കുരങ്ങുപനി യൂറോപ്പില്‍ ആദ്യത്തെ മരണം സ്പെയിനില്‍
Sunday, July 31, 2022 12:29 PM IST
ജോസ് കുമ്പിളുവേലില്‍
മാഡ്രിഡ്: സ്പെയിനിലെ മാഡ്രിഡില്‍ കുരങ്ങുപനി ബാധിച്ച് ഒരാള്‍ മരിച്ചു. യൂറോപ്പില്‍ രോഗം ബാധിച്ച് മരിക്കുന്ന ആ്വ്യത്തെ സംഭവമാണിത്. 24 മണിക്കൂറിനിടെ രണ്ടാം മരണവും ഉണ്ടായി.
മാഡ്രിഡിലെ ആരോഗ്യ മന്ത്രാലയം വെള്ളിയാഴ്ച വൈകുന്നേരം ലിംഗഭേദമോ പ്രായമോ സംബന്ധിച്ച വിശദാംശങ്ങള്‍ നല്‍കാതെ മരണം സ്ഥിരീകരിച്ചു.

ഏറ്റവും പുതിയ കുരങ്ങുപനി റിപ്പോര്‍ട്ട് പ്രകാരം 4,208 കേസുകള്‍ സ്ഥിരീകരിച്ചു. ഇത് ലോകമെമ്പാടും യുഎസ്എയ്ക്ക് (4907 ) പിന്നിലായി സ്പെയിനിനെ രണ്ടാം സ്ഥാനത്തെത്തിച്ചു. ഏഴ് മാസത്തിനും 88 വയസിനും ഇടയില്‍ പ്രായമുള്ളവരാണ് രോഗബാധിതരെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നു.

വെള്ളിയാഴ്ച നേരത്തെ ബ്രസീലില്‍ കുരങ്ങുപനി ബാധിച്ച് മരണം റിപ്പോര്‍ട്ട് ചെയ്തിരുന്നു. ആഫ്രിക്കയ്ക്ക് പുറത്തുള്ള ആദ്യത്തെ കേസായിരുന്നു അത്.

ജര്‍മ്മനിയില്‍, റോബര്‍ട്ട് കോച്ച് ഇന്‍സ്റ്റിറ്റ്യൂട്ടില്‍ ആഴ്ചയുടെ മധ്യത്തില്‍ 2,410 കുരങ്ങുപനി കേസുകള്‍ രേഖപ്പെടുത്തി. ആകെഐ അനുസരിച്ച്, മിക്ക കേസുകളിലും മറ്റ് പുരുഷന്മാരുമായി ലൈംഗിക ബന്ധത്തില്‍ ഏര്‍പ്പെട്ടിട്ടുള്ള പുരുഷന്മാര്‍ രോഗികളാണ്. അഞ്ച് കേസുകളില്‍ മാത്രമാണ് സ്ത്രീകളെ ബാധിച്ചത്, കുട്ടികളില്‍ കേസുകളൊന്നും റിപ്പോര്‍ട്ട് ചെയ്തിട്ടില്ല.
Copyright @ 2022 , Rashtra Deepika Ltd.