ബംഗളൂരു: ആറ്റുകാൽ പൊങ്കാല പ്രമാണിച്ച് ബംഗളൂരു - കൊച്ചുവേളി റൂട്ടിൽ റെയിൽവേ രണ്ട് വീതം സ്പെഷൽ സർവീസുകൾ നടത്തും. ട്രെയിൻ നമ്പർ 06501 ബംഗളൂരു - കൊച്ചുവേളി എക്സ്പ്രസ് സ്പെഷൽ 22, 24 തീയതികളിൽ രാത്രി 11.55 ന് ബംഗളൂരുവിൽ നിന്ന് പുറപ്പെട്ട് പിറ്റേന്ന് രാത്രി 7.10 ന് കൊച്ചുവേളിയിൽ എത്തും.
ട്രയിൻ നമ്പർ 06502 കൊച്ചുവേളി - ബംഗളൂരു എക്സ്പ്രസ് സ്പെഷൽ 23, 25 തീയതികളിൽ രാത്രി പത്തിന് കൊച്ചുവേളിയിൽ നിന്ന് പുറപ്പെട്ട് അടുത്ത ദിവസം വൈകുന്നേരം 4.30ന് ബംഗളുരുവിൽ എത്തും.
വൈറ്റ് ഫീൽഡ്, ബംഗാരപ്പെട്ട്, കുപ്പം, സേലം, ഈറോഡ്, തിരുപ്പൂർ, കോയമ്പത്തൂർ, പാലക്കാട്, ഒറ്റപ്പാലം, തൃശൂർ, ആലുവ, എറണാകുളം ടൗൺ, കോട്ടയം, തിരുവല്ല, ചെരുന്നൂർ, കായംകുളം, കൊല്ലം എന്നിവിടങ്ങളിൽ രണ്ട് റൂട്ടുകളിലും സ്റ്റോപ്പ് അനുവദിച്ചിട്ടുണ്ട്.
ഏസി ടൂടയർ-ഒന്ന്, ഏസി ത്രീ ടയർ -13, ജനറൽ സെക്കൻഡ് ക്ലാസ്-രണ്ട്, സ്ലീപ്പർ-രണ്ട് എന്നിങ്ങനെയാണ് കോച്ച് പൊസിഷൻ. ടിക്കറ്റ് ബുക്കിംഗ് ആരംഭിച്ചതായി അധികൃതർ അറിയിച്ചു.