കൃ​ഷി​യോ​ടു ആ​ഭി​മു​ഖ്യ​മു​ണ്ടെ​ങ്കി​ൽ ഏ​തു പ്ര​തി​കൂ​ല സാ​ഹ​ച​ര്യ​ങ്ങ​ൾ​ക്കും ക​ർ​ഷ​ക​നെ പ​രാ​ജ​യ​പ്പെ​ടു​ത്താ​നാ​വി​ല്ലെ​ന്ന​തി​ന്‍റെ നേ​ർ സാ​ക്ഷ്യ​മാ​ണു കോ​ട്ട​യം ജി​ല്ല​യി​ൽ വൈ​ക്കം ഉ​ദ​യ​നാ​പു​രം വ​ല്ല​കം പ​ടി​ഞ്ഞാ​റ​ക്ക​ര ക​റു​കേ​ലി​ൽ കെ.​ജി. രാ​മ​ച​ന്ദ്ര​ൻ.

വ​ള​ക്കൂ​റു​ള്ള മ​ണ്ണാ​ണെ​ങ്കി​ലും വ​ർ​ഷ​ക്കാ​ല​ത്തു​ണ്ടാ​കു​ന്ന വെ​ള്ള​പ്പൊ​ക്കം വൈ​ക്കം പ​ടി​ഞ്ഞാ​റ​ക്ക​ര പ്ര​ദേ​ശ​ത്ത് കൃ​ഷി​നാ​ശ​മു​ണ്ടാ​ക്കു​ന്ന​തു സാ​ധാ​ര​ണ​യാ​ണ്.

എ​ന്തു ന​ട്ടാ​ലും വെ​ള്ളം കൊ​ണ്ടു​പോ​കു​മെ​ന്ന സ്ഥി​തി വ​ന്ന​തോ​ടെ കൃ​ഷി​യി​ൽ നി​ന്നു പ​ല​രും പി​ന്മാ​റി​ത്തു​ട​ങ്ങി​യ​പ്പോ​ഴാ​ണു വെ​ള്ള​പ്പൊ​ക്ക​ത്തെ അ​തി​ജീ​വി​ക്കു​ന്ന ത​ന്ത്ര​ങ്ങ​ളു​മാ​യി രാ​മ​ച​ന്ദ്ര​ൻ കൃ​ഷി​വി​ജ​യം നേ​ടി​യെ​ടു​ക്കു​ന്ന​ത്.

വെ​ള്ളം ക​യ​റി കു​രു​മു​ള​ക് ന​ശി​ക്കു​ന്ന​ത് ത​ട​യാ​ൻ പി​വി​സി പൈ​പ്പി​ൽ മ​ണ്ണു നി​റ​ച്ചും തി​പ്പ​ലി മ​ര​ത്തി​ന്‍റെ ശാ​ഖ​യി​ൽ ഗ്രാ​ഫ്റ്റു ചെ​യ്തും കു​രു​മു​ള​ക് വ​ള​ർ​ത്തി നേ​ട്ടം കൈ​വ​രി​ച്ചു. താ​ഴെ നി​ന്നു​ത​ന്നെ കു​രു​മു​ള​ക് പ​റി​ച്ചെ​ടു​ക്കാ​മെ​ന്ന​താ​ണ് ഈ ​കൃ​ഷി​രീ​തി​യു​ടെ പ്ര​യോ​ജ​നം.

കേ​ര​ള ബാ​ങ്കി​ൽ സീ​നി​യ​ർ അ​ക്കൗ​ണ്ട​ന്‍റാ​യി വി​ര​മി​ച്ച രാ​മ​ച​ന്ദ്ര​ന്‍റെ കൃ​ഷി​യി​ട​ത്തി​ൽ വി​ള​ഞ്ഞ നാ​ളി​കേ​ര​ത്തി​ന്‍റെ വ​ലി​പ്പ​മു​ള്ള മാ​ങ്ങ​യാ​ണി​പ്പോ​ൾ നാ​ട്ടി​ലെ താ​രം. ഒ​രു മാ​ങ്ങ​യ്ക്ക് 1.810 ഗ്രാം ​തൂ​ക്കം വ​രും. തൈ ​വി​ക​സി​പ്പി​ച്ചെ​ടു​ത്ത തൊ​ടു​പു​ഴ തൊ​മ്മ​ൻ​കു​ത്തി​ലെ കൊ​ശേ​രി വീ​ട്ടി​ൽ നി​ന്നാ​ണ് രാ​മ​ച​ന്ദ്ര​ൻ മാ​വി​ൻ തൈ ​വാ​ങ്ങി​യ​ത്.

ന​ട്ട് നാ​ലാം വ​ർ​ഷം മാ​വ് കാ​യ്ച്ചു. ആ​ദ്യ കാ​ല​ങ്ങ​ളി​ൽ 1.350 ഗ്രാം ​വ​രെ തൂ​ക്ക​മു​ള്ള മാ​ങ്ങ​ക​ൾ ല​ഭി​ച്ചെ​ങ്കി​ലും ഇ​പ്പോ​ഴാ​ണ് 1.800 ഗ്രാ​മി​ല​ധി​കം ഭാ​ര​മു​ള്ള മാ​ങ്ങ ല​ഭി​ക്കു​ന്ന​ത്. പ​ച്ച​മാ​ങ്ങ​യ്ക്ക് ന​ല്ല പു​ളി​യാ​ണ്. പ​ഴു​ത്താ​ൽ ന​ല്ല മ​ധു​ര​വും.

