കുവൈറ്റ് സിറ്റി: മാർ ബസേലിയോസ് മൂവ്മെന്‍റിന്‍റെ ആഭിമുഖ്യത്തിൽ പരിശുദ്ധ വലിയ നോമ്പിനോടനുബന്ധിച്ച് ക്രമീകരിച്ചിരിക്കുന്ന കൺവൻഷനും ധ്യാനയോഗത്തിനും നേതൃത്വം നൽകുവാൻ മലങ്കര ഓർത്തഡോക്സ് സുറിയാനി സഭയുടെ തുമ്പമൺ ഭദ്രാസനത്തിലെ വൈദികനും അനുഗ്രഹീത പ്രഭാഷകനുമായ റവ.ഫാ. ബ്രിൻസ് അലക്സ് മാത്യൂസ് കുവൈറ്റിൽ എത്തി.
മലങ്കര സഭയുടെ കോട്ടയം പഴയ സെമിനാരി അധ്യാപകൻ, പത്തനംതിട്ട മാർ ഗ്രീഗോറിയോസ് ശാന്തി നിലയം കൗൺസിലിംഗ് സെന്‍റർ ഡയറക്ടർ, തുമ്പമൺ ഭദ്രാസനത്തിന്‍റെ മാനവ ശാക്തികരണ വിഭാഗം ഡയറക്ടർ എന്നീ നിലകളിൽ പ്രവർത്തിച്ചുവരുന്ന ഫാ. ബ്രിൻസിന് കുവൈറ്റ് വിമാനത്താവളത്തിൽ ഊഷ്മളമായ വരവേൽപ്പാണ് ലഭിച്ചത്.
സെന്‍റ് ഗ്രീഗോറിയോസ് ഇന്ത്യൻ ഓർത്തഡോക്സ് മഹാ ഇടവക ട്രസ്റ്റി സിബു അലക്സ് ചാക്കോ, സെക്രട്ടറി ബിനു ബെന്ന്യാം, ഭദ്രാസന കൗൺസിലംഗം ദീപക് അലക്സ് പണിക്കർ, മാർ ബസേലിയോസ് മൂവ്മെന്‍റ് വൈസ് പ്രസിഡന്‍റ് ജെറി ജോൺ കോശി, സെക്രട്ടറി ഷിജു ജോൺ, ട്രഷറർ ടിബു വർഗീസ്, കൺവൻഷൻ കൺവീനർ സജിമോൻ തോമസ്, ജോയിന്‍റ് സെക്രട്ടറി എം.എ. ജോസഫ്, ഓർഗനൈസിംഗ് സെക്രട്ടറി റെനി ഫിലിപ്പ് എന്നിവരുർ നേതൃത്വം നൽകി.
മാർച്ച് 29, 30, 31, ഏപ്രിൽ ഒന്ന് തീയതികളിൽ അബ്ബാസിയ സെന്‍റ് ബസേലിയോസ് ചാപ്പലിൽ വൈകുന്നേരം ഏഴ് മുതലാണ് കൺവൻഷൻ ക്രമീകരിച്ചിരിക്കുന്നത്.