Play Audio

ഒ​രു മോ​ഷ്‌​ടാ​വി​ന്‍റെ ച​ര​മ​പ്ര​സം​ഗം
Wednesday, April 2, 2025 12:00 AM IST
ഇ​​ന്നു ലോ​​ക ബാ​​ല​പു​​സ്ത​​ക​​ദി​​നം. കു​​ട്ടി​​ക​​ളോ​​ടു വാ​​യി​​ക്കാ​​ൻ പ​​റ​​യാ​​ൻ യോ​​ഗ്യ​​ത​​യു​​ള്ള​​വ​​രും ഇ​​ല്ലാ​​ത്ത​​വ​​രും അ​​വ​​ർ​​ക്കൊ​​രു സ​​മ്മാ​​നം കൊ​​ടു​​ക്ക​​ണം.

ആ​ള​ന​ക്ക​മി​ല്ലാ​ത്ത വാ​യ​ന​ശാ​ല​ക​ളി​ലെ അ​ട​ഞ്ഞ അ​ല​മാ​ര​ക​ളി​ൽ​നി​ന്ന് കേ​ൾ​ക്കു​ന്ന തേ​ങ്ങ​ൽ പു​സ്ത​ക​ങ്ങ​ളു​ടേ​താ​ണ്. പ്രി​യ​മു​ള്ളൊ​രാ​ളെ​പ്പോ​ലെ ത​ങ്ങ​ളെ തേ​ടി​യെ​ത്തി​യി​രു​ന്ന വാ​യ​ന​ക്കാ​ർ എ​വി​ടെ​യോ വ​ഴി​തെ​റ്റി പോ​യി​രി​ക്കു​ന്നു. ഇ​ന്ന് ലോ​ക ബാ​ല​പു​സ്ത​ക​ദി​ന​മാ​ണ്. മൊ​ബൈ​ൽ​ഫോ​ണു​ക​ൾ മു​തി​ർ​ന്ന​വ​ർ​ക്കൊ​പ്പം കു​ട്ടി​ക​ളെ​യും കൂ​ട്ടി​ക്കൊ​ണ്ടു​പോ​യ​തി​നാ​ൽ വ​രു​വാ​നി​ല്ലാ​രു​മെ​ന്ന​ത് പു​സ്ത​ക​ങ്ങ​ളു​ടെ വേ​ദ​ന ഇ​ര​ട്ടി​യാ​ക്കു​ന്നു.

എ​ന്നി​ട്ടും മോ​ഹി​ക്കു​ക​യാ​ണ്, ഋ​തു മാ​റി മ​ധു​മാ​സ​മെ​ന്ന​പോ​ലെ പു​സ്ത​ക​വാ​യ​ന​യു​ടെ പൂ​ക്കാ​ലം തി​രി​കെ​യെ​ത്തു​മെ​ന്ന്. ന​മു​ക്ക​റി​യി​ല്ല, മ​ണി​ച്ചി​ത്ര​ത്താ​ഴി​ട്ടു പൂ​ട്ടി​യ വി​സ്മ​യ​ങ്ങ​ളു​ടെ പു​സ്ത​ക​ക്കോ​ട്ട​ക​ളി​ലേ​ക്ക് കു​ട്ടി​ക​ൾ തി​രി​ച്ചെ​ത്തു​മോ​യെ​ന്ന്. പ​ക്ഷേ, ഭാ​വ​ന​യും സ്നേ​ഹ​വും സാ​ഹോ​ദ​ര്യ​വും സ്പ​ന്ദി​ക്കു​ന്ന പു​സ്ത​ക​മൊ​ന്ന് ആ​ർ‌​ക്കും അ​വ​രു​ടെ കൈ​യി​ൽ ഇ​ന്നു​ത​ന്നെ കൊ​ടു​ക്കാ​നാ​കും. ഒ​രു പ​ക്ഷേ, അ​വ​രു​ടെ ജീ​വി​ത​ത്തി​ലെ ഏ​റ്റ​വും വി​ല​പ്പെ​ട്ട സ​മ്മാ​നം.

