കേരള സംസ്ഥാന ഡെവലപ്മെന്‍റ് ആന്‍ഡ് ഇന്നവേഷന്‍ സ്ട്രാറ്റജിക് കൗണ്‍സില്‍ ( കെ-ഡിസ്ക്) നടത്തുന്ന ബ്ലോക് ചെയിന്‍ എബിസിഡി കോഴ്സ് പ്രവേശന പരീക്ഷ ഫെബ്രുവരി 15 ന് നടക്കും. അപേക്ഷകള്‍ ഫെബ്രുവരി എട്ടിന് മുമ്പ് abcd.kdisc.kerala.gov.inലൂടെ ഓണ്‍ലൈനായി സമര്‍പ്പിക്കാം.
വളരെയധികം തൊഴില്‍ സാധ്യതയുള്ള ബ്ലോക് ചെയിന്‍ കോഴ്സ് പഠിക്കാന്‍ താത്പര്യമുള്ള എന്‍ജിനിയറിംഗ്, സയന്‍സ് ബിരുദധാരികള്‍ക്കും വര്‍ക്കിംഗ് പ്രഫഷണലുകള്‍ക്കും അപേക്ഷിക്കാം. ന്യൂമറിക്കല്‍ എബിലിറ്റി,ലോജിക്കല്‍ റീസണ്‍, കംപ്യൂട്ടര്‍ സയന്‍സ് ബേസിക്സ് തുടങ്ങിയ വിഷയങ്ങളെ അടിസ്ഥാനപ്പെടുത്തിയാകും പരീക്ഷ. ഐസിടി അക്കാഡമിയുടെ തിരുവനന്തപുരം, തൃശൂര്‍, കോഴിക്കോട്, എറണാകുളം സെന്‍ററുകളിലാകും പരീക്ഷ നടക്കുക. രജിസ്ട്രേഷന്‍ ഫീസ് 500 രൂപ. കൂടാതെ കോഴ്സ് അഡ്വാന്‍സ് തുകയായി ആയിരും രൂപയും അടയ്ക്കണം.
തെരഞ്ഞെടുക്കപ്പെടാത്ത വിദ്യാര്‍ഥികള്‍ക്ക് അഡ്വാന്‍സ് തുക തിരികെ ലഭിക്കും.പരീക്ഷയില്‍ ഉയര്‍ന്ന മാര്‍ക്ക് കരസ്ഥമാക്കുന്ന വനിതകള്‍ക്ക് നൂറു ശതമാനവും മറ്റുള്ളവര്‍ക്ക് 70 ശതമാനവും സ്കോളര്‍ഷിപ്പിന് അര്‍ഹതയുണ്ടായിരിക്കുമെന്ന് അധികൃതര്‍ അറിയിച്ചു. കൂടുതല്‍ വിവരങ്ങള്‍ക്ക് 04712700813, 8078102119. ക്ലാസുകള്‍ ഫെബ്രുവരി അവസാന വാരം ആരംഭിക്കും.