|
Back to Home |
|
ജിഎസ്ടി നിരക്കുകൾ
|
|
|
ചില രാജ്യങ്ങളിൽ ജിഎസ്ടി ഒരു നിരക്കേ ഉള്ളൂ. എല്ലാ ഉത്പന്നങ്ങളും സേവനങ്ങളും ഒരേ നിരക്കിൽ. ഇന്ത്യ പോലെ വൈവിധ്യം നിറഞ്ഞ, വരുമാന വ്യത്യാസം വളരെക്കൂടിയ രാജ്യത്ത് അതു പ്രായോഗികമല്ല. അതിനാൽ ഉത്പന്ന-സേവനങ്ങളെ പല തട്ടിലാക്കി പല നിരക്ക് ഏർപ്പെടുത്തി.
0% - നികുതി ഇല്ലാത്തവ. ഭക്ഷ്യവസ്തുക്കളും പഴം, പച്ചക്കറി, മത്സ്യം, മാംസം, പാൽ, തൈര്, മൺപാത്രം, ശർക്കര, ഉപ്പ്, ചായപ്പൊടി, കാപ്പി, ആരോഗ്യസേവനം, വിദ്യാഭ്യാസം, പൂജാ സാമഗ്രികൾ തുടങ്ങിയവ. മെട്രോ ട്രെയിൻ ടിക്കറ്റ്.
0.25% - പോളിഷ് ചെയ്യാത്ത രത്നക്കല്ല്
3% - സ്വർണം, വെള്ളി, രത്ന ആഭരണങ്ങൾ
5% - പായ്ക്ക് ചെയ്ത ഭക്ഷ്യവസ്തുക്കൾ, ഭക്ഷ്യ എണ്ണ, പഞ്ചസാര, കൽക്കരി, 1000 രൂപ വരെയുള്ള വസ്ത്രങ്ങൾ, ന്യൂസ് പ്രിന്‍റ്, കോട്ടൺ നൂൽ, കോട്ടൺ തുണി, കശുവണ്ടി, കശുവണ്ടിപ്പരിപ്പ്, എസി ട്രെയിൻ ടിക്കറ്റ്, വിമാന (ഇക്കോണമി) ടിക്കറ്റ്
12% - ക്ഷീരോത്പന്നങ്ങൾ, കുട, ബദാം പരിപ്പ്, അലക്കുപൊടി, ആശംസാ കാർഡുകൾ, കടല, കറിക്കത്തി, മൊബൈൽ ഫോൺ, ചിപ്പ്, പെൻസിൽ, ക്രയോൺ, സ്പോർട്സ് സാമഗ്രികൾ, കളിപ്പാട്ടങ്ങൾ. ബിസിനസ് ക്ലാസ് വിമാന ടിക്കറ്റ്, ഗവൺമെന്‍റ് ലോട്ടറി
18% - ഗ്ലൂക്കോസ്, പഞ്ചസാര ക്യൂബ്, പാസ്ത, കോൺഫ്ലേക്സ്, പേസ്ട്രി, കേക്ക്, സൂപ്പ്, ഐസ്ക്രീം, ഇൻസ്റ്റന്‍റ് ഫുഡ് മിക്സ്, ഹെൽമെറ്റ്, കണ്ണട, 7500 രൂപവരെ വാടകയുള്ള മുറി
28% - മൊളാസസ്, ചോക്ലേറ്റ്, ബബിൾഗം, പാൻമസാല, കസ്റ്റാർഡ് പൗഡർ, പ്ലൈവുഡ്, സുഗന്ധ ദ്രവ്യങ്ങൾ, വൈദ്യുത ഗാർഹികോപകരണങ്ങൾ, എയർകണ്ടീഷണർ, 7500 രൂപയിൽ കൂടിയ നിരക്കുള്ള മുറികൾ, ഇടനിലക്കാർ നടത്തുന്ന ലോട്ടറി
28% + സെസ് - സിഗരറ്റും മറ്റ് പുകയില ഉത്പന്നങ്ങളും, കോളാ പാനീയങ്ങൾ, മോട്ടോർ വാഹനങ്ങൾ.
ജിഎസ്ടിയിലും വെളിച്ചെണ്ണയുടെ 5% നികുതി തുടരും
ജിഎസ്ടിയുടെ വരവിലും വെളിച്ചെണ്ണയുടെ അഞ്ചു ശതമാനം നികുതി തുടരും. നിലവിൽ വെളിച്ചെണ്ണയ്ക്കുള്ള സംസ്ഥാനത്തിന്‍റെ നികുതി അഞ്ചു ശതമാനമാണ്. ജിഎസ്ടിയിലെ നിരക്കും ഇതുതന്നെ. മറ്റു ഭക്ഷ്യ എണ്ണകൾക്കും ജിഎസ്ടിയിൽ അഞ്ചു ശതമാനം നികുതിയാണു നിലനിർത്തിയിരിക്കുന്നത്.
എന്നാൽ, നിലവിൽ സംസ്ഥാന നികുതി ഇല്ലാത്ത കൊപ്രയ്ക്കു ജിഎസ്ടി വരുന്നതോടെ അഞ്ചു ശതമാനം നികുതി നല്കണം. മില്ലുകാരുടെ പക്കൽ വെളിച്ചെണ്ണയുടെ വലിയ ശേഖരമുള്ള നിലവിലെ സാഹചര്യത്തിൽ ഇവയെ നികുതി എങ്ങനെ ബാധിക്കുമെന്ന കാര്യത്തിൽ മില്ലുകാർക്കും ആശങ്കയുണ്ട്. നേരത്തെ നല്കിയ നികുതി വില്പനവേളയിൽ തിരിച്ചുകിട്ടുമോ, കിട്ടിയാല്‌ എത്രഭാഗം ലഭിക്കും എന്നതിലാണ് അവ്യക്തത.
|
|
|
|
|
|
|
|