1991ൽ ​അ​ർ​ക്ക​ൻ​സാ​ൻ​സി​ലെ ക​റു​ത്ത​വ​ർ​ഗ​ക്കാ​ര​നാ​യ ആ​ദ്യ​ത്തെ ജി​ല്ല പ്രോ​സി​ക്യൂ​ഷ​ൻ​സ് അ​റ്റോ​ർ​ണി​യാ​യും പി​ന്നീ​ട് ജ​ഡ്ജി​യാ​യും മാ​റി​യ ഒ​ളി നീ​ൽ​സ് താ​ൻ ന​ട​ത്തി​യ പു​സ്ത​ക​മോ​ഷ​ണ​ക്ക​ഥ ആ​ദ്യ​മാ​യി വി​ളി​ച്ചു​പ​റ​ഞ്ഞ​ത് ഒ​രു മൃ​ത​സം​സ്കാ​ര​ച്ച​ട​ങ്ങി​ലാ​ണ്. അ​ദ്ദേ​ഹ​ത്തി​ന്‍റെ ടീ​ച്ച​റും സ്കൂ​ളി​ലെ ലൈ​ബ്രേ​റി​യ​നു​മാ​യി​രു​ന്ന മി​ൽ​ഡ്രെ​ഡ് ഗ്രാ​ഡി​യു​ടെ മൃ​ത​ദേ​ഹ​ത്തി​നു മു​ന്നി​ൽ​നി​ന്ന്. ക​റു​ത്ത​വ​ർ​ഗ​ക്കാ​ര​നാ​യ ഒ​ളി ഹൈ​സ്കൂ​ളി​ലെ വി​ല്ല​നാ​യി​രു​ന്നു.

അ​ധ്യാ​പ​ക​രെ ഒ​രു ബ​ഹു​മാ​ന​വു​മി​ല്ല, ഗ്രാ​ഡി ടീ​ച്ച​റെ ക​ര​യി​ച്ചി​ട്ടു​മു​ണ്ട്. ഒ​രി​ക്ക​ൽ ക്ലാ​സ് ക​ട്ട് ചെ​യ്ത് ലൈ​ബ്ര​റി​യി​ൽ വെ​റു​തെ ക​റ​ങ്ങി​ന​ട​ക്കു​ന്ന​തി​നി​ടെ ഷെ​ൽ​ഫി​ൽ ആ​ഫ്രി​ക്ക​ൻ-​അ​മേ​രി​ക്ക​ൻ എ​ഴു​ത്തു​കാ​ര​ൻ ഫ്ലാ​ങ്ക് യെ​ർ​ബി​യു​ടെ ‘ദ ​ട്ര​ഷേ​ഴ്സ് ഓ​ഫ് പ്ല​സ​ന്‍റ് വാ​ലി’ എ​ന്ന നോ​വ​ൽ ക​ണ്ടു. പു​റം​ച​ട്ട​യി​ൽ ലോ​ല​വ​സ്ത്രം ധ​രി​ച്ച് സി​ഗ​ര​റ്റ് വ​ലി​ച്ചി​രി​ക്കു​ന്ന ഒ​രു സു​ന്ദ​രി​യു​ടെ ചി​ത്രം.

ഒ​ളി​യെ ആ​ക​ർ​ഷി​ച്ച​ത് അ​തു മാ​ത്ര​മാ​യി​രു​ന്നു. അ​വ​ൻ അ​തെ​ടു​ത്ത് ഉ​ടു​പ്പി​ന​ക​ത്ത് ഒ​ളി​പ്പി​ച്ചു കൊ​ണ്ടു​പോ​യി. ഒ​ളി വി​ചാ​രി​ച്ച ഉ​ള്ള​ട​ക്കം ഇ​ല്ലാ​യി​രു​ന്നെ​ങ്കി​ലും ക​ലി​ഫോ​ർ​ണി​യ​ൻ ഗോ​ൾ​ഡ് റ​ഷി​ൽ (സ്വ​ർ​ണ​ഖ​ന​ന​ത്തി​ന്) പ​ങ്കെ​ടു​ക്കാ​ൻ പോ​കു​ന്ന ഒ​രു യു​വാ​വി​ന്‍റെ യാ​ത്ര​യും പ്ര​ണ​യ​വും പ​റ​യു​ന്ന ച​രി​ത്ര നോ​വ​ലാ​യി​രു​ന്നു അ​ത്. വാ​യി​ച്ചു ശീ​ല​മി​ല്ലെ​ങ്കി​ലും ആ ​പു​സ്ത​കം അ​വ​നെ കീ​ഴ​ട​ക്കി. അ​ടു​ത്ത​യാ​ഴ്ച അ​തു തി​രി​ച്ചു​വ​യ്ക്കാ​ൻ ചെ​ന്ന​പ്പോ​ൾ യെ​ർ​ബി​യു​ടെ മ​റ്റൊ​രു പു​സ്ത​കം അ​തേ സ്ഥാ​ന​ത്തു​ണ്ട്.

