കാരിത്താസ് ആശുപത്രിക്ക് ദേശീയ അംഗീകാരം : Deepika.com Business News |

Click here for detailed news of all items

കാരിത്താസ് ആശുപത്രിക്ക് ദേശീയ അംഗീകാരം

Friday, September 20, 2024 11:59 PM IST

കോട്ടയം: ആരോഗ്യരംഗത്തെ മികച്ച പ്രവര്‍ത്തനങ്ങള്‍ക്ക് അക്രഡിറ്റേഷന്‍ നല്‍കുന്ന ക്വാളിറ്റി കൗണ്‍സില്‍ ഓഫ് ഇന്ത്യയുടെ (ക്യുസിഐ) ബോര്‍ഡായ എന്‍എബിഎച്ചിന്‍റെ ചാമ്പ്യന്‍സ് ഓഫ് എന്‍എബിഎച്ച് ഡിജിറ്റല്‍ ഹെല്‍ത്ത് സ്റ്റാന്‍ഡേര്‍ഡും എന്‍എബിഎച്ച് ഇന്‍ എമര്‍ജന്‍സി മെഡിസിന്‍ അക്രഡിറ്റേഷനും സ്വന്തമാക്കി കാരിത്താസ് ഹോസ്പിറ്റല്‍.

തെക്കന്‍ കേരളത്തില്‍ ആദ്യമായി എന്‍എബിഎച്ച് പ്ലസ് ക്യുസിഐ ഡിജിറ്റല്‍ ഹെല്‍ത്ത് അക്രഡിറ്റേഷന്‍ നേടിയ ആശുപത്രിയായി ഇതോടെ കാരിത്താസ് മാറി. ആരോഗ്യ സംരക്ഷണ പ്രക്രിയകളില്‍ ഡിജിറ്റല്‍ സാങ്കേതികവിദ്യകള്‍ ഫലപ്രദമായി ഉപയോഗിക്കുന്ന ആശുപത്രിക്കാണ് അംഗീകാരം നല്‍കുന്നത്.

ഡല്‍ഹിയില്‍ നടന്ന ചടങ്ങില്‍ എന്‍എബിഎച്ച് സിഇഒയില്‍നിന്നു കാരിത്താസ് ഹോസ്പിറ്റല്‍ ഡയറക്ടര്‍ റവ.ഡോ. ബിനു കുന്നത്ത്, ഡോ. അജിത്ത് വേണുഗോപാല്‍, ഐടി ഹെഡ് ഇ.എസ്. വിനോദ്കുമാര്‍ എന്നിവര്‍ ഉപഹാരം ഏറ്റുവാങ്ങി.

നാൽപ്പതിലധികം പ്രധാന വിഭാഗങ്ങളിലായി മുന്നൂറിലധികം ഡോക്‌ടര്‍മാരും മൂവായിരത്തിലധികം സ്റ്റാഫുകളുമായി പ്രവര്‍ത്തനം തുടരുന്ന കാരിത്താസ് ആശുപത്രിയുടെ അത്യാധുനിക ആരോഗ്യപ്രവര്‍ത്തനങ്ങളുടെ ഏകോപനത്തിന്‍റെ പ്രതിഫലനമാണ് ഈ അംഗീകാരം.

എന്‍എബിഎച്ച് ഹോസ്പിറ്റല്‍ അക്രഡിറ്റേഷന്‍, എന്‍എബിഎല്‍ ലാബ് അക്രഡിറ്റേഷന്‍, എന്‍എബിഎച്ച് നഴ്‌സിംഗ് സര്‍വീസ് അക്രഡിറ്റേഷന്‍, ഗ്രേറ്റ് പ്ലേസ് ടു വര്‍ക്ക് സര്‍ട്ടിഫിക്കറ്റ്, മദര്‍ ആന്‍ഡ് ചൈല്‍ഡ് ഫ്രണ്ട‌‌‌‌‌‌്‌ലി ഹോസ്പിറ്റല്‍ അക്രഡിറ്റേഷന്‍ തുടങ്ങിയവ അതില്‍ ഏറ്റവും പ്രധാനപ്പെട്ടവയാണ്.

കഴിഞ്ഞ ആറു പതിറ്റാണ്ടിലധികമായി തെക്കന്‍ കേരളത്തിലെ ആരോഗ്യപരിപാലന മേഖലയില്‍ വലിയ സംഭാവനകള്‍ നൽ‍കിക്കൊണ്ടിരിക്കുന്ന കാരിത്താസ് ആശുപത്രിയുടെ ഊര്‍ജസ്വലമായ മുന്നോട്ടുള്ള പ്രവര്‍ത്തനങ്ങള്‍ക്ക് ഈ അംഗീകാരം കൂടുതല്‍ കരുത്താകുമെന്ന് കാരിത്താസ് ഹോസ്പിറ്റല്‍ ഡയറക്‌ട‌‌ര്‍ റവ.ഡോ. ബിനു കുന്നത്ത് പറഞ്ഞു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.