കോട്ടയം: സംസ്ഥാനത്തെ പൊതുഗതാഗത സംവിധാനം നിലനിര്‍ത്താനാവശ്യമായ നടപടികള്‍ സ്വീകരിക്കണമെന്ന് ജില്ലാ പ്രൈവറ്റ് ബസ് ഓപ്പറേറ്റേഴ്‌സ് അസോസിയേഷന്‍ ജില്ലാ സമ്മേളനം സര്‍ക്കാരിനോട് ആവശ്യപ്പെട്ടു.
35,000 ത്തോളം സ്വകാര്യ ബസുകള്‍ നിരത്തിലുണ്ടായിരുന്നത് 7,000 ത്തോളമായി ചുരുങ്ങി. കോവിഡ് കാലത്ത് തകര്‍ന്നു പോയ ബസ് വ്യവസായത്തെ സംരക്ഷിക്കാന്‍ സര്‍ക്കാര്‍ തയാറാകത്തതില്‍ സമ്മേളനം പ്രതിഷേധിച്ചു.
വിദ്യാര്‍ഥികളുടെ യാത്രക്കൂലിയില്‍ വര്‍ധനവ് വരുത്തണമെന്നും ദൂരപരിധി പരിഗണിക്കാതെ നിലവിലുള്ള സ്വകാര്യ ബസ് പെര്‍മിറ്റുകള്‍ പുതുക്കി നല്‍കണമെന്നും സമ്മേളനം ആവശ്യപ്പെട്ടു.
മന്ത്രി വി.എന്‍. വാസവന്‍ സമ്മേളനം ഉദ്ഘാടനം ചെയ്തു. തിരുവഞ്ചൂര്‍ രാധാകൃഷ്ണ എംഎല്‍എ, കോട്ടയം നഗരസഭാ ചെയര്‍പേഴ്‌സണ്‍ ബിന്‍സി സെബാസ്റ്റ്യന്‍, ബസ് ഓപ്പറേറ്റേഴ്‌സ് ഫെഡറേഷന്‍ സംസ്ഥാന പ്രസിഡന്‍റ് കെ.കെ. തോമസ്, ജനറല്‍ സെക്രട്ടറി ലോറന്‍സ് ബാബു, ട്രഷറാര്‍ ഹംസ ഏരിക്കുന്നന്‍, വൈസ് പ്രസിഡന്‍റുമാരായ ടി.ജെ. ജോസഫ്, എം.എസ്. പ്രേംകുമാര്‍, ജോയിന്‍റ് സെക്രട്ടറി കെ.ബി. സുനീര്‍, ജില്ലാ ജനറല്‍ സെക്രട്ടറി കെ.എസ്. സുരേഷ്, ജില്ലാ ട്രഷറാര്‍ ടി.യു. ജോണ്‍, ജില്ലാ വൈസ് പ്രസിഡന്‍റുമാരായ ജാക്‌സണ്‍ സി. ജോസഫ്, ഡാന്‍റീസ് അലക്‌സ്, ജില്ലാ ജോയിന്‍റ് സെക്രട്ടറിമാരായ വിനോദ് കെ. ജോര്‍ജ്, ജോണി ആന്‍റണി എന്നിവര്‍ പ്രസംഗിച്ചു.