ക​ർ​ണാ​ട​ക​ത്തി​ൽ കൂ​ട്ടു​കൃ​ഷി​യി​ലു​ണ്ടാ​യ ന​ഷ്ടം നി​ക​ത്താ​നാ​ണു പാ​ല​ക്കാ​ട് ധോ​ണി ശ​ങ്ക​ര​മ​ങ്ക​ലം സി.​ഒ. ഉ​മ്മ​ൻ ആ​റു വ​ർ​ഷം മു​ന്പു പാ​ല​ക്കാ​ട് കോ​ണ്ടാ​ട് ഒ​ന്പ​താം മൈ​ലി​ൽ ഒ​ന്ന​ര​യേ​ക്ക​ർ ക​മു​കി​ൻ തോ​ട്ടം വാ​ങ്ങി​യ​ത്. എ​ന്നാ​ൽ, പ്ര​തീ​ക്ഷി​ച്ച​ത്ര ഉ​ത്പാ​ദ​ന​മു​ണ്ടാ​യി​ല്ല.

അ​ട​യ്ക്ക തീ​രെ കു​റ​വ്. വ​ർ​ഷ​ത്തി​ൽ മൂ​ന്നോ നാ​ലോ വി​ള​വെ​ടു​പ്പ് മാ​ത്രം. പ​ല​ത​ര​ത്തി​ലു​ള്ള പ​രി​ച​ര​ണ​ങ്ങ​ൾ മാ​റി​മാ​റി പ​രീ​ക്ഷി​ച്ചെ​ങ്കി​ലും മെ​ച്ച​മു​ണ്ടാ​യി​ല്ല. അ​ങ്ങ​നെ​യി​രി​ക്കെ​യാ​ണ് ഹോ​മി​യോ ഡോ​ക്ട​റാ​യ വി​ഷ്ണു​ദാ​സി​നെ പ​രി​ച​യ​പ്പെ​ടു​ന്ന​ത്.

അ​ദ്ദേ​ഹം ന​ൽ​കു​ന്ന മ​രു​ന്നു കൂ​ട്ടും സ്വ​യ​മൊ​രു​ക്കി​യ പ്ര​ത്യേ​ക വ​ള​ക്കൂ​ട്ടും പ്ര​യോ​ഗി​ച്ച​തോ​ടെ മു​ര​ടി​ച്ചു നി​ന്ന ക​മു​കു​ക​ൾ​ക്കു പു​തു​ജീ​വ​നാ​യി. കൂ​ടു​ത​ൽ ഇ​ല​ക​ൾ വി​ട​ർ​ത്തി ന​ല്ല കാ​യ് ഫ​ലം ന​ൽ​കി​ത്തു​ട​ങ്ങി.

കൃ​ഷി ഭ്രാ​ന്ത്

ആ​ർ​മി ഉ​ദ്യോ​ഗ​സ്ഥ​നാ​യി​രു​ന്ന ഉ​മ്മ​ൻ റെ​യി​ൽ​വേ​യി​ൽ ക്ല​ർ​ക്കാ​യി ജോ​ലി നേ​ടി​യ ശേ​ഷ​മാ​ണു പാ​ല​ക്കാ​ട്ട് എ​ത്തി​യ​ത്. ചെ​റു​പ്പം മു​ത​ൽ അ​ദ്ദേ​ഹ​ത്തി​ന് കൃ​ഷി​യോ​ട് വ​ല്ലാ​ത്തൊ​രു ആ​ഭി​മു​ഖ്യ​മു​ണ്ടാ​യി​രു​ന്നു.

ജോ​ലി​ക്കൊ​പ്പം കൃ​ഷി​യും എ​ന്ന ഉ​ദ്ദേ​ശ്യ​ത്തോ​ടെ ധോ​ണി​യി​ൽ കു​റ​ച്ചു റ​ബ​ർ തോ​ട്ടം വാ​ങ്ങി. കൃ​ഷി നോ​ക്കാ​നു​ള്ള സൗ​ക​ര്യ​ത്തി​ന് അ​വി​ടെ വീ​ടും വ​ച്ചു താ​മ​സ​മാ​ക്കി. വീ​ട്ടാ​വ​ശ്യ​ത്തി​നു​ള്ള പ​ച്ച​ക്ക​റി​ക​ളും ന​ട്ടു പ​രി​പാ​ലി​ച്ചു.

