ​ല്ല, ചെ​റി​യ സ്ഥാ​ന​മാ​ന​ങ്ങ​ൾ​ക്കും സ്റ്റേ​ജി​ലൊ​രു ഇ​രി​പ്പി​ട​ത്തി​നു​പോ​ലും കോ​ൺ​ഗ്ര​സി​ലു​ണ്ടാ​കു​ന്ന തി​ക്കി​ത്തി​ര​ക്ക് എ​ക്കാ​ല​വും പാ​ർ​ട്ടി​യു​ടെ വി​ല കെ​ടു​ത്തി​യി​ട്ടു​ള്ള​താ​ണ്. അ​തി​ൽ പാ​ർ​ട്ടി​ക്ക് ഏ​റ്റ​വും ക്ഷീ​ണ​മു​ണ്ടാ​ക്കു​ന്ന​ത് മു​തി​ർ​ന്ന നേ​താ​ക്ക​ളാ​ണെ​ന്ന​തും കൗ​തു​ക​ക​ര​മാ​ണ്. കെ​പി​സി​സി നേ​തൃ​മാ​റ്റ​ത്തി​നു​ള്ള നീ​ക്ക​ങ്ങ​ൾ ഹൈ​ക്ക​മാ​ൻ​ഡ് വീ​ണ്ടും സ​ജീ​വ​മാ​ക്കി​യ​തോ​ടെ​യാ​ണ് ഇ​പ്പോ​ഴ​ത്തെ പൊ​ട്ടി​ത്തെ​റി​ക​ൾ.

ക​ഴി​ഞ്ഞ ദി​വ​സം ഡ​ൽ​ഹി​യി​ൽ ന​ട​ന്ന ച​ർ​ച്ച​ക​ളി​ൽ നേ​തൃ​മാ​റ്റ​വു​മാ​യി ബ​ന്ധ​പ്പെ​ട്ട നേ​രി​യ സൂ​ച​ന​ക​ൾ​പോ​ലും ന​ൽ​കി​യി​രു​ന്നി​ല്ലെ​ന്നു പ​റ​ഞ്ഞ കെ​പി​സി​സി പ്ര​സി​ഡ​ന്‍റ് കെ. ​സു​ധാ​ക​ര​ൻ, ആ​രോ​ഗ്യ പ്ര​ശ്ന​ങ്ങ​ൾ ചൂ​ണ്ടി​ക്കാ​ട്ടി ചി​ല​ർ ത​ന്നെ മൂ​ല​യ്ക്കി​രു​ത്താ​ൻ ശ്ര​മി​ക്കു​ക​യാ​ണെ​ന്ന് ആ​രോ​പി​ച്ചു. അ​ടു​ത്ത ത​വ​ണ ഭ​ര​ണ​ത്തി​ലെ​ത്തു​മെ​ന്നു തോ​ന്നി​യ​പ്പോ​ൾ കോ​ൺ​ഗ്ര​സി​ൽ തു​ട​ങ്ങി​യ ആ​ഭ്യ​ന്ത​ര​ക​ലാ​പ​മാ​ണ് ഇ​പ്പോ​ൾ കെ​പി​സി​സി പ്ര​സി​ഡ​ന്‍റ് സ്ഥാ​ന​ത്തി​ലെ​ത്തി​യി​രി​ക്കു​ന്ന​ത്.

വ​രാ​നി​രി​ക്കു​ന്ന ത​ദ്ദേ​ശ-​നി​യ​മ​സ​ഭാ തെ​ര​ഞ്ഞെ​ടു​പ്പു​ക​ൾ നേ​രി​ടാ​ൻ പു​തി​യ പ്ര​സി​ഡ​ന്‍റ് ആ​വ​ശ്യ​മാ​ണെ​ന്നു കേ​ര​ള​ത്തി​ലെ മി​ക്ക നേ​താ​ക്ക​ളും ഹൈ​ക്ക​മാ​ൻ​ഡ് പ്ര​തി​നി​ധി​യാ​യ എ​ഐ​സി​സി ജ​ന​റ​ൽ സെ​ക്ര​ട്ട​റി ദീ​പാ​ദാ​സ് മു​ൻ​ഷി​യെ അ​റി​യി​ച്ച​താ​യാ​ണ് റി​പ്പോ​ർ​ട്ട്. ദീ​പാ​ദാ​സി​ന്‍റെ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ലാ​ണ് കെ. ​സു​ധാ​ക​ര​നെ മാ​റ്റാ​നു​ള്ള ച​ർ​ച്ച​ക​ൾ ദേ​ശീ​യ​ത​ല​ത്തി​ൽ തു​ട​ങ്ങി​യ​തെ​ന്നും പ​റ​യ​പ്പെ​ടു​ന്നു. ഒ​ന്നും വി​ജ​യ​ത്തി​ലെ​ത്തി​യി​ല്ല. സു​ധാ​ക​ര​നു പ​ക​രം ക്രൈ​സ്ത​വ വി​ഭാ​ഗ​ത്തി​ൽ​നി​ന്നു കെ​പി​സി​സി അ​ധ്യ​ക്ഷ​നെ നി​യ​മി​ക്ക​ണ​മെ​ന്ന അ​ഭി​പ്രാ​യം പാ​ർ​ട്ടി​യി​ൽ ഉ​ണ്ടാ​യി എ​ന്ന വാ​ർ​ത്ത ആ​ദ്യ​മേ പു​റ​ത്തു​വ​ന്നു. കോ​ൺ​ഗ്ര​സി​ന്‍റെ പ​ല നി​ല​പാ​ടു​ക​ളി​ലും ക്രൈ​സ്ത​വ​ർ​ക്കു​ള്ള വി​യോ​ജി​പ്പ് പ​രി​ഹ​രി​ക്കാ​ൻ അ​ത്ത​ര​മൊ​രു നീ​ക്കം സ​ഹാ​യി​ക്കു​മെ​ന്ന് പാ​ർ​ട്ടി​യി​ൽ അ​ഭി​പ്രാ​യം ഉ​ണ്ടാ​യി​രി​ക്കാം. ഇ​തി​ന്‍റെ മ​റ​പി​ടി​ച്ചാ​ണ്, ക​ത്തോ​ലി​ക്കാ​സ​ഭ നേ​തൃ​സ്ഥാ​ന​ത്തേ​ക്ക് ആ​ളെ നി​ർ​ദേ​ശി​ച്ചെ​ന്ന കിം​വ​ദ​ന്തി പ​ര​ന്ന​ത്.

അ​തേ​സ​മ​യം, കെ. ​സു​ധാ​ക​ര​ൻ ത​ന്നെ​യാ​ണ്, ത​ന്നെ മാ​റ്റി​യാ​ൽ ക​ണ്ണൂ​രി​ലെ മു​ൻ ഡി​സി​സി പ്ര​സി​ഡ​ന്‍റ് കൂ​ടി​യാ​യ സ​ണ്ണി ജോ​സ​ഫി​ന്‍റെ പേ​ര് കെ​പി​സി​സി അ​ധ്യ​ക്ഷ​സ്ഥാ​ന​ത്തേ​ക്കു നി​ർ​ദേ​ശി​ച്ച​തെ​ന്നാ​ണു വി​വ​രം. എ​ന്നാ​ൽ, വ​യ​നാ​ട് എം​പി കൂ​ടി​യാ​യ പ്രി​യ​ങ്ക ഗാ​ന്ധി​യും പ്ര​തി​പ​ക്ഷ നേ​താ​വ് വി.​ഡി. സ​തീ​ശ​നും അ​ട​ക്ക​മു​ള്ള​വ​ർ പ​ത്ത​നം​തി​ട്ട എം​പി ആ​ന്‍റോ ആ​ന്‍റ​ണി​യു​ടെ പേ​ര് നി​ർ​ദേ​ശി​ച്ച​തോ​ടെ​യാ​ണ് കെ. ​സു​ധാ​ക​ര​ൻ പ​ര​സ്യ പ്ര​തി​ക​ര​ണ​വു​മാ​യി രം​ഗ​ത്തെ​ത്തി​യ​തെ​ന്നും സൂ​ച​ന​യു​ണ്ട്. അ​തെ​ന്താ​യാ​ലും, ഈ ​പാ​ർ​ട്ടി ത​ർ​ക്ക​ത്തി​ൽ മ​ത​നേ​താ​ക്ക​ൾ​ക്ക് എ​ന്തു പ​ങ്കാ​ണു​ള്ള​തെ​ന്ന​റി​യി​ല്ല. വീ​ണ്ടും പ​റ​യ​ട്ടെ, മ​റ്റു​ള്ള​വ​ർ​ക്കെ​ന്ന​പോ​ലെ ക്രൈ​സ്ത​വ​ർ​ക്കും ഏ​തെ​ങ്കി​ലും പാ​ർ​ട്ടി​യി​ലെ സ്ഥാ​ന​ങ്ങ​ള​ല്ല, ജ​നാ​ധി​പ​ത്യ സം​വി​ധാ​ന​ത്തി​ൽ ഭ​ര​ണ​ഘ​ട​നാ​നു​സൃ​ത​മാ​യ അ​വ​കാ​ശ​ങ്ങ​ളും പ്രാ​തി​നി​ധ്യ​വു​മാ​ണു വേ​ണ്ട​ത്.

