കുവൈറ്റ് കെഎംസിസി ചാർട്ടർ വിമാനം: ജൂലൈ 4, 5, 6 തീയതികളിൽ കേരളത്തിലേക്ക് സർവീസ്
കുവൈറ്റ് സിറ്റി: കുവൈത്ത് കെഎംസിസിയുടെ നേതൃത്വത്തിൽ ചാർട്ട് ചെയ്തയക്കുന്ന അടുത്ത ഘട്ട വിമാനങ്ങളുടെ പട്ടിക തയാറായി. ജൂലൈ നാലിന് കോഴിക്കോട്ടേക്കും അഞ്ചിന്് കണ്ണൂരിലേക്കും ആറിന് കൊച്ചിയിലേക്കുമാണ് സർവീസ് നടത്തുക.
കോഴിക്കോട്ടേക്കുള്ള വിമാനത്തിന്റെ പ്രവർത്തനങ്ങൾ കുവൈറ്റ് കെ.എംസിസി മലപ്പുറം ജില്ലാ കമ്മിറ്റിയും കണ്ണൂരിലേക്കുള്ളത് കണ്ണൂർ ജില്ലാ കമ്മിറ്റിയും ഏകോപിപ്പിക്കും. 322 യാത്രക്കാരുമായുള്ള കൊച്ചിയിലേക്കുള്ള ബോയിംഗ് 777 വിമാനത്തിലേക്കുള്ള പ്രവർത്തനങ്ങൾക്ക് സംസ്ഥാന കമ്മിറ്റി നേരിട്ട് നിയന്ത്രിക്കും.
കൊച്ചിയിലേക്ക് ഹാൻഡ് ബാഗ് അടക്കം 75 കിലോ ലഗ്ഗേജ് കൊണ്ട് പോകാൻ യാത്രാക്കാർക്ക് അവസരമുണ്ട്. വിശദ വിവരങ്ങൾക്ക് ബന്ധപ്പെടുക: കൊച്ചി (ടി.ടി.ഷംസു: +965-99105167) കോഴിക്കോട് (റസീൻ പടിക്കൽ: +965-51272292), കണ്ണൂർ (ഷുഐബ് ധർമ്മടം: +965-50688059).
നേരെത്തെ കൊവിഡിന്റെ പശ്ചാത്തലത്തിൽ ദുരിതമനുഭവിക്കുന്ന പ്രവാസികൾക്ക് ആശ്വാസമേകിക്കൊണ്ട് കുവൈത്ത് കെഎംസിസി പാലക്കാട് ജില്ലാ കമ്മിറ്റിയുടെ നേതൃത്വത്തിൽ ഐടിഎൽ വേൾഡുമായി സഹകരിച്ച് തയാറാക്കിയ വിമാനമാണ് അവസാനമായി കൊച്ചിയിലേക്കാണ് യാത്ര തിരിച്ചത്.
ജസീറ എയർവേയ്സിന്റെ എയർബസ് പറന്നുയർന്നതോടെ കുവൈത്ത് കെഎംസിസി ചാർട്ടർ ചെയ്തയച്ച വിമാനങ്ങളുടെ എണ്ണം ഏഴായി. കുവൈത്ത് കെഎംസിസി പ്രസിഡന്റ് ഷറഫുദ്ധീൻ കണ്ണേത്ത്, ജനറൽ സെക്രട്ടറി റസാഖ് പേരാന്പ്ര, സംസ്ഥാന വൈസ് പ്രസിഡണ്ടുമാരായ അസ്ലം കുറ്റിക്കാട്ടൂർ, ഹാരിസ് വള്ളിയോത്ത്, കോഴിക്കോട് ജില്ലാ പ്രസിഡന്റ് ഫാസിൽ കൊല്ലം, പാലക്കാട് ജില്ലാ പ്രസിഡണ്ട് സലാം പട്ടാന്പി, ജനറൽ സെക്രട്ടറി റസാഖ് മണ്ണാർക്കാട്, ട്രഷറർ റസാഖ് കുമരനെല്ലൂർ, വൈസ് പ്രസിഡണ്ടുമാരായ സെയ്തലവി ഷൊർണൂർ, അഷ്റഫ് അപ്പക്കാടൻ, സെയ്തലവി ഒറ്റപ്പാലം, സെക്രട്ടറിമാരായ അബ്ദുൽ വഹാബ്, നൗഷാദ് പി.ടി., സൈനുൽ ആബിദ്, വിവിധ മണ്ഡലം ഭാരവാഹികളായ ബഷീർ തെങ്കര, നിസാർ പട്ടാന്പി, അഷ്റഫ് ഷൊർണ്ണൂർ, സെക്കീർ പുതുനഗരം, നിഷാബ് തങ്ങൾ, ശാഫി തൃത്താല, ഷാനിഷാദ്, ശിഹാബ് പട്ടാന്പി, ബഷിർ പട്ടിശ്ശേരി, നാഫി, ഫൈസൽ എന്നിവർ നേതൃത്വം നൽകി.
റിപ്പോർട്ട്: സലിം കോട്ടയിൽ