കേന്ദ്രസർക്കാർ സ്ഥാപനമായ കൊച്ചിൻ ഷിപ്പ്യാർഡ് ലിമിറ്റഡ് ഷിപ്പ് ഡ്രാഫ്റ്റ്സമാൻ ട്രെയിനി തസ്തികയിലേക്ക് അപേക്ഷ ക്ഷണിച്ചു. 79 ഒഴിവുകളാണുള്ളത്.
ഷിപ്പ് ഡ്രാഫ്റ്റ്സ്മാൻ ട്രെയിനി (മെക്കാനിക്കൽ) : 59 ഒഴിവ്.
സ്റ്റൈപെൻഡ്: ആദ്യവർഷം 12,600 രൂപ, രണ്ടാം വർഷം 13,800 രൂപ.
യോഗ്യത: എസ്എസ്എൽസി ജയം, 60 ശതമാനം മാർക്കോടെ മെക്കാനിക്കൽ എൻജിനിയറിംഗിൽ ത്രിവത്സര ഡിപ്ലോമ. കാഡ് പരിജ്ഞാനം.
പ്രായം: 25 വയസ്. എസ്സി, എസ്ടി ഒബിസി വിഭാഗക്കാർക്ക് ഉയർന്ന പ്രായത്തിൽ നിയമാനുസൃത ഇളവ് ലഭിക്കും.
ഷിപ്പ് ഡ്രാഫ്റ്റ്സ്മാൻ ട്രെയിനി (ഇലക്ട്രിക്കൽ) : 17 ഒഴിവ്.
സ്റ്റൈപെൻഡ്: ആദ്യവർഷം 12,600 രൂപ, രണ്ടാം വർഷം 13,800 രൂപ.
യോഗ്യത: എസ്എസ്എൽസി ജയം, 60 ശതമാനം മാർക്കോടെ മെക്കാനിക്കൽ എൻജിനിയറിംഗിൽ ത്രിവത്സര ഡിപ്ലോമ. കാഡ് പരിജ്ഞാനം.
പ്രായം: 25 വയസ്. എസ്സി, എസ്ടി ഒബിസി വിഭാഗക്കാർക്ക് ഉയർന്ന പ്രായത്തിൽ നിയമാനുസൃത ഇളവ് ലഭിക്കും.
നിർദിഷ്ട യോഗ്യതയില്ലാത്ത, അതേസമയം ബിടെക്, എംഎസ്സി തുടങ്ങിയ അധികയോഗ്യതയുള്ളവർ അപേക്ഷിക്കാൻ അർഹരല്ല. നിലവിൽ ഷിപ്പ് ഡ്രാഫ്റ്റ്സ്മാൻ ട്രെയിനിയായി കൊച്ചിൻ ഷിപ്പ്യാർഡിൽ ജോലി ചെയ്യുന്നവരുടെ അപേക്ഷകൾ സ്വീകരിക്കുന്നതല്ല.
തെരഞ്ഞെടുപ്പ്: ഡിപ്ലോമയ്ക്കു ലഭിച്ച മാർക്ക് (20 മാർക്ക് വെയിറ്റേജ്), ഒബ്ജക്ടീവ് മാതൃകയിലുള്ള ഓണ്ലൈൻ പരീക്ഷ (50 മാർക്ക്) തുടർന്ന് നടത്തുന്ന പ്രായോഗിക പരീക്ഷ (30 മാർക്ക്) എന്നിവയുടെ അടിസ്ഥാനത്തിലായിരിക്കും തെരഞ്ഞെടുപ്പ്. ഒബ്ജക്ടീവ് പരീക്ഷയിൽ ജനറൽ നോളജ്, ജനറൽ ഇംഗ്ലീഷ്, റീസണിംഗ്, ക്വാണ്ടിറ്റേറ്റീവ് ആപ്റ്റിറ്റ്യൂഡ് എന്നീ വിഭാഗങ്ങളിൽനിന്നും ഒരോ മാർക്കിന്റെ അഞ്ച് ചോദ്യം വീതവും നിർദിഷ്ട വിഷയവുമായി ബന്ധപ്പെട്ട 30 ചോദ്യങ്ങളും ഉണ്ടായിരിക്കും.
ഒബ്ജക്ടീവ് പരീക്ഷയിൽ വിജയിക്കാൻ ജനറൽ, ഇഡബ്ല്യുഎസ് വിഭാഗക്കാർക്ക് അന്പതുശതമാനവും ഒബിസി വിഭാഗക്കാർക്ക് 45 ശതമാനവും എസ്സി,എസ്ടി, വികലാംഗ വിഭാഗക്കാർക്ക് 40 ശതമാനവും മാർക്ക് വേണം. പ്രായോഗിക പരീക്ഷയിൽ കാഡ് സോഫ്റ്റവെയർ ഉപയോഗിച്ച് ഒരു ഡ്രോയിംഗ് തയാറാക്കണം. പ്രായോഗിക പരീക്ഷയിൽ വിജയിക്കാൻ കുറഞ്ഞത് 33.33 ശതമാനം മാർക്ക് നേടണം.
അപേക്ഷ: സിഎസ്എൽ വെബ്സൈറ്റിലൂടെ ഓണ്ലൈനായി അപേക്ഷ സമർപ്പിക്കണം. 600 രൂപയാണ് അപേക്ഷാ ഫീസ്. എസ്സി/എസ്ടി വിഭാഗക്കാർക്കും ഭിന്നശേഷിക്കാർക്കും ഫീസില്ല. ഓണ്ലൈൻ അപേക്ഷയുടെ പ്രിന്റൗട്ടെടുത്ത് സൂക്ഷിക്കണം. അപേക്ഷ സ്വീകരിക്കുന്ന അവസാന തീയതി ഏപ്രിൽ 19. വെബ്സൈറ്റ്: www.cochinshipyard.in.
കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക.