റീജണൽ റൂറൽ ബാങ്കുകളിലെ ഓഫീസർ ( ഗ്രൂപ്പ് -എ), ഓഫീസ് അസിസ്റ്റന്‍റ് -മൾട്ടിപർപ്പസ് ഗ്രൂപ്പ്-ബി) തസ്‌തികകളിലെ നിയമനത്തിനായി ഇൻസ്റ്റിറ്റ്യൂട്ട് ഓഫ് ബാങ്കിംഗ് പഴ്സണൽ സെലക്ഷൻ നടത്തുന്ന പൊതുപരീക്ഷയ്ക്കു സെപ്റ്റംബർ 21വരെ ഓൺലൈനായി അപേക്ഷിക്കാം.
വിവിധ തസ്‌തികകളിലായി 13,217 ഒഴിവുണ്ട്. ഓഫീസ് അസിസ്റ്റന്‍റ് തസ്തികയിൽ 7,972 ഒഴിവും ഓഫീസർ സ്കെയിൽ - 2 (അസിസ്റ്റന്‍റ് മാനേജർ ) തസ്തികയിൽ 3,907 ഒഴിവും ഓഫീസർ സ്കെയിൽ-2 (ജനറൽ ബാങ്കിംഗ് ഓഫീസർ) തസ്തികയിൽ 854 ഒഴിവുമുണ്ട്. മാനേജർ കേഡറിലാണു മറ്റ് ഒഴിവുകൾ.
കേരള ഗ്രാമീൺ ബാങ്കിൽ നിലവിൽ 625 ഒഴിവുണ്ട്. അസിസ്റ്റന്‍റ് തസ്തികയിൽ 350 ഉം ഓഫീസർ സ്കെയിൽ-1 തസ്തികയിൽ 250 ഉം ഒഴിവുകളുണ്ട്. സംവരണം ഉൾപ്പെടെയുള്ള വിശദമായ ഒഴിവു വിവരങ്ങൾ വെബ്സൈറ്റിൽ.
തെരഞ്ഞെടുപ്പ്: ഐബിപിഎസ് നടത്തുന്ന പൊതുപരീക്ഷയിൽ (സിഡബ്ല്യുഇ ) നേടുന്ന സ്കോറിന്‍റെ അടിസ്ഥാനത്തിലാണു പ്രാഥമിക തെരഞ്ഞെടുപ്പ്. തുടർന്ന് കോമൺ ഇന്‍റർവ്യൂവും ഉണ്ടാകും. (ഓഫീസ് അസിസ്റ്റന്‍റ്-മൾട്ടിപർപ്പസ് തസ്തിക ഒഴികെ).
പൊതുപരീക്ഷയിലും ഇന്‍റർവ്യൂവിലും ലഭിക്കുന്ന മാർക്കിന്‍റെ അടിസ്ഥാനത്തിൽ ഷോർട്ട് ലിസ്റ്റ് ചെയ്യപ്പെടുന്നവരെ ബാങ്കുകളിൽ ഒന്നിലേക്ക് അലോട്ട് ചെയ്യും.
യോഗ്യത
ഓഫീസ് അസിസ്റ്റന്‍റ്- മൾട്ടിപർപ്പസ്): ബിരുദം/തത്തുല്യം. ഓഫീസർ സ്കെയിൽ-1 (അസിസ്റ്റന്‍റ് മാനേജർ): ബിരുദം/തത്തുല്യം അഗ്രികൾച്ചർ /ഹോർട്ടികൾച്ചർ /അനിമൽ ഹസ്ബൻഡറി/ വെറ്ററിനറി സയൻസ്/ഫോറസ്ട്രി/അഗ്രികൾച്ചർ എൻജിനിയറിംഗ്/പിസികൾച്ചർ/അഗ്രികൾചറൽ മാർക്കറ്റിംഗ് ആൻഡ് കോഓപ്പറേഷൻ/ഇൻഫർമേഷൻ ടെക്നോളജി/മാനേജ്‌മെന്‍റ്/ ലോ/ഇക്കണോമിക്സ്/അക്കൗണ്ടൻസി ബിരുദക്കാർക്കു മുൻഗണന.
ഓഫീസർ സ്കെയിൽ -2 ജനറൽ ബാങ്കിംഗ് ഓഫീസർ (മാനേജർ): 50% മാർക്കോടെ ബിരുദം തത്തുല്യം. ബാങ്ക് ധനകാര്യ സ്‌ഥാപനത്തിൽ ഓഫീസർ ആയി 2 വർഷം പരിചയം. ബാങ്കിംഗ്/ഫിനാൻസ്/മാർക്കറ്റിംഗ്/അഗ്രികൾച്ചർ/ഫോർട്ടി കൾച്ചർ/അനിമൽ ഹസ്ബൻഡറി/വെറ്ററിനറി സയൻസ്/ഫോറസ്ട്രി/അഗ്രികൾച്ചർ എൻജിനിയറിംഗ്/പിസികൾച്ചർ/അഗ്രികൾച്ചറൽ മാർക്കറ്റിംഗ് ആൻഡ് കോഓർപറേഷൻ/ഇൻഫർമേഷൻ ടെക്നോളജി / മാനേജ്‌മെന്‍റ് /ലോ / ഇക്കണോമിക്സ്/അക്കൗണ്ടൻസി ബിരുദക്കാർക്കു മുൻഗണന.
