കൂരാച്ചുണ്ട്: ആർട്ട് ലവേഴ്സ് അസോസിയേഷൻ കൂരാച്ചുണ്ട്, യെലോ ആർട്ട് ഗാലറിയും സംയുക്തമായി സി.ടി. തോമസ് ചിന്താർമണിയിൽ മെമ്മോറിയൽ ജില്ലാതല ചിത്രരചനാ മത്സരം സംഘടിപ്പിച്ചു. പഞ്ചായത്ത് പ്രസിഡന്‍റ് പോളി കാരക്കട ഉദ്ഘാടനം ചെയ്തു.
മത്സരത്തിൽ എൽപി വിഭാഗത്തിൽ മാളികടവ് എംഎസ്എസ് പബ്ലിക് സ്കൂളിലെ ഇ. കൃത്വിക്, ചാവറ ഇംഗ്ലീഷ് മീഡിയം സ്കൂളിലെ എസ്. പുണ്യ, കല്ലാനോട് സെന്‍റ് മേരീസ് എൽപി സ്കൂളിലെ അലോണ ബൈജുവും ഒന്നും രണ്ടും മൂന്നും സ്ഥാനം നേടി.
യുപി വിഭാഗത്തിൽ കല്ലാനോട് സെന്‍റ് മേരീസ് ഹൈസ്കൂളിലെ സാവിയോ, കുരുക്കിലാട് ശ്രീ ഗോകുലം പബ്ലിക് സ്കൂളിലെ കൈലാസനാഥ്, കുളത്തുവയൽ സെന്‍റ് ജോർജ് ഹൈസ്കൂളിലെ മുഹമ്മദ് മിഷാൻ എന്നിവരും സീനിയർ വിഭാഗത്തിൽ കോഴിക്കോട് കേന്ദ്രീയ വിദ്യാലയത്തിലെ വി.വി. അതുൽ കൃഷ്ണ, നീലേശ്വരം ഗവ. ഹൈസ്കൂളിലെ എസ്. തീർത്ഥ, കുളത്തുവയൽ സെന്‍റ് ജോർജ് ഹൈസ്കൂളിലെ കെ.എസ്. ഭവ്യ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി.
വിജയികൾക്ക് ഫാ. വിൻസെന്‍റ് കണ്ടത്തിൽ സമ്മാനങ്ങളും, ക്യാഷ് അവാർഡും നൽകി. കലയുടെ പ്രസിഡന്‍റ് സണ്ണി പാരഡൈസ് അധ്യക്ഷത വഹിച്ചു. സി.എ. തോമസുകുട്ടി, രാജൻ ഉറുമ്പിൽ, ഒ. ഗോപിനാഥൻ, തമ്പാൻ ചിന്താർമണിയിൽ, രഗേഷ് ചിന്താർമണിയിൽ, ചിത്രകാരന്മാരായ സി.എ. ജോസഫ്, കുഞ്ഞബ്ദുള്ള തച്ചോളി, കെ.സി. രാജീവൻ എന്നിവർ പ്രസംഗിച്ചു.