തി​രു​വ​ല്ല: വീ​ട്ടി​ലേ​ക്കു​ള്ള നി​ത്യോ​പ​യോ​ഗ സാ​ധ​ന​ങ്ങ​ള്‍ മു​ത​ല്‍ ഗ്യാ​സ് വ​രെ വാ​ങ്ങാ​വു​ന്ന ത​ര​ത്തി​ല്‍ റേ​ഷ​ന്‍ക​ട​ക​ളെ കെ ​സ്റ്റോ​ര്‍ (കേ​ര​ള സ്റ്റോ​ര്‍) ആ​ക്കി മാ​റ്റു​മെ​ന്ന സ​ര്‍​ക്കാ​ര്‍ പ്ര​ഖ്യാ​പ​നം ന​ട​പ്പാ​യി​ല്ല. കെ ​സ്റ്റോ​റി​നാ​യി സ​പ്ലൈ ഓ​ഫീ​സ​ര്‍​മാ​രു​ടെ നി​ര്‍​ദേ​ശ​പ്ര​കാ​രം പു​തി​യ വാ​ട​ക മു​റി​ക​ളും അ​ധി​ക സൗ​ക​ര്യ​ങ്ങ​ളും ഒ​രു​ക്കി​യ റേ​ഷ​ന്‍ വ്യാ​പാ​രി​ക​ള്‍​ക്ക് വ​ന്‍ ന​ഷ്ട​വും സം​ഭ​വി​ച്ചു.

അ​ധി​ക സൗ​ക​ര്യ​ങ്ങ​ള്‍ ഒ​രു​ക്കാ​ന്‍ ര​ണ്ട് ല​ക്ഷ​ത്തി​ല​ധി​കം രൂ​പ പ​ല​ര്‍​ക്കും ചെ​ല​വാ​യി​ട്ടു​ണ്ട്. കൂ​ടു​ത​ല്‍ സേ​വ​ന​ങ്ങ​ളും ഉ​ത്പ​ന്ന​ങ്ങ​ളും ന​ല്‍​കു​ന്ന​തി​ലൂ​ടെ അ​ധി​ക വ​രു​മാ​ന​മാ​യി​രു​ന്നു റേ​ഷ​ന്‍ വ്യാ​പാ​രി​ക​ള്‍ ല​ക്ഷ്യ​മി​ട്ട​തെ​ങ്കി​ലും പ​ദ്ധ​തി മു​ട​ന്തി​യ​ത് തി​രി​ച്ച​ടി​യാ​യി റേ​ഷ​ന്‍ വി​ത​ര​ണ​ത്തി​ന് പു​റ​മേ മാ​വേ​ലി സ്റ്റോ​ര്‍ വ​ഴി ന​ല്‍​കു​ന്ന 13 ഇ​ന സ​ബ്സി​ഡി സാ​ധ​ന​ങ്ങ​ളു​ടെ വി​ല്പ​ന, മി​ല്‍​മാ ബൂ​ത്ത്, ഐ​ഒ​സി​യു​ടെ അ​ഞ്ച് കി​ലോ​യു​ടെ ചോ​ട്ടു ഗ്യാ​സ്, 5000 രൂ​പ വ​രെ​യു​ള്ള പ​ണ​മി​ട​പാ​ടു​ക​ള്‍​ക്കു​ള്ള മി​നി ബാ​ങ്കിം​ഗ്, കോ​മ​ണ്‍ സ​ര്‍​വീ​സ് സെ​ന്‍റ​ര്‍ എ​ന്നി​ങ്ങ​നെ ആ​യി​രു​ന്നു സ​ര്‍​ക്കാ​രി​ന്‍റെ വാ​ഗ്ദാ​നം.

റേ​ഷ​ന്‍ സാ​ധ​ന​ങ്ങ​ള്‍​ക്കു​പു​റ​മേ കു​ടും​ബ​ശ്രീ​യു​ടെ ഏ​താ​നും ഉ​ത്പ​ന്ന​ങ്ങ​ളേ നി​ല​വി​ല്‍ കെ ​സ്റ്റോ​റു​ക​ളി​ല്‍ ഉ​ള്ളൂ. സം​സ്ഥാ​ന സ​ര്‍​ക്കാ​രി​ന്‍റെ ഒ​ന്നാം വാ​ര്‍​ഷി​കാ​ഘോ​ഷ​ത്തി​ന്‍റെ ഭാ​ഗ​മാ​യു​ള്ള നൂ​റുദി​ന ക​ര്‍​മ പ​ദ്ധ​തി​ക​ളി​ല്‍ ഉ​ള്‍​പ്പെ​ടു​ത്തി​യാ​ണ് കെ ​സ്റ്റോ​റു​ക​ള്‍ ഭ​ക്ഷ്യ പൊ​തു​വി​ത​ര​ണ വ​കു​പ്പ് പ്ര​ഖ്യാ​പി​ച്ച​ത്. അ​വ​ശ്യ സാ​ധ​ന​ങ്ങ​ളു​ടെ ല​ഭ്യ​ത​ക്കു​റ​വു​ള്ള പ്ര​ദേ​ശ​ങ്ങ​ളി​ല്‍ കെ ​സ്റ്റോ​ര്‍ തു​ട​ങ്ങു​മെ​ന്നാ​ണ് ആ​ദ്യം അ​റി​യി​ച്ചി​രു​ന്ന​ത്.

പി​ന്നീ​ട് മു​ഴു​വ​ന്‍ റേ​ഷ​ന്‍ ക​ട​ക​ളി​ലേ​ക്കും പ​ദ്ധ​തി വ്യാ​പി​പ്പി​ക്കു​മെ​ന്ന് മു​ഖ്യ​മ​ന്ത്രി പ്ര​ഖ്യാ​പി​ച്ചെ​ങ്കി​ലും പ​ദ്ധ​തി പ്ര​ഖ്യാ​പ​ന​ത്തി​ലൊ​തു​ങ്ങി​യെ​ന്ന് വ്യാ​പാ​രി​ക​ള്‍ പ​റ​ഞ്ഞു.