റെ​യി​ൽ​വേ​യി​ൽ നി​ന്നു വി​ര​മി​ച്ച​ശേ​ഷം ക​ർ​ണാ​ട​ക​ത്തി​ലെ​ത്തി സ്ഥ​ലം വാ​ങ്ങി റ​ബ​ർ കൃ​ഷി തു​ട​ങ്ങി. മി​ക​ച്ച വ​രു​മാ​നം കി​ട്ടി​ത്തു​ട​ങ്ങി​യ​തോ​ടെ അ​തി​ന്‍റെ മേ​ൽ​നോ​ട്ടം മ​ക​നെ ഏ​ല്പി​ച്ചു.

പി​ന്നീ​ട്, സു​ഹൃ​ത്തു​ക്ക​ളു​മാ​യി ചേ​ർ​ന്നു വേ​റെ കു​റ​ച്ചു സ്ഥ​ലം വാ​ങ്ങി ക​മു​ക് കൃ​ഷി തു​ട​ങ്ങി. എ​ന്നാ​ൽ, അ​തി​ൽ കൈ ​പൊ​ള്ളി. വ​ലി​യ ന​ഷ്ട​മാ​കു​മെ​ന്നു ക​ണ്ടു കൃ​ഷി​യും കൂ​ട്ടു​കെ​ട്ടും ഉ​പേ​ക്ഷി​ച്ചു.

തു​ട​ർ​ന്നു പാ​ല​ക്കാ​ട്ടെ​ത്തി ഒ​ന്പ​താം മൈ​ലി​ൽ ക​മു​കി​ൻ തോ​ട്ടം വാ​ങ്ങു​ക​യാ​യി​രു​ന്നു. മ​ര​ങ്ങ​ൾ​ക്ക് ആ​രോ​ഗ്യം കു​റ​വാ​യി​രു​ന്നെ​ങ്കി​ലും പ​രി​ച​രി​ച്ചു ന​ന്നാ​ക്കാ​മെ​ന്നാ​യി​രു​ന്നു ക​ണ​ക്കു​കൂ​ട്ട​ൽ.

എ​ന്നാ​ൽ, മു​ട​ക്കു​മു​ത​ലി​ന് അ​നു​സ​രി​ച്ചു വി​ള​വ് കി​ട്ടി​യി​ല്ല. കൃ​ഷി ഉ​പേ​ക്ഷി​ക്കാ​ൻ പ​ല​രും ഉ​പ​ദേ​ശി​ച്ചെ​ങ്കി​ലും കൃ​ഷി​യോ​ടു​ള്ള സ്നേ​ഹം മൂ​ലം ഉ​മ്മ​ന് പിന്മാ​റാ​ൻ ക​ഴി​ഞ്ഞി​ല്ല.

പു​തി​യ രീ​തി

തോ​ട്ടം സം​ര​ക്ഷി​ച്ച് വി​ള​വ് വ​ർ​ധി​പ്പി​ക്കാ​നു​ള്ള പ​രി​ശ്ര​മ​ങ്ങ​ൾ കൂ​ടു​ത​ൽ ഊ​ർ​ജി​ത​മാ​ക്കി. എ​ന്നാ​ൽ, കാ​ര്യ​മാ​യ പ്ര​യോ​ജ​ന​മൊ​ന്നു​മു​ണ്ടാ​യി​ല്ല. അ​ങ്ങ​നെ​യി​രി​ക്കെ​യാ​ണ് 20 വ​ർ​ഷ​ത്തി​ലേ​റെ​യാ​യി കൃ​ഷി​യോ​ടൊ​പ്പം സ​ഞ്ച​രി​ക്കു​ന്ന പാ​ല​ക്കാ​ട്ടെ ഹോ​മി​യോ ഡോ​ക്ട​ർ വി​ഷ്ണു​ദാ​സി​നെ​ക്കു​റി​ച്ചു കേ​ട്ട​ത്.