അ​വ​ന​ത് എ​ടു​ത്തു. അ​ങ്ങ​നെ യെ​ർ​ബി​യു​ടെ നാ​ലു പു​സ്ത​ക​ങ്ങ​ൾ അ​വ​ൻ ഒ​ളി​ച്ചെ​ടു​ത്ത് ആ​ർ​ത്തി​യോ​ടെ വാ​യി​ച്ചു. പി​ന്നീ​ട് പു​സ്ത​ക​ങ്ങ​ൾ വാ​യി​ക്കാ​തി​രി​ക്കാ​ൻ പ​റ്റാ​ത്ത സ്ഥി​തി​യാ​യി. സാ​ഹി​ത്യ​വും ച​രി​ത്ര​വു​മെ​ല്ലാം വാ​യി​ച്ചു. ഒ​ടു​വി​ല​യാ​ൾ മ​നു​ഷ്യാ​വ​കാ​ശ പ്ര​വ​ർ​ത്ത​ക​നും അ​ർ​ക്ക​ൻ​സാ​ൻ​സി​ലെ ജ​ഡ്ജി​യു​മാ​യി. ആ​രാ​ണ് അ​ന്ന് ആ ​മോ​ഷ്‌​ടി​ച്ച പു​സ്ത​ക​ങ്ങ​ളു​ടെ സ്ഥാ​ന​ത്ത് പു​തി​യ​തു കൊ​ണ്ടു​വ​ച്ച​ത്? ശ​വ​മ​ഞ്ച​ത്തി​ൽ വെ​ള്ള​പ്പൂ​വു​ക​ൾ​ക്കി​ട​യി​ൽ കി​ട​ക്കു​ന്ന ഗ്രാ​ഡി.

മോ​ഷ്‌​ടി​ക്കു​ന്ന​ത് ക​ണ്ടെ​ന്ന് താ​ൻ പ​റ​യാ​നോ ഉ​പ​ദേ​ശി​ക്കാ​നോ പോ​യാ​ൽ ആ ​കൗ​മാ​ര​ക്കാ​ര​ന്‍റെ അ​ഭി​മാ​നം ക്ഷ​ത​പ്പെ​ടു​മെ​ന്നു ക​ണ്ട ഗ്രാ​ഡി, അ​ങ്ങ​നെ​യെ​ങ്കി​ലും അ​വ​ൻ വാ​യി​ച്ചു​തു​ട​ങ്ങ​ട്ടെ​യെ​ന്നു ക​രു​തി കൂ​ട്ടു​കാ​രി​യെ​യും കൂ​ട്ടി മെം​ഫി​സി​ലെ​ത്തി പു​തി​യ പു​സ്ത​ക​ങ്ങ​ൾ വാ​ങ്ങി ഷെ​ൽ​ഫി​ൽ വ​യ്ക്കു​ക​യാ​യി​രു​ന്നു. വ​ർ​ഷ​ങ്ങ​ൾ​ക്കു​ശേ​ഷം വ​ലി​യ ആ​ളാ​യി മ​ട​ങ്ങി​വ​ന്ന​പ്പോ​ൾ ഗ്രാ​ഡി ത​ന്നെ​യാ​ണ് ആ ​സം​ഭ​വം ഒ​ളി​യോ​ടു പ​റ​ഞ്ഞ​ത്.