ഓഫീസർ സ്കെയിൽ-2 സ്പെഷലിസ്റ്റ് ഓഫീസർ (മാനേജർ) ഇൻഫർമേഷൻ ടെക്നോളജി ഓഫീസർ: ഇലക്‌ട്രോണിക്‌സ്/കമ്യൂണിക്കേഷൻ/കംപ്യൂട്ടർ സയൻസ്/ഇൻഫർമേഷൻ ടെക്നോളജി അല്ലെങ്കിൽ തത്തുല്യ വിഷയങ്ങളിൽ 50% മാർക്കോടെ ബിരുദം, ബന്ധപ്പെട്ട മേഖലയിൽ ഒരു വർഷത്തെ ജോലിപരിചയം. ASP, PHP, C++, Java, VB, VC, OCP സർട്ടിഫിക്കറ്റ് യോഗ്യത അഭിലഷണീയം.
ചാർട്ടേഡ് അക്കൗണ്ടന്‍റ്: ഐസിഎഐ സർട്ടിഫൈഡ് അസോസിയേറ്റ് (സിഎ). ചാർട്ടേഡ് അക്കൗണ്ടന്‍റ് ആയി ഒരു വർഷം ജോലിപരിചയം. ലോ ഓഫീസർ: 50% മാർക്കോടെ നിയമ ബിരുദം/തത്തുല്യം, അഡ്വക്കേറ്റ് ആയി 2 വർഷ പരിചയം അല്ലെങ്കിൽ ബാങ്ക്/ധനകാര്യ സ്‌ഥാപനങ്ങളിൽ ലോ ഓഫീസറായി 2 വർഷ പരിചയം.
ട്രഷറി മാനേജർ: സിഎ/എംബിഎ) (ഫിനാൻസ്), ബന്ധപ്പെട്ട മേഖലയിൽ ഒരു വർഷപരിചയം. മാർക്കറ്റിംഗ് ഓഫീസർ: മാർക്കറ്റിംഗിൽ എംബിഎ, ബന്ധപ്പെട്ട മേഖലയിൽ ഒരു വർഷ പരിചയം. അഗ്രികൾച്ചറൽ ഓഫീസർ: അഗ്രികൾച്ചർ/ഹോർട്ടികൾച്ചർ/അനിമൽ ഹസ്ബൻഡറി/വെറ്ററിനറി സയൻസ്/ഡെയറി/ഫോറസ്ട്രി/അഗ്രികൾച്ചർ എൻജിനിയറിംഗ്/പിസികൾച്ചർ സ്പെഷലൈസേ ഷനുകളിൽ 50% മാർക്കോടെ ബിരുദം/തത്തുല്യം ബന്ധപ്പെട്ട മേഖലയിൽ 2 വർഷ പരിചയം.
ഓഫീസർ സ്കെയിൽ-3 (സീനിയർ മാനേജർ ): 50% മാർക്കോടെ ബിരുദം /തത്തുല്യം. ബാങ്ക് / ധനകാര്യ സ്‌ഥാപനത്തിൽ ഓഫീസർ ആയി 5 വർഷം പരിചയം. ബാങ്കിംഗ്/ഫിനാൻസ് /മാർക്കറ്റിംഗ്/അഗ്രികൾച്ചർ/ഹോർട്ടികൾച്ചർ / ആനിമൽ ഹസ്ബൻഡറി/വെറ്ററിനറി സയൻസ്/ഫോറസ്ട്രി / അഗ്രികൾച്ചർ എൻജിനിയറിംഗ് / ഫിസികൾച്ചർ /അഗ്രികൾച്ചറൽ മാർക്കറ്റിംഗ് ആൻഡ് കോ-ഓർപറേഷൻ/ഇൻഫർമേഷൻ ടെക്നോളജി/മാനേജ്‌മെന്‍റ്/ലോ/ ഇക്കണോമിക്സ്/അക്കൗണ്ടൻസി ഡിപ്ലോമ /ബിരുദം ഉളളവർക്കു മുൻഗണന.
യോഗ്യത, ജോലിപരിചയം 2025 സെപ്റ്റംബർ 21 അടിസ്ഥാനമാക്കി കണക്കാക്കും. ഓഫീസർ സ്കെയിൽ-2, സ്കെയിൽ-3 ഒഴികെ തസ്തികകളിൽ അപേക്ഷിക്കുന്ന സംസ്‌ഥാനത്തെ (ആർആർബി ഉൾപ്പെടുന്ന സംസ്‌ഥാനം) ഔദ്യോഗിക/പ്രാദേശിക ഭാഷയിൽ പ്രാവീണ്യം വേണം. കംപ്യൂട്ടർ പരിജ്ഞാനം അഭികാമ്യം.