മ​നു​ഷ്യ​ർ​ക്കെ​ന്ന​തു​പോ​ലെ എ​ല്ലാ​ത്ത​രം വി​ള​ക​ൾ​ക്കും ഉ​പ​യോ​ഗി​ക്കാ​വു​ന്ന ഹോ​മി​യോ മ​രു​ന്നു​ക​ൾ അ​ദ്ദേ​ഹ​ത്തി​ന്‍റെ കൈ​വ​ശ​മു​ണ്ടാ​യി​രു​ന്നു. നി​ര​വ​ധി പ​രീ​ക്ഷ​ണ​ങ്ങ​ളി​ലൂ​ടെ​യാ​ണു ഡോ. ​വി​ഷ്ണു​ദാ​സ് ഇ​തു ക​ണ്ടെ​ത്തി​യ​ത്.

കാ​ലാ​വ​സ്ഥ, ചൂ​ട്, മ​ണ്ണി​ന്‍റെ ഘ​ട​ന തു​ട​ങ്ങി നി​ര​വ​ധി ഘ​ട​ക​ങ്ങ​ളെ ആ​ശ്ര​യി​ച്ചാ​ണ് മ​രു​ന്നു​ക​ൾ പ്ര​യോ​ഗി​ക്കേ​ണ്ട​ത്. വ​ള​പ്ര​യോ​ഗ​വും അ​ങ്ങ​നെ​ത​ന്നെ. ചെ​ടി​ക​ളു​ടെ വ​ള​ർ​ച്ച​യും ആ​രോ​ഗ്യ​വും നോ​ക്കി വ​ള​പ്ര​യോ​ഗം ന​ട​ത്ത​ണം.

ക​റ​വ​പ്പ​ശു​ക്ക​ൾ​ക്കു തീ​റ്റ കു​റ​ഞ്ഞാ​ൽ പാ​ലി​ന്‍റെ അ​ള​വും ഗു​ണ​വും കു​റ​യു​ന്ന​തു​പോ​ലെ വി​ള​വ് ന​ൽ​കു​ന്ന ചെ​ടി​ക​ളു​ടെ ആ​രോ​ഗ്യ​സം​ര​ക്ഷ​ണ​ത്തി​നു തീ​റ്റ​യും മ​രു​ന്നും ആ​വ​ശ്യ​മാ​ണെ​ന്ന തി​രി​ച്ച​റി​വ് ഉ​മ്മ​ന്‍റെ കാ​ർ​ഷ​ക ജീ​വി​ത​ത്തി​ന് വ​ഴി​ത്തി​രി​വാ​യി.

പി​ന്നെ ഡോ. ​വി​ഷ്ണു​ദാ​സ് നി​ർ​ദേ​ശി​ച്ച കൃ​ഷി പ​രി​ച​ര​ണം തു​ട​രാ​ൻ തീ​രു​മാ​നി​ക്കു​ക​യാ​യി​രു​ന്നു. മേ​ൽ​നോ​ട്ട​ത്തി​ന് ഡോ​ക്ട​റും ഒ​പ്പം കൂ​ടി​യ​തോ​ടെ ഉ​മ്മ​ന്‍റെ ഉ​ത്സാ​ഹം ഇ​ര​ട്ടി​ച്ചു. മൂ​ന്ന് മാ​സ​ത്തെ പ​രി​ച​ര​ണം ക​ഴി​ഞ്ഞ​പ്പോ​ൾ ത​ന്നെ ക​മു​കു​ക​ൾ​ക്കു പു​ത്ത​ൻ ഉ​ണ​ർ​വാ​യി.

ത​ടി​ക​ൾ ക​രു​ത്ത് നേ​ടി. ഇ​ല​ക​ളു​ടെ ഉേ·​ഷ​വും പ​ച്ച​പ്പും കാ​ര്യ​മാ​യി വ​ർ​ധി​ച്ചു. ഇ​തോ​ടെ ന​ഷ്ട​പ്പെ​ട്ട​ത് വീ​ണ്ടെ​ടു​ക്കാ​ൻ ക​ഴി​യു​മെ​ന്ന വി​ശ്വാ​സം ഉ​മ്മ​നി​ലും പ്ര​തി​ഫ​ലി​ച്ചു.