ആ​ർ​ക്കും ഇ​ഷ്‌​ട​മി​ല്ലാ​തി​രു​ന്ന ഒ​ളി​യെ ജ​ഡ്ജി​യാ​ക്കി​യ​ത് ഗ്രാ​ഡി ടീ​ച്ച​ർ കൊ​ടു​ത്ത പു​സ്ത​ക​ങ്ങ​ളാ​യി​രു​ന്നു. ഇ​ന്നൊ​രു പു​സ്ത​കം കു​ട്ടി​ക​ൾ​ക്കു സ​മ്മാ​നി​ക്കാ​ൻ പ​റ്റി​യ ദി​വ​സ​മാ​ണ്. നാ​ളെ, നി​ന​യ്ക്കാ​ത്ത നേ​ര​ത്ത് വാ​യി​ച്ചു വ​ള​ർ​ന്ന ഒ​രാ​ളു​ടെ പ​ദ​വി​ന്യാ​സം നി​ദ്ര​യി​ലെ​ങ്കി​ലും നാം ​കേ​ട്ടെ​ന്നു​വ​രാം. അ​തു​കൊ​ണ്ട് ഈ ​ക​ഥ മു​തി​ർ​ന്ന​വ​ർ​ക്കു​വേ​ണ്ടി​യും ഉ​ള്ള​താ​ണ്.

സി​നി​മ​യും സ​മൂ​ഹ​മാ​ധ്യ​മ​ങ്ങ​ളും അ​വ​യി​ലെ നി​മി​ഷ റീ​ലു​ക​ളു​മാ​യി പു​സ്ത​ക​ങ്ങ​ളെ താ​ര​ത​മ്യ​പ്പെ​ടു​ത്ത​രു​ത്. അ​തി​നു പു​സ്ത​ക​ങ്ങ​ളു​മാ​യി ഒ​രു ബ​ന്ധ​വു​മി​ല്ല. വാ​യി​ക്കു​ന്പോ​ൾ ദൃ​ശ്യ​ങ്ങ​ളൊ​രു​ക്കു​ന്ന​തും വ്യാ​ഖ്യാ​നം ച​മ​യ്ക്കു​ന്ന​തും വാ​യ​ന​ക്കാ​ര​ൻ​ത​ന്നെ​യാ​ണ്. എ​ഴു​ത്തു​കാ​ര​നൊ​പ്പം സ​ഞ്ച​രി​ച്ച് ഭാ​വ​ന​യെ​ന്ന സൃ​ഷ്‌​ടി​ക​ർ​മ​ത്താ​ൽ അ​യാ​ൾ പ്ര​പ​ഞ്ച​ത്തെ കാ​ണു​ക​യും ത​ന്നെ​ത്ത​ന്നെ വി​ല​യി​രു​ത്തു​ക​യും ചെ​യ്യു​ന്നു.

ത​നി​ച്ചി​രി​ക്കാ​ൻ പ​ഠി​ക്കു​ന്ന​തി​നി​ടെ വ്യ​ഥ​ക​ളു​ടെ ലോ​ക​ത്ത് താ​ൻ ത​നി​ച്ച​ല്ലെ​ന്നു തി​രി​ച്ച​റി​യു​ന്നു. സ്വ​ന്തം മ​സ്തി​ഷ്കം​കൊ​ണ്ട് ചി​ന്തി​ക്കാ​ൻ പ​ഠി​ക്കു​ന്നു. അ​തൊ​രു ല​ഹ​രി​യാ​ണ്. മ​ദ്യ​ത്തെ​യും മ​യ​ക്കു​മ​രു​ന്നി​നെ​യും തോ​ൽ​പ്പി​ക്കു​ന്ന ല​ഹ​രി. ന​മ്മു​ടെ കു​ട്ടി​ക​ൾ​ക്ക് ഇ​ന്ന് അ​തി​ന്‍റെ ആ​ദ്യ​ത്തെ ഡോ​സ് കൊ​ടു​ക്കാം. പു​സ്ത​ക​ങ്ങ​ൾ വാ​യി​ച്ച​വ​രി​ൽ​നി​ന്നാ​ണ് സാ​മൂ​ഹി​ക പ​രി​ഷ്ക​ർ​ത്താ​ക്ക​ളും മി​ക​ച്ച രാ​ഷ്‌​ട്രീ​യ​ക്കാ​രും എ​ഴു​ത്തു​കാ​രും ചി​ന്ത​ക​രും ഉ​ണ്ടാ​യി​ട്ടു​ള്ള​ത്.