ഓഫീസ് അസിസ്റ്റന്‍റ് തസ്തികയിലേക്കും ഓഫീസർ തസ്തികയിലേക്കും ഒരുമിച്ച് അപേക്ഷിക്കാം. വെവ്വേറെ ഫീസ് അടച്ച് പ്രത്യേകം അപേക്ഷിക്കണം. എന്നാൽ, ഓഫീസർ കേഡറിൽ ഏതെങ്കിലും ഒരു തസ്‌തികയിലേക്കു മാത്രം (സ്കെയിൽ 1/2/3) അപേക്ഷിക്കുക.
പ്രായം (2025 സെപ്റ്റംബർ 1ന്)
ഓഫീസ് അസിസ്റ്റന്‍റ്-മൾട്ടിപർപ്പസ്: 18നും 28നും മധ്യേ. ഓഫീസർ സ്കെയിൽ-1: 18-30. ഓഫീസർ സ്കെയിൽ-2: 21-32. ഓഫീസർ സ്കെയിൽ-3: 21-40. പട്ടികവിഭാഗക്കാർക്ക് അഞ്ചും ഒബിസിക്കു മൂന്നും ഭിന്നശേഷിക്കാർക്കു പത്തും വർഷം ഇളവ്. വിമുക്തഭടൻമാർക്കു നിയമാനുസൃത ഇളവ്.
പരീക്ഷാക്രമം: ഓഫീസ് അസിസ്റ്റന്‍റ്, ഓഫീസർ സ്കെയിൽ -1 തസ്തികകളിൽ ഓൺലൈൻ പ്രിലിമിനറി പരീക്ഷയും മെയിൻ പരീക്ഷയും നടത്തും. ഓഗസ്റ്റിലാകും പ്രിലിമിനറി. ആലപ്പുഴ, കണ്ണൂർ, കൊച്ചി, കൊല്ലം, കോട്ടയം, കോഴിക്കോട്, മലപ്പുറം, പാലക്കാട്, തിരുവനന്തപുരം, തൃശൂർ എന്നിവിടങ്ങളിൽ പരീക്ഷാകേന്ദ്രമുണ്ട്. മെയിൻ പരീക്ഷ സെപ്റ്റംബർ-ഒക്‌ടോബറിൽ നടത്തും.
ഓഫീസർ തസ്തികകളിൽ അഭിമുഖവുമുണ്ട്. ഓഫീസർ സ്കെയിൽ-2, 3 തസ്‌തികകളിലേക്ക് ഒരു ഘട്ട പരീക്ഷയും കോമൺ ഇന്‍റർവ്യൂവും നടത്തും. ഓഫീസ് അസിസ്റ്റന്‍റ് തസ്‌തികയ്ക്കു റീസണിംഗ്, ന്യൂമറിക്കൽ എബിലിറ്റി വിഭാഗങ്ങളിലെ ചോദ്യങ്ങൾ ഉൾപ്പെടുന്ന 45 മിനിറ്റ് പ്രിലിമിനറി പരീക്ഷയാണ്.
ഓഫീസർ സ്കെയിൽ- 1 തസ്തികയിൽ റീസണിംഗ്, ക്വാണ്ടിറ്റേറ്റീവ് ആപ്റ്റിറ്റ്യൂഡ് വിഷയങ്ങളിൽ 45 മിനിറ്റ് പരീക്ഷ. ഒബ്ജക്ടീവ് മാതൃകയിലാകും പരീക്ഷ. നെഗറ്റീവ് മാർക്കുണ്ട്. ഓഫീസ് അസിസ്റ്റന്‍റ്, ഓഫീസർ സ്കെയിൽ തസ്‌തികകളിലേക്കു കേരളത്തിൽ പരീക്ഷയെഴുതുന്നവർക്കു മാധ്യമമായി മലയാളവും തെരഞ്ഞെടുക്കാം. മെയിൻ പരീക്ഷ ഉൾപ്പെടെയുള്ള കൂടുതൽ വിവരങ്ങൾക്ക് വിജ്‌ഞാപനം കാണുക.
ഫീസും രജിസ്ട്രേഷനും: ഓഫിസർ (സ്കെയിൽ-1, 2, 3) 850 രൂപ (പട്ടികവിഭാഗം/ഭിന്നശേഷിക്കാർക്കു 175 രൂപ. ഓഫീസ് അസിസ്റ്റന്‍റ് (മാർട്ടിപർപ്പസ്) 850 രൂപ (പട്ടികവിഭാഗം/ഭിന്നശേഷിക്കാർ/വിമുക്തഭടൻമാർക്കു 175 രൂപ) ഓൺലൈനിലൂടെ ഫീസ് അടയ്ക്കാം.
ഓൺലൈൻ അപേക്ഷാഫോം പേയ്മെ‌ന്‍റ് ഗേറ്റ്‌വേയുമായി ചേർത്തിരിക്കും. www.ibps.in എന്ന വെബ്സൈറ്റ് വഴി ഓൺലൈൻ രജി‌സ്ട്രേഷൻ നടത്താം. നിർദേശങ്ങൾ സൈറ്റിൽ ലഭിക്കും.