ജിദ്ദ : വലിയപറമ്പ് പ്രവാസി കൂട്ടായ്മയുടെ ഏഴാമത് വാർഷികം വിപുലമായ രീതിയിൽ ആഘോഷിച്ചു. വാദിമരീഹിലെ റോയൽ വില്ലയിൽ നടന്ന ആഘോഷ പരിപാടികൾ കെ.പി. അബ്ദുറഹിമാൻ ഹാജി ഉദ്ഘാടനം ചെയ്തു. പ്രസിഡന്റ് കെ.എൻ എ ലത്തീഫ് അധ്യക്ഷത വഹിച്ചു.
പ്രവാസത്തിൽ മൂന്ന് പതിറ്റാണ്ട് തികച്ച കൂട്ടായ്മ അംഗങ്ങളായ കെ.പി. അബ്ദുറഹിമാൻ ഹാജി, കെ.പി ബഷീറുദ്ധീൻ, കെ.കെ അബ്ദുൽ ഹമീദ് എന്നിവരെ ചടങ്ങിൽ ആദരിച്ചു. റസാഖ് സൂപ്പർ പ്രിൻ്റ്, അഷ്റഫ് കോളായിൽ, ആഷിഖ് വി.സി എന്നിവർ അവർക്കുള്ള മൊമന്റോ യഥാക്രമം കൈമാറി.
ഈ വർഷത്തെ കൂട്ടായ്മയിലെ മികച്ച സംരഭകനായി തെരഞ്ഞെടുക്കപ്പെട്ട അൻവർ കെ.പിക്ക് ഉപദേശക സമിതി ചെയർമാൻ മുഹ്സിൻ ഉണ്യത്തിപറമ്പ് അവാർഡ് സമ്മാനിച്ചു. ജനറൽ സെക്രട്ടറി ഷാഹിദ് കളപ്പുറത്ത് പ്രവർത്തന റിപ്പോർട്ടും ട്രഷറർ റഷീദ് കെ.ടി സാമ്പത്തിക റിപ്പോർട്ടും അവതരിപ്പിച്ചു. വീരാൻ കുട്ടി മാസ്റ്റർ ടി.കെ, മൊയ്തീൻ കുട്ടി ഇ, റിയാസ് കോട്ട എന്നിവർ ആശംസകൾ പറഞ്ഞു. സോഷ്യൽ മീഡിയ സ്റ്റാറ്റസ് മത്സരത്തിൽ ഫസലുദ്ധീൻ മലാട്ടിക്കലിന് അനസ് ടി.പി സമ്മാനം നൽകി.
തുടർന്ന് ജിദ്ദയിലെ പിന്നണി ഗായിക മുംതാസ് അബ്ദുറഹിമാൻ നയിച്ച ഇശൽ സന്ധ്യ നടന്നു. മുബാറക്ക് വാഴക്കാട്, ബഷീർ താമരശേരി, ഉനൈസ് വലിയപറമ്പ് എന്നിവരും ഗാനങ്ങളാലപിച്ചു.
വലിയപറമ്പിനെ ആലക്കപറമ്പ്, മസ്ജിദ് ബസാർ, ഉണ്യത്തിപറമ്പ് , പോസ്റ്റാഫീസ് എന്നിങ്ങനെ നാല് ഏരിയകളായി തിരിച്ചുള്ള കായിക മത്സരങ്ങൾ നടന്നു. ഫുട്ബോൾ,ക്രിക്കറ്റ് മത്സരങ്ങളിൽ പോസ്റ്റാഫീസ് ഏരിയയും വടംവലി, ഷൂട്ടൗട്ട് മത്സരങ്ങളിൽ മസ്ജിദ് ബസാർ ഏരിയയും ജേതാക്കളായി.
വിജയികൾക്ക് കെ.പി. ബഷീറുദ്ധീൻ, കെ.പി സിദ്ദീഖ്, കെഎൻഎ ഹമീദ് , റഫീക്ക് ചെറുമിറ്റം എന്നിവർ ട്രോഫികൾ സമ്മാനിച്ചു. ഹാരിസ്, സഫീൽ, സിദ്ധീഖ് ടി പി, ഹനീഫ കാവുങ്ങൽ, ഉനൈസ് മാണാൻകുന്നൻ, അൻവർ കണ്ണാടിപറമ്പിൽ, കോയക്കുട്ടി കോളായിൽ അൻവർ കെ, നൗഷാദ് എന്നിവർ പരിപാടികൾക്ക് നേതൃത്വം നൽകി. ഓർഗനൈസിംഗ് സെക്രട്ടറി സിദ്ദീഖ് കെ.പി സ്വാഗതവും സെക്രട്ടറി സജിത് നന്ദിയും പറഞ്ഞു.