സിഡിഎസ്‌സിഒ മാര്‍ഗനിര്‍ദേശങ്ങള്‍ സ്വാഗതാര്‍ഹം: ഇന്ത്യന്‍ റബര്‍ ഗ്ലൗസ് മാനുഫാക്‌ചറേഴ്‌സ് അസോ.‍ : Deepika.com Business News |

Click here for detailed news of all items

സിഡിഎസ്‌സിഒ മാര്‍ഗനിര്‍ദേശങ്ങള്‍ സ്വാഗതാര്‍ഹം: ഇന്ത്യന്‍ റബര്‍ ഗ്ലൗസ് മാനുഫാക്‌ചറേഴ്‌സ് അസോ.‍

Friday, September 20, 2024 11:59 PM IST

കൊച്ചി: സെന്‍ട്രല്‍ ഡ്രഗ്‌സ് സ്റ്റാന്‍ഡേര്‍ഡ് കണ്‍ട്രോള്‍ ഓര്‍ഗനൈസേഷന്‍റെ (സിഡിഎസ്‌സിഒ) സോണല്‍, സബ് സോണല്‍, പോര്‍ട്ട് ഓഫീസുകളുടെ പ്രവര്‍ത്തനങ്ങളും ഉത്തരവാദിത്വങ്ങളും വിശദീകരിക്കുന്ന പുതിയ മാര്‍ഗനിര്‍ദേശങ്ങള്‍ സ്വാഗതാര്‍ഹമെന്ന് ഇന്ത്യന്‍ റബര്‍ ഗ്ലൗസ് മാനുഫാക്‌ചറേഴ്‌സ് അസോസി യേഷൻ‍ (ഐആര്‍ജിഎംഎ).

ജിഎംപി മാനദണ്ഡങ്ങള്‍ പാലിച്ച് രാജ്യത്തു നിലവാരമില്ലാത്ത കൈയുറകള്‍ ഇറക്കുമതി ചെയ്യുന്നതു തടയാന്‍ ഉത്തരവ് ഫലപ്രദമായി നടപ്പാക്കാന്‍ സര്‍ക്കാര്‍ കര്‍ശന നടപടികള്‍ സ്വീകരിക്കണം.

ഡ്രഗ്‌സ് ആന്‍ഡ് ക്ലിനിക്കല്‍ ട്രയല്‍സ് റൂള്‍സ് പ്രകാരം, പരിശോധനയ്ക്കും വിശകലനത്തിനുമായി മരുന്നുകള്‍ നിര്‍മിക്കുന്നതിനുള്ള ലൈസന്‍സ് നടപടിക്രമങ്ങളും മാര്‍ഗനിര്‍ദേശങ്ങളില്‍ ഉള്‍പ്പെടുത്തിയിട്ടുണ്ട്.

ഗുണനിലവാരമില്ലാത്ത ഇറക്കുമതി തടയാന്‍ ഗ്ലൗസുകള്‍ക്കായി ക്വാളിറ്റി കണ്‍ട്രോള്‍ ഓര്‍ഡര്‍ (ക്യുസിഒ) നടപടികള്‍ വേഗത്തിലാക്കണമെന്ന് അസോസിയേഷന്‍ സര്‍ക്കാരിനോട് ആവശ്യപ്പെട്ടു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.