ജിദ്ദ: സൗദിയിൽ കോവിഡ് രോഗികളുടെ എണ്ണത്തിൽ കുറവ് വരുന്നതോടെ ആശ്വാസത്തിന് ഇടനൽകുന്നു. രാജ്യത്ത് നിലവിൽ ചികിത്സയിലുള്ളത് 2,289 കോവിഡ് രോഗികൾ മാത്രം. ഇവരിൽ 565 പേരുടെ നില ഗുരുതരമാണ്.
വ്യാഴാഴ്ച 103 പുതിയ കോവിഡ് കേസുകളും ആറു മരണവുമാണ് റിപ്പോർട്ട് ചെയ്തത്. 195 പേർ രോഗമുക്തരായി. ഇതോടെ രാജ്യത്തെ ആകെ കോവിഡ് ബാധിച്ചവരുടെ എണ്ണം 5,45,727ഉം രോഗമുക്തി നേടിയവരുടെ എണ്ണം 5,34,834ഉം ആയി. രാജ്യത്തെ ആകെ മരണം 8,604 ആയി. ഇതുവരെ രാജ്യത്തെ രോഗമുക്തി നിരക്ക് 98 ശതമാനവും മരണനിരക്ക് 1.57 ശതമാനവുമാണ്.
ഇതുവരെ രാജ്യത്ത് 3,87,36,360 ഡോസ് കോവിഡ് വാക്സിൻ വിതരണം നടത്തിയതായി സൗദി ആരോഗ്യ മന്ത്രാലയം അറിയിച്ചു.
വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 34, മക്ക 18, കിഴക്കൻ പ്രവിശ്യ 9, അൽ ഖസീം 7, ജീസാൻ 6, അസീർ 6, മദീന 5, അൽ ജൗഫ് 5, നജ്റാൻ 4, തബൂക്ക് 3, വടക്കൻ അതിർത്തി മേഖല 3, ഹായിൽ 2, അൽബാഹ 1.