ഫിലാഡൽഫിയ: അമേരിക്കയിലെ പ്രമുഖ ചാരിറ്റി സംഘടനയായ കോട്ടയം അസോസിയേഷനും ഫിലാഡൽഫിയ കോർപറേഷൻ ഫോർ ഏജിംഗിന്‍റെയും സംയുക്താഭിമുഖ്യത്തിൽ ഒക്ടോബർ 28 അസംപഷൻ മാർത്തോമ്മാ ചർച്ച് (10197, Northeast AVE, Philadelpiya, PA-19116) ഓഡിറ്റോറിയത്തിൽ രാവിലെ ഒന്പത് മുതൽ രണ്ട് വരെ ഹെൽത്ത് ആൻഡ് ഇൻഫർമേഷൻ ഫെയർ നടത്തുന്നു.
കോട്ടയം അസോസിയേഷന്‍റെ പ്രവർത്തന മേഖലകൾ വേറിട്ട വഴികളിലൂടെ സഞ്ചരിക്കുന്നതിന്‍റെ ഭാഗമായിട്ടും കൂടിയാണ് ഇതിനു നേതൃത്വം കൊടുക്കുന്നതെന്നും സമൂഹത്തിന്‍റെ ആവശ്യകത അറിഞ്ഞുള്ള പ്രവർത്തനങ്ങൾക്ക് ഭാവിയിൽ മുൻതൂക്കം കൊടുക്കുമെന്നും കോട്ടയം അസോസിയേഷൻ പ്രസിഡന്‍റ് സണ്ണി കിഴക്കേമുറി പറഞ്ഞു.
ഇതരരാജ്യങ്ങളിൽ നിന്നും കുടിയേറിയവർക്ക് ലഭിക്കുന്ന സൗജന്യമായ ആനുകൂല്യങ്ങൾ ഇന്ത്യൻ കമ്യൂണിറ്റിയിലും എത്തിക്കുന്നതിന്‍റെ ഭാഗമായിട്ടാണ് ഇതുപോലുള്ള പ്രവർത്തനങ്ങൾക്ക് നേതൃത്വം കൊടുക്കുന്നതെന്നും അദ്ദേഹം കൂട്ടിച്ചേർത്തു.
മെഡികെയർ, മെഡിക്കെയ്ഡ്, മെഡിഗാപ്, റിട്ടയർമെന്‍റ് കാലത്തെ ആനുകൂല്യങ്ങൾ, സോഷ്യൽ സെക്യൂരിറ്റി, സോഷ്യൽ സെക്യൂരിറ്റി സപ്ലിമെന്‍റ്, ഇതര സൗജന്യ ഹെൽത്ത് ഇൻഷുറൻസുകളുടെ ലഭ്യത പ്രായഭേദമെന്യേ ലഭിക്കാവുന്ന നിയമോപദേശങ്ങൾ, സാമ്പത്തികവും തൊഴിൽപരവുമായ സഹായങ്ങൾ,
അഡൽറ്റ് ഡേ കെയർ, ഹോംകെയർ സൗജന്യ യാത്രാ സഹായം, ഡോക്ടർമാരുടെ ഹോം വിസിറ്റ്, സൗജന്യ ഭക്ഷണം, നഴ്സിംഗ് ഹോം, ഗ്രാന്‍റ്, എമർജൻസി അലർട്ട് സംവിധാനം തുടങ്ങിയ വിവിധ വിഷയങ്ങളെകുറിച്ചുള്ള സമ്പൂർണ വിവരങ്ങൾ തികച്ചും സൗജന്യമായും മറ്റ് നിരവധി ആനുകൂല്യങ്ങളെ പറ്റിയുള്ള വിവരങ്ങളും ഈ പരിപാടിയിൽ ഉൾപ്പെടുത്തിയിട്ടുണ്ട്.
മലയാള ഭാഷയിലും വിവരങ്ങൾ പരിഭാഷപ്പെടുത്തുന്നതായിരിക്കും. സമയ ബന്ധിതമായ നിയന്ത്രണത്തിലൂടെയാണ് ഈ പരിപാടി ക്രമീകരിച്ചിരിക്കുന്നതെന്നും നിർബന്ധമായും അറിഞ്ഞിരിക്കേണ്ട അവകാശങ്ങളെക്കുറിച്ച് അതാത് മേഖലകളിലെ പ്രഗത്ഭരായ വ്യക്തികൾ സെമിനാറുകൾക്ക് നേതൃത്വം കൊടുക്കും.
പങ്കെടുക്കുന്നവർക്കായി സൗജന്യ യാത്രാ സൗകര്യവും കൂടാതെ എല്ലാവർക്കും പ്രഭാത ഭക്ഷണവും ഉച്ചഭക്ഷണവും ഒരുക്കിയിരിക്കുന്നതായും ഏതെങ്കിലും പ്രത്യേക വിഷയങ്ങളിൽ നിങ്ങളുടെ ചോദ്യങ്ങൾക്ക് ഉത്തരം ലഭിക്കുവാനായി മുൻകൂട്ടി അറിയിക്കണമെന്നും സംഘാടകർ അറിയിച്ചു.
സാബു ജേക്കബ്, ജോബി ജോർജ്, രാജൻ കുര്യൻ, ജെയിംസ് ആന്ത്രയോസ്, കൊട്ടാരം, ജോസഫ് മാണി, ജീമോൻ ജോർജ്, സാജൻ വർഗീസ്, ജോൺ പി. വർക്കി, എബ്രഹാം ജോസഫ്, ജോൺ മാത്യു വർക്കി, വർഗീസ് മാത്യു ഐപ്പ്,
ജെയിസൺ വർഗീസ്, വർക്കി പൈലോ, രാജു കുരുവിള, സെരിൻ കുരുവിള, സജ്ജു സക്കറിയ, സാബു പാമ്പാടി, മാത്യു പാറക്കൽ എന്നിവരുടെ നേതൃത്വത്തിലുള്ള വിപുലമായ കമ്മറ്റിയാണ് ഹെൽത്ത് ആൻഡ് ഇൻഫോർമേഷൻ ഫെയറിന്‍റെ വിജയത്തിനായി പ്രവർത്തിക്കുന്നത്.
കൂടുതൽ വിവരങ്ങൾക്കായി: സണ്ണി കിഴക്കേമുറി - 215 327 7153, രാജൻ കുര്യൻ - 610 457 5868, സാബു ജേക്കബ് - 215 833 7895, ജെയിംസ് ആന്ത്രയോസ് - 215 776 5583, ജോബി ജോർജ് - 215 470 2400. www.kottayamassociation.org