സൂപ്പർതാരം രജനീകാന്ത് നായകനായി ഏറ്റവും ഒടുവിൽ പുറത്തുവന്ന മുരുഗദോസ് ചിത്രം ദര്‍ബാറിനെച്ചൊല്ലിയുള്ള വിവാദങ്ങൾ ഇനിയും കെട്ടടങ്ങിയിട്ടില്ല. അപ്പോഴേക്കും ഇതാ അടുത്ത രജനികാന്ത് ചിത്രത്തിന്‍റെ പേര് അണിയറ പ്രവർത്തകർ പുറത്തു വിട്ടിരിക്കുന്നു. അണ്ണാത്തെ എന്നാണ് ചിത്രത്തിന് പേരിട്ടിരിക്കുന്നത്. രജനീകാന്തിന്‍റെ 168-ാമത്തെ ചിത്രമാണ് അണ്ണാത്തെ.
രാഷ്ട്രീയത്തിലേക്കുള്ള രജനിയുടെ വരവ് ചർച്ചയായിരിക്കുന്ന സാഹചര്യത്തിൽ അണ്ണാത്തെ എന്ന പേരിലും രാഷ്ട്രീയ ചുവ ഉണ്ടെന്നാണ് തമിഴകത്തെ സംസാരം. അണ്ണാത്തെ എന്ന വാക്കിന് മൂത്ത സഹോദരന്‍ എന്നാണ് അര്‍ഥം.
കഴിഞ്ഞ വർഷം ഡിസംബറിൽ ആണ് സിനിമയുടെ ചിത്രീകരണം ആരംഭിച്ചത്. തലൈവർ 168 എന്നാണ് പേരിട്ടിരുന്നത്. അണ്ണാത്തെ എന്ന പേര് കഴിഞ്ഞ ദിവസമാണ് നിർമാതാക്കളായ സൺ പിക്ചേഴ്സ് പ്രഖ്യാപിച്ചത്. സിരുത്തൈ ശിവയാണ് ചിത്രം സംവിധാനം ചെയ്യുന്നത്. നയൻതാരയാണ് ചിത്രത്തിൽ നായികയാകുന്നത്. ദർബാറിനു ശേഷം വീണ്ടും നയൻതാര രജനിയുടെ നായികയാവുകയാണ്.
അണ്ണാത്തെ എന്ന പേരില്‍ ഡി. ഇമാന്‍ ഒരുക്കുന്ന ഗാനവും സിനിമ‍യിലുണ്ട്. കീര്‍ത്തി സുരേഷ്, സൂരി മീന, ഖുഷ്ബു, പ്രകാശ് രാജ് എന്നിവരാണ് മറ്റു താരങ്ങൾ. വെട്രി പളനിസ്വാമിയാണ് ഛായാഗ്രഹണം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.