ക​ടു​ത്ത വ​ര​ൾ​ച്ച ഉ​ള്ള​പ്പോ​ൾ മാ​ത്രം ന​ന​യ്ക്കു​ന്ന​തൊ​ഴി​ച്ചാ​ൽ മ​റ്റു പ​രി​ച​ര​ണ​ങ്ങ​ളൊ​ന്നു​മി​ല്ല. ഇ​ത്ത​രം മാ​ങ്ങ​യെ​ക്കു​റി​ച്ച് 18 വ​ർ​ഷം മു​ന്പ് പ​ത്ര​ത്തി​ൽ വാ​യി​ച്ചാ​ണ് രാ​മ​ച​ന്ദ്ര​ൻ അ​റി​യു​ന്ന​ത്.


രാ​മ​ച​ന്ദ്ര​ന്‍റെ 84 സെ​ന്‍റ് പു​ര​യി​ട​ത്തി​ൽ ജാ​തി കൃ​ഷി ചെ​യ്തി​രി​ക്കു​ന്ന രീ​തി​യും ഏ​റെ ശ്ര​ദ്ധേ​യ​മാ​ണ്. വെ​ള്ളം ക​യ​റാ​തി​രി​ക്കാ​ൻ ഓ​രോ മ​ര​ത്തി​ന്‍റെ ചു​വ​ടി​നും ത​റ നി​ര​പ്പി​ൽ നി​ന്നു നാ​ല​ടി ഉ​യ​ര​മു​ണ്ട്.

നാ​ളി​കേ​ര​ത്തി​ന്‍റെ തൊ​ണ്ട​ടു​ക്കി മീ​തെ പൂ​ഴി​മ​ണ്ണ് നി​റ​ച്ചാ​ണ് ത​ട​മൊ​രു​ക്കി​യി​രി​ക്കു​ന്ന​ത്. ഇ​തു​മൂ​ലം ജാ​തി​യു​ടെ ചു​വ​ട്ടി​ൽ എ​പ്പോ​ഴും ന​ന​വു​ണ്ടാ​കും. നാ​ളി​കേ​ര​ത്തി​ന്‍റെ തൊ​ണ്ടി​ലെ ച​കി​രി​ച്ചോ​ർ മി​ക​ച്ച ജൈ​വ വ​ള​മാ​യ​തി​നാ​ൽ ജാ​തി​ക്ക് അ​ത് ഏ​റെ ഗു​ണ​പ്ര​ദ​വു​മാ​ണ്.

വെ​ള്ള​പ്പൊ​ക്ക​ത്തി​ൽ പ​ടി​ഞ്ഞാ​റ​ക്ക​ര ഭാ​ഗ​ത്തും സ​മീ​പ​ത്തു​മാ​യി ആ​യി​ര​ക്ക​ണ​ക്കി​ന് ജാ​തി ഉ​ണ​ങ്ങി​പ്പോ​യെ​ങ്കി​ലും രാ​മ​ച​ന്ദ്ര​ന്‍റെ ജാ​തി മ​ര​ങ്ങ​ൾ​ക്ക് കു​ഴ​പ്പ​മൊ​ന്നും സം​ഭ​വി​ച്ചി​ല്ല.

കൃ​ഷി​യെ നെ​ഞ്ചി​ലേ​റ്റു​ന്ന രാ​മ​ച​ന്ദ്ര​ന്‍റെ കൃ​ഷി​യി​ട​ത്തി​ൽ ആ​പ്പി​ൾ, ഓ​റ​ഞ്ച്, മു​ന്തി​രി, മു​സം​ബി, മാ​ങ്കോ​സ്റ്റി​ൻ, റം​ന്പു​ട്ടാ​ൻ തു​ട​ങ്ങി​യ​വ​യു​ണ്ട്. ഉ​ദ​യ​നാ​പു​രം വാ​ഴ​മ​ന​യി​ലും ത​ല​യാ​ഴ​ത്തെ മ​ണ്ണാ​റം ക​ണ്ട​ത്തി​ലു​മാ​യി മൂ​ന്നേ​ക്ക​ർ നെ​ൽ​കൃ​ഷി​യു​മു​ണ്ട്.

ഇ​തി​നു പു​റ​മെ മ​ത്സ്യ​കൃ​ഷി​യി​ലും ചെ​റു​തേ​നി​ച്ച കൃ​ഷി​യി​ലും രാ​മ​ച​ന്ദ്ര​ൻ വ്യാ​പൃ​ത​നാ​ണ്. തോ​ടു​ക​ളി​ൽ ക​രി​മീ​നും നാ​ട​ൻ വ​രാ​ലും കാ​രി​യും വ​ള​ർ​ത്തു​ന്ന​തി​ന് പു​റ​മെ കോ​ണ്‍​ക്രീ​റ്റു ടാ​ങ്കി​ൽ ക​രി​മീ​നും കാ​രി​യും അ​നാ​ബ​സും വ​ള​ർ​ത്തു​ന്നു​ണ്ട്.

കോ​ണ്‍​ക്രീ​റ്റു ടാ​ങ്കി​ൽ സ്വാ​ഭാ​വി​ക ആ​വാ​സ വ്യ​വ​സ്ഥ ഒ​രു​ക്കി ക​രി​മീ​നെ ബ്രീ​ഡ് ചെ​യ്യി​ക്കാ​നു​ള്ള പ​രീ​ക്ഷ​ണ​ത്തി​ലേ​ർ​പ്പെ​ട്ടി​രി​ക്കു​ക​യാ​ണ് ഈ ​സ​മ്മി​ശ്ര ക​ർ​ഷ​ക​ൻ.

ഫോ​ണ്‍: 9496804018

സു​ഭാ​ഷ് ഗോ​പി