പ​രി​ച​ര​ണം

ന​ല്ല രീ​തി​യി​ൽ പ​രി​ച​ര​ണം ന​ൽ​കി​യാ​ൽ ഒ​രു ക​മു​കി​ൽ നി​ന്നു വ​ർ​ഷം 10 മു​ത​ൽ 13 വ​രെ കു​ല​ക​ൾ ല​ഭി​ക്കും. സാ​ധാ​ര​ണ ആ​രോ​ഗ്യ​മു​ള്ള തൈ​ക​ൾ ന​ട്ട് 26 ഇ​ല​ക​ൾ വ​ന്നു ക​ഴി​ഞ്ഞാ​ൽ പു​ഷ്പി​ച്ചു തു​ട​ങ്ങും.


ചെ​റി​യ കു​ഴി​ക​ൾ എ​ടു​ത്ത് ജൈ​വ​വ​ളം ഇ​ട്ടാ​ണ് തൈ​ക​ൾ ന​ടു​ന്ന​ത്. വേ​ന​ൽ​ക്കാ​ല​ത്ത് ആ​ഴ്ച​യി​ൽ മു​ന്നു ന​ന. വ​ള​ർ​ച്ച നോ​ക്കി മൂ​ന്നോ നാ​ലോ മാ​സം കൂ​ടു​ന്പോ​ൾ ചാ​ണ​ക​വും മ​റ്റ് ജൈ​വ​വ​ള​ങ്ങ​ളും ന​ൽ​ക​ണം.

തൈ​ക​ൾ കു​ല​ച്ചു തു​ട​ങ്ങി​യാ​ൽ വ​ർ​ഷ​ത്തി​ൽ ഒ​രു വ​ളം മ​തി. മ​ണ്ണി​ന്‍റെ ഘ​ട​ന, ചെ​ടി​യു​ടെ വ​ള​ർ​ച്ച, ആ​രോ​ഗ്യം, കാ​ലാ​വ​സ്ഥ തു​ട​ങ്ങി​യ കാ​ര്യ​ങ്ങ​ൾ പ​ഠി​ച്ച​ശേ​ഷം പ്ര​ത്യേ​കം ത​യാ​റാ​ക്കു​ന്ന വ​ള ലാ​യ​നി​യാ​ണ് ഉ​മ്മ​ൻ ന​ൽ​കു​ന്ന​ത്.

തോ​ട്ട​ത്തി​ലെ ക​ള​ക​ൾ വെ​ട്ടി​യൊ​തു​ക്കി​യി​ടു​ക​യാ​ണ് പ​തി​വ്. ചു​വ​ട് ഒ​രു​ക്ക​ലും ക​ള​ചെ​ത്ത​ലും പൂ​ർ​ണ​മാ​യി ഒ​ഴി​വാ​ക്കി.



വേ​പ്പി​ൻ പി​ണ്ണാ​ക്ക് ക​ട​ല​പ്പി​ണ്ണാ​ക്ക്, ചാ​ണ​കം, ശ​ർ​ക്ക​ര, മു​തി​ര, ചെ​റു​പ​യ​ർ, ക​ട​ല, വെ​ള്ളം എ​ന്നി​വ നി​ശ്ചി​ത അ​നു​പാ​ത​ത്തി​ൽ ചേ​ർ​ത്തു​ണ്ടാ​ക്കു​ന്ന ലാ​യ​നി​യാ​ണ് പ്ര​ധാ​ന വ​ളം.

വ​ലി​യ ക​മു​കു​ക​ൾ​ക്ക് ഒ​രു ലി​റ്റ​ർ വീ​തം ആ​ഴ്ച​യി​ൽ ഒ​രി​ക്ക​ൽ ചു​വ​ട്ടി​ൽ ഒ​ഴി​ച്ച് കൊ​ടു​ക്കും. മാ​സ​ത്തി​ൽ ര​ണ്ടു ത​വ​ണ പ്ര​ത്യേ​ക അ​ള​വി​ൽ ഹോ​മി​യോ മ​രു​ന്നും ചു​വ​ട്ടി​ലൊ​ഴി​ച്ചു കൊ​ടു​ക്കും.

വേ​രെ വ​ള​ങ്ങ​ൾ ഒ​ന്നു​മി​ല്ല. ആ​രോ​ഗ്യ​ക്കു​റ​വ് കാ​ണ​പ്പെ​ടു​ന്ന​വ​യ്ക്ക് മ​ണ്ണി​ന്‍റെ ഘ​ട​ന നോ​ക്കി ജൈ​വ​വ​ളം ന​ൽ​കും.

