മനാമ: വ്യത്യസ്ത മേഖലയിൽ മികവ് തെളിയിച്ച വിദ്യാർഥികളെ കൊല്ലം പ്രവാസി അസോസിയേഷൻ സംഘടിപ്പിച്ച എഡ്യൂക്കേഷൻ എക്സലൻസ് അവാർഡ് ചടങ്ങിൽ വച്ച് ആദരിച്ചു.
എംബിബിഎസ് പൂർത്തിയാക്കിയ ഡോ. നാഫിയ നൗഷാദ്, ഇന്ത്യൻ ആർമിയിലെ ടെക്‌നിക്കൽ സെക്ഷനിൽ പ്രവേശനം ലഭിച്ച അജ്മൽ ജമാൽ, ഐലൻഡ് റ്റോപ്പറായ ഇന്ത്യന്‍ സ്കൂള്‍ വിദ്യാര്‍ഥിനി കൃഷ്ണ ആർ.നായർ എന്നിവരെയാണ് ആദരിച്ചത്.
ചടങ്ങിൽ ഇന്ത്യൻ സ്കൂൾ ചെയർമാനും കെപിഎ രക്ഷാധികാരിയുമായ പ്രിൻസ് നടരാജൻ, ടികെഎം എഞ്ചിനീയറിംഗ് കോളജ് അലുമ്‌നി പ്രസിഡന്‍റും അൽ മൊയ്‌ദ് എയർ കണ്ടിഷനിംഗ് ജനറൽ മാനേജറുമായ ഹാരിസ് മോൻ, എഴുത്തുകാരി മായാ കിരൺ, കെപിഎ പ്രസിഡന്‍റ് നിസാർ കൊല്ലം, ജനറൽ സെക്രട്ടറി ജഗത് കൃഷ്ണകുമാർ, ട്രഷറർ രാജ് കൃഷ്ണൻ, വൈസ് പ്രസിഡന്‍റ് കിഷോർ കുമാർ, സെക്രട്ടറി സന്തോഷ് കാവനാട്, സെക്രട്ടറി അനോജ് മാസ്റ്റർ, അസി. ട്രെഷറർ ബിനു കുണ്ടറ എന്നിവർ സന്നിഹിതരായിരുന്നു.