റിസർവ് ബാങ്ക് ഓഫ് ഇന്ത്യയിൽ ഓഫീസർ തസ്‌തികയിൽ 120 ഒഴിവ്. സെപ്റ്റംബർ 30 വരെ ഓൺലൈനായി അപേക്ഷിക്കാം. തസ്‌തികയും ഒഴിവും: ഓഫീസർ ഗ്രേഡ് ബി-ജനറൽ: 83. ഓഫീസർ ഗ്രേഡ് ബി-ഡിപ്പാർട്ട്മെന്‍റ് ഓഫ് ഇക്കണോമിക്‌സ് ആൻഡ് പോളിസി റിസർച്ച്: 17.
ഓഫീസർ ഗ്രേഡ് ബി-ഡിപ്പാർട്ട്മെന്‍റ് ഓഫ് സ്റ്റാറ്റിസ്റ്റിക്സ‌് ആൻഡ് ഇൻഫർമേഷൻ മാനേജ്‌മെന്‍റ്: 20. യോഗ്യത: ഓഫീസർ ഗ്രേഡ് ബി-ജനറൽ: 60% മാർക്കോടെ (പട്ടിക വിഭാഗത്തിനും ഭിന്നശേഷിക്കാർക്കും 50%) ബിരുദം/ തത്തുല്യം. അല്ലെങ്കിൽ 55% മാർക്കോടെ (പട്ടിക വിഭാഗത്തിനും ഭിന്നശേഷിക്കാർക്കും പാസ്മാർക്ക്) പിജി ബിരുദം/തത്തുല്യം.
മറ്റു തസ്‌തികകളിൽ, ബന്ധപ്പെട്ട വിഭാഗങ്ങളിലെ പിജി ബിരുദം, അനുബന്ധ യോഗ്യതകളുള്ളവർക്കാണ് അവസരം. ശമ്പളം: 78,450-141,600 പ്രായം: 2025 സെപ്റ്റംബർ ഒന്നിന് 21-30. ഒബിസിക്കു മൂന്നും പട്ടിക വിഭാഗത്തിന് അഞ്ചും വർഷം ഇളവ്. മറ്റ് ഇളവുകൾക്കു വിജ്ഞാപനം കാണുക.
തെരഞ്ഞെടുപ്പ്: എഴുത്തുപരീക്ഷ (രണ്ടുഘട്ടം), ഇന്‍റർവ്യൂ എന്നിവയുടെ അടിസ്‌ഥാനത്തിൽ. ഓഫീസർ-ജനറൽ പ്രിലിമിനറി ഓൺലൈൻ പരീക്ഷ ഒക്‌ടോബർ 18നും മറ്റുള്ള പരീക്ഷകൾ ഒക്‌ടോബർ 19നും നടത്തും.
കണ്ണൂർ, എറണാകുളം, ആലപ്പുഴ, കോട്ടയം, കോഴിക്കോട്, മലപ്പുറം, തൃശൂർ, പാലക്കാട്, തിരുവനന്തപുരം, കൊല്ലം എന്നിവിടങ്ങളിൽ ഓഫീസർ ഗ്രേഡ് ബി-ജനറൽ പ്രിലിമിനറി പരീക്ഷാ കേന്ദ്രമുണ്ട്.
മറ്റു തസ്‌തികകളുടെ പ്രിലിമിനറി പരീക്ഷയ്ക്കു കൊച്ചിയും തിരുവനന്തപുരവും കേന്ദ്രങ്ങളാണ്. ആദ്യഘട്ട പരീക്ഷ ജയിക്കുന്നവർക്ക് ഒബ്ജക്ടീവ് ആൻഡ് ഡിസ്ക്രിപ്റ്റീവ് പരീക്ഷ നടത്തും.
അപേക്ഷാ ഫീസ്: ജനറൽ, ഒബി സി വിഭാഗത്തിന് ഓഫീസർ ഗ്രേഡ് ബി തസ്‌തികകളിലേക്ക് 850 രൂപ. പട്ടികവിഭാഗം/ഭിന്നശേഷിക്കാർക്ക് 100 രൂപ. ആർബിഐ ജീവനക്കാർക്കു ഫീസ് വേണ്ട. ഫീസ് ഓൺലൈനായി അടയ്ക്കണം.
ഓൺലൈൻ രജിസ്ട്രേഷനും വിജ്ഞാപനത്തിനും: www.rbi.org.in