വി​ള​വെ​ടു​പ്പ്

ത​ടി​യു​ടെ ചു​റ്റ​ള​വി​ന്‍റെ മൂ​ന്നി​ര​ട്ടി​യോ​ളം വീ​തി​യു​ള്ള പാ​ള​ക​ൾ പൊ​ഴി​ഞ്ഞ് പൂ​ക്കു​ല പു​റ​ത്തു വ​ന്നു വി​രി​ഞ്ഞു ക​ഴി​ഞ്ഞാ​ൽ എ​ട്ടാം മാ​സം വി​ള​വെ​ടു​ക്കാം. ന​ല്ല കു​ല​ക​ളി​ൽ നി​ന്നു 10 മു​ത​ൽ 15 കി​ലോ വ​രെ പ​ഴു​ക്ക ല​ഭി​ക്കും.

ഇ​തു ഉ​ണ​ക്കി തൊ​ണ്ടു ക​ള​ഞ്ഞാ​ൽ 50 ശ​ത​മാ​നം ല​ഭി​ക്ക​ണം. പു​ത്ത​ൻ കൃ​ഷി പ​രി​ച​ര​ണ​ത്തി​ലൂ​ടെ ഉ​മ്മ​ന് ഒ​രു കു​ല​യി​ൽ നി​ന്ന് പ​ത്ത് കി​ലോ​യ്ക്ക് മു​ക​ളി​ൽ അ​ട​യ്ക്ക ല​ഭി​ക്കു​ന്നു​ണ്ട്.

ഏ​താ​ണ്ട് എ​ല്ലാ​മാ​സ​വും വി​ള​വെ​ടു​ക്കാ​ൻ പാ​ക​ത്തി​ൽ പു​തി​യ പൂ​ക്കു​ല​ക​ൾ ഉ​ണ്ടാ​യി​ക്കൊ​ണ്ടു​മി​രി​ക്കു​ന്നു. വി​ള​വെ​ടു​പ്പി​ന്‍റെ ഭാ​ഗ​മാ​യി കു​ല​ക​ൾ നി​ല​ത്തേ​ക്കു വെ​ട്ടി​യി​ടാ​റി​ല്ല. പ​ക​രം കെ​ട്ടി​യി​റ​ക്കു​ക​യാ​ണ് ചെ​യ്യു​ന്ന​ത്.

ഇ​തി​നു​ള്ള യ​ന്ത്ര​സം​വി​ധാ​നം താ​മ​സി​യാ​തെ തോ​ട്ട​ത്തി​ൽ ഏ​ർ​പ്പെ​ടു​ത്തും. കു​ല​ക​ൾ കെ​ട്ടി​ത്തൂ​ക്കി ഉ​ണ​ക്കാ​നു​ള്ള പ്ര​ത്യേ​ക ഡ്ര​യ​ർ ഇ​തി​നോ​ട​കം കൃ​ഷി​യി​ട​ത്തി​ൽ ഒ​രു​ക്കി​ക​ഴി​ഞ്ഞു.

കാ​സ​ർ​ഗോ​ഡ്, മോ​ഹി​ത്, മം​ഗ​ള തു​ട​ങ്ങി ഇ​ന​ത്തി​ൽ​പെ​ട്ട 850 മ​ര​ങ്ങ​ൾ തോ​ട്ട​ത്തി​ലു​ണ്ട്. തേ​നീ​ച്ച കോ​ള​നി​ക​ൾ സ്ഥാ​പി​ച്ചി​ട്ടു​ള്ള​തി​നാ​ൽ കൃ​ത്യ​മാ​യ രീ​തി​യി​ൽ പ​രാ​ഗ​ണ​വും ന​ട​ക്കു​ന്നു.

തേ​നീ​ച്ച​ക​ളു​ടെ​യും ചെ​റു​പ്രാ​ണി​ക​ളു​ടെ​യും സാ​ന്നി​ധ്യം കൂ​ടി​യാ​യാ​ൽ വി​ള​വ് കൂ​ടും.

