കുവൈറ്റ് സിറ്റി: കുവൈറ്റിലെ തീപിടിത്തത്തെ തുടർന്ന് നടത്തിയ പരിശോധനയിൽ തൊഴിലാളികളുടെ ഹൗസിംഗ് ഡാറ്റ പുതുക്കാത്ത കമ്പനികളുടെ സർക്കാർ കരാർ ഫയലുകൾ പബ്ലിക് അതോറിറ്റി ഓഫ് മാൻപവർ സസ്പെൻഡ് ചെയ്തു.
വ്യാഴാഴ്ച മുതൽ നിരവധി കമ്പനികൾ തങ്ങളുടെ ഡാറ്റ പുതുക്കിയതായി പബ്ലിക് അതോറിറ്റി ഫോർ മാൻപവറിലെ സ്രോതസ് വെളിപ്പെടുത്തി. ഡാറ്റ പുതുക്കുന്നതിൽ പരാജയപ്പെടുന്ന കമ്പനികൾക്കെതിരേ നടപടിയെടുക്കുമെന്ന് അധികൃതർ മുന്നറിയിപ്പ് നൽകി.