കോ​ൺ​ഗ്ര​സ് ഇ​ന്ത്യ​ൻ ജ​നാ​ധി​പ​ത്യ​ത്തി​ന്‍റെ അ​വി​ഭാ​ജ്യ​ഘ​ട​ക​മാ​ണ്. അ​തി​ന്‍റെ തെ​ര​ഞ്ഞെ​ടു​പ്പ് പ​രാ​ജ​യ​ങ്ങ​ളു​ടെ അ​ടി​സ്ഥാ​ന കാ​ര​ണം സം​ഘ​ട​നാ ദൗ​ർ​ബ​ല്യ​മാ​ണെ​ങ്കി​ൽ ശ​ത്രു പു​റ​ത്ത​ല്ല, അ​ക​ത്താ​ണ്. ഇ​പ്പോ​ഴ​ത്തെ കെ​പി​സി​സി പ്ര​സി​ഡ​ന്‍റ് സ്ഥാ​ന​ത്ത​ർ​ക്കം അ​തി​ന്‍റെ ചെ​റി​യൊ​രു ഉ​ദാ​ഹ​ര​ണം മാ​ത്ര​മാ​ണ്. സ​മ​കാ​ലി​ക രാ​ഷ്‌​ട്രീ​യ​ത്തി​ൽ അ​ധി​കാ​രം വോ​ട്ടി​നെ മാ​ത്രം ആ​ശ്ര​യി​ച്ചി​രി​ക്കു​ന്ന കാ​ര്യ​മ​ല്ല. കോ​ൺ​ഗ്ര​സോ സി​പി​എ​മ്മോ ബി​ജെ​പി​യോ ഉ​ൾ​പ്പെ​ടെ ഏ​തൊ​രു പാ​ർ​ട്ടി ഭ​രി​ക്ക​ണ​മെ​ന്നു ജ​നം തീ​രു​മാ​നി​ച്ചാ​ലും സാ​ധ്യ​മാ​ക​ണ​മെ​ന്നി​ല്ല.

ഉ​ൾ​പ്പാ​ർ​ട്ടി ശ​ത്രു​ത, അ​തി​ന്‍റെ ഭാ​ഗ​മാ​യ കാ​ലു​വാ​ര​ൽ, തെ​ര​ഞ്ഞെ​ടു​പ്പി​നു മു​ന്പും ശേ​ഷ​വും മ​റ്റു പാ​ർ​ട്ടി​ക​ളു​മാ​യു​ള്ള അ​വി​ശു​ദ്ധ കൂ​ട്ടു​കെ​ട്ടു​ക​ൾ, കാ​ലു​മാ​റ്റം, കു​തി​ര​ക്ക​ച്ച​വ​ടം തു​ട​ങ്ങി​യ​വ​യെ​ല്ലാം യ​ഥാ​ർ​ഥ വി​ജ​യ​ത്തെ അ​ട്ടി​മ​റി​ക്കു​ക​യും ജ​ന​ങ്ങ​ൾ ആ​ഗ്ര​ഹി​ക്കാ​ത്ത സ​ർ​ക്കാ​ർ അ​ധി​കാ​ര​ത്തി​ൽ വ​രാ​ൻ ഇ​ട​യാ​ക്കു​ക​യും ചെ​യ്യും. കോ​ൺ​ഗ്ര​സ് ഇ​തു മ​റ​ക്ക​രു​ത്. കാ​ര​ണം, അ​ടു​ത്ത നി​യ​മ​സ​ഭാ തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സ് അ​ധി​കാ​ര​ത്തി​ലെ​ത്തു​മെ​ന്നു ക​രു​തു​ന്ന പാ​ർ​ട്ടി അ​ണി​ക​ളെ പാ​ർ​ട്ടി നേ​താ​ക്ക​ൾ​ത​ന്നെ പ​രാ​ജ​യ​പ്പെ​ടു​ത്ത​രു​ത്.

കേ​ന്ദ്ര​ത്തി​ലാ​യാ​ലും സം​സ്ഥാ​ന​ങ്ങ​ളി​ലാ​യാ​ലും ഒ​രു പാ​ർ​ട്ടി​യും അ​ധി​കാ​ര​ത്തി​ലെ​ത്തു​ന്ന​ത് അ​വ​രു​ടെ ക​ഴി​വു​കൊ​ണ്ടു മാ​ത്ര​മ​ല്ല, എ​തി​രാ​ളി​യു​ടെ ക​ഴി​വു​കേ​ടു​കൊ​ണ്ടു​മാ​ണ്. ബി​ജെ​പി രാ​ജ്യ​മൊ​ട്ടാ​കെ ആ ​സാ​ധ്യ​ത ഉ​പ​യോ​ഗി​ച്ചു. കേ​ര​ള​ത്തി​ൽ അ​ടു​ത്ത ത​വ​ണ​യും ത​ങ്ങ​ൾ​ക്ക് അ​ത് ഉ​പ​യോ​ഗി​ക്കാ​നാ​കു​മെ​ന്ന് സി​പി​എം ചി​ന്തി​ക്കു​ന്നു​ണ്ട്. കോ​ൺ​ഗ്ര​സി​ലെ ചി​ന്ത​യാ​ക​ട്ടെ പാ​ർ​ട്ടി​യെ​ന്ന നി​ല​യി​ല​ല്ല, നേ​താ​ക്ക​ളെ​ന്ന നി​ല​യി​ലാ​ണ്.