പെ​യി​ന്‍റി​ൽ ചേ​ർ​ക്കാ​ൻ അ​ട​യ്ക്കാ നീ​ര്

ഗ​ൾ​ഫ് നാ​ടു​ക​ളി​ലെ വാ​ഹ​ന​ങ്ങ​ളി​ൽ അ​ടി​ക്കു​ന്ന പെ​യി​ന്‍റ് ക​ടു​ത്ത ചൂ​ടി​ൽ പൊ​ള്ളി പൊ​ളി​യു​ന്ന​തു സാ​ധാ​ര​ണ​യാ​ണ്. ഇ​തു ചെ​റു​ക്കാ​ൻ അ​ട​യ്ക്ക​യി​ൽ നി​ന്നെ​ടു​ക്കു​ന്ന നീ​ര് പെ​യി​ന്‍റി​ൽ ചേ​ർ​ക്കാ​റു​ണ്ട്.

മ​റ്റ് പെ​യി​ന്‍റു​ക​ളി​ലും അ​ട​യ്ക്ക നീ​ര് ചേ​ർ​ത്ത് വ​രു​ന്നു. വ​സ്ത്ര​ങ്ങ​ൾ​ക്ക് നി​റം ന​ൽ​കാ​നും അ​ട​യ്ക്ക ഉ​പ​യോ​ഗി​ക്കു​ന്നു​ണ്ട്. നാ​ലും കൂ​ട്ടി മു​റു​ക്കാ​നും ഇ​ത് അ​ത്യാ​വ​ശ്യം. പ​ച്ച​പ്പാ​ക്കി​നും വേ​വി​ച്ചെ​ടു​ത്ത പ​ച്ച​പ്പാ​ക്കി​നും ഔ​ഷ​ധ​മൂ​ല്യ​മു​ണ്ട്.

ദ​ഹ​ന സ​ഹാ​യി​യു​മാ​ണ്. ക​ണ്ഠ​ശു​ദ്ധി വ​രു​ത്താ​നും കാ​ഴ്ച ശ​ക്തി കൂ​ട്ടാ​നും ശോ​ധ​ന വ​ർ​ധി​പ്പി​ക്കാ​നും സ​ഹാ​യി​ക്കു​ന്നു. ഉ​ദ​ര​രോ​ഗ​ങ്ങ​ൾ​ക്ക് ഫ​ല​പ്ര​ദം. വേ​വി​ച്ച പ​ച്ച​പ്പാ​ക്കി​ന് ത്രി​ദോ​ഷ​ങ്ങ​ളും ദു​ർ​മേ​ദ​സും കു​റ​യ്ക്കാ​നു​ള്ള ക​ഴി​വു​ണ്ട്.

ആ​യു​ർ​വേ​ദ​ത്തി​ലും നാ​ട്ടു​വൈ​ദ്യ​ത്തി​ലും വി​വി​ധ രോ​ഗ​ശ​മ​ന​ത്തി​നാ​യി ഉ​ണ​ങ്ങി​യ പാ​ക്കും വേ​വി​ച്ചു​ണ​ങ്ങി​യ പാ​ക്കും ഉ​പ​യോ​ഗി​ക്കു​ന്നു​ണ്ട്. ഗ്രാ​മ​പ്ര​ദേ​ശ​ങ്ങ​ളി​ൽ ഇ​ന്നും കൊ​ച്ചു കു​ട്ടി​ക​ളെ കു​ളി​പ്പി​ക്കു​ന്ന​തു ക​മു​കി​ൻ പാ​ള​ക​ളി​ലാ​ണ്.

അ​ടു​ക്ക​ള ആ​വ​ശ്യ​ത്തി​നു​ള്ള മു​റം ഉ​ണ്ടാ​ക്കാ​നും സ​ദ്യ​ക​ൾ​ക്കു​ള്ള പ്ലെ​യി​റ്റു​ക​ളും ക​പ്പു​ക​ളും നി​ർ​മി​ക്കാ​നും പാ​യ്ക്കിം​ഗ് ബോ​ക്സു​ക​ൾ ഉ​ണ്ടാ​ക്കാ​നും പാ​ള​ക​ൾ വ്യാ​പ​ക​മാ​യി ഉ​പ​യോ​ഗി​ക്കു​ന്നു​ണ്ട്.

ഫോ​ണ്‍: 9447422444.

നെ​ല്ലി ചെ​ങ്ങ​മ​നാ​ട്