ഭാ​വി​യി​ൽ, പു​സ്ത​കം വാ​യി​ക്കാ​ത്ത രാ​ഷ്‌​ട്രീ​യ​ക്കാ​രോ ഉ​ദ്യോ​ഗ​സ്ഥ​രോ അ​ധ്യാ​പ​ക​രോ മാ​ധ്യ​മ​പ്ര​വ​ർ​ത്ത​ക​രോ വ​രു​ത്താ​നി​രി​ക്കു​ന്ന മാ​റ്റ​ങ്ങ​ളെ​ക്കു​റി​ച്ചു ന​മു​ക്ക് ഉ​റ​പ്പി​ല്ല. പ​ക്ഷേ, പു​സ്ത​കം വാ​യി​ച്ചി​ട്ടു​ള്ള​വ​ർ മ​നു​ഷ്യ​വം​ശ​ത്തി​നു മു​ത​ൽ​ക്കൂ​ട്ടാ​യി​രി​ക്കു​മെ​ന്ന് ഉ​റ​പ്പു​ണ്ട്. ‘മ​ണി​ച്ചി​ത്ര​ത്താ​ഴ്’ എ​ന്ന സി​നി​മ​യ്ക്കു​വേ​ണ്ടി മ​ധു മു​ട്ടം എ​ഴു​തി​യ വ​രി​ക​ൾ ഭ്ര​മ​ങ്ങ​ളാ​വാം. എ​ങ്കി​ലും, പു​സ്ത​ക​ങ്ങ​ൾ വീ​ണ്ടും കൈ​യി​ലെ​ടു​ക്കു​ന്ന ത​ല​മു​റ ഋ​തു​മാ​റി​യെ​ത്തു​ന്ന മ​ധു​മാ​സം പോ​ലെ വ​രി​ല്ലെ​ന്നാ​ര​റി​ഞ്ഞു!

ന​മു​ക്ക് പു​സ്ത​ക​ങ്ങ​ളു​ടെ വി​ല അ​തി​ന്‍റെ പു​റ​ത്ത് എ​ഴു​തി​വ​ച്ചി​രി​ക്കു​ന്ന​താ​വാം. പ​ക്ഷേ, റ​ഷ്യ​ൻ-​അ​മേ​രി​ക്ക​ൻ സാ​ഹി​ത്യ​കാ​ര​ൻ ജോ​സ​ഫ് ബ്രോ​ഡ്സ്കി​ക്ക് അ​ത് ഉ​ള്ള​ട​ക്ക​ത്തി​ന്‍റെ കാ​ര്യ​മാ​ണ്. അ​തു​കൊ​ണ്ടാ​ണ് ഇ​ങ്ങ​നെ പ​റ​യു​ന്ന​ത്: “പു​സ്ത​ക​ങ്ങ​ൾ ക​ത്തി​ക്കു​ന്ന​തി​നേ​ക്കാ​ൾ വ​ലി​യ കു​റ്റ​കൃ​ത്യ​ങ്ങ​ളു​ണ്ട്. ‍അ​തി​ലൊ​ന്ന് പു​സ്ത​ക​ങ്ങ​ൾ വാ​യി​ക്കാ​തി​രി​ക്കു​ന്ന​താ​ണ്.” ഈ ​അ​വ​ധി​ക്കാ​ലം ക​ഴി​യു​ന്പോ​ഴേ​ക്കും ന​മ്മു​ടെ കു​ട്ടി​ക​ളി​ൽ അ​ത്ത​ര​മൊ​രു കു​റ്റ​വാ​ളി​യി​ല്ലെ​ന്ന് ഉ​റ​പ്പാ​ക്കാം.
Copyright @ 2018 , Rashtra Deepika Ltd.