Play Audio

രാ​ജ​പാ​ത​യി​ലെ അ​റ​സ്റ്റ് തി​ര​ക്ക​ഥ​യു​ടെ ഭാ​ഗം
Monday, March 24, 2025 12:00 AM IST
മാ​​​ർ ജോ​​​ർ​​​ജ് പു​​​ന്ന​​​ക്കോ​​​ട്ടി​​​ലി​​​നെ​​​യും ഒ​​​പ്പ​​​മു​​​ള്ള​​​വ​​​രെ​​​യും കേ​​​സി​​​ൽ കു​​​ടു​​​ക്കി​​​യ​​​തി​​​നെ​​​ക്കു​​​റി​​​ച്ചു പ​​​റ​​​യേ​​​ണ്ട​​​ത് സ​​​ർ​​​ക്കാ​​​രാ​​​ണ്. കാ​​​ര​​​ണം, രാ​​​ജ​​​പാ​​​ത​​​യി​​​ലെ വ​​​നം​​​വ​​​കു​​​പ്പി​​​ന്‍റെ ക​​​ളി വ​​​ലി​​​യൊ​​​രു വ​​​ന​​​വ​​​ത്ക​​​ര​​​ണ തി​​​ര​​​ക്ക​​​ഥ​​​യു​​​ടെ ചെ​​​റി​​​യൊ​​​രു ഭാ​​​ഗ​​​മാ​​​ണ്.

ആ​ലു​വ-​മൂ​ന്നാ​ർ രാ​ജ​പാ​ത തു​റ​ക്ക​ണ​മെ​ന്ന് ആ​വ​ശ്യ​പ്പെ​ട്ട് ന​ട​ത്തി​യ ജ​ന​മു​ന്നേ​റ്റ യാ​ത്ര​യ്ക്ക് നേ​തൃ​ത്വം കൊ​ടു​ത്ത ബി​ഷ​പ് മാ​ർ ജോ​ർ​ജ് പു​ന്ന​ക്കോ​ട്ടി​ല​ട​ക്കം 23 പേ​ർ​ക്കെ​തി​രേ കേ​സെ​ടു​ത്തി​ട്ടു​ണ്ട് വ​നം വ​കു​പ്പ്. സ​ർ​ക്കാ​ർ വ്യ​ക്ത​മാ​ക്കേ​ണ്ട ചി​ല കാ​ര്യ​ങ്ങ​ളു​ണ്ട്. രാ​ജ​പാ​ത വ​നം വ​കു​പ്പി​ന്‍റേ​താ​ണോ? അ​ല്ലെ​ങ്കി​ൽ അ​വ​ർ​ക്കു കേ​സെ​ടു​ക്കാ​ൻ അ​ധി​കാ​ര​മു​ണ്ടോ? ഈ ​രാ​ജ​പാ​ത​യു​ടെ ഏ​തെ​ങ്കി​ലും ഭാ​ഗം വ​നം​വ​കു​പ്പ് കൈ​യേ​റി​യി​ട്ടു​ണ്ടോ? കേ​ര​ള​ത്തി​ന്‍റെ വി​ക​സ​ന​ത്തി​നും വി​നോ​ദ​സ​ഞ്ചാ​ര മേ​ഖ​ല​യ്ക്കും കു​തി​പ്പേ​കു​ന്ന രാ​ജ​പാ​ത​യു​ടെ പു​ന​രു​ദ്ധാ​ര​ണ​ത്തെ​ക്കു​റി​ച്ച് സ​ർ​ക്കാ​രി​ന് എ​ന്തെ​ങ്കി​ലും പ​ദ്ധ​തി​യോ അ​ഭി​പ്രാ​യ​മോ ഉ​ണ്ടോ? നി​ര​വ​ധി ചോ​ദ്യ​ങ്ങ​ൾ ഉ​യ​രു​ന്നു​ണ്ട്. രാ​ജ​പാ​ത​യെ​ക്കു​റി​ച്ച് അ​ഭി​പ്രാ​യം പ​റ​യേ​ണ്ട​ത് വ​നം​വ​കു​പ്പെ​ന്ന നാ​ഥ​നി​ല്ലാ​ക്ക​ള​രി​യ​ല്ല, സ​ർ​ക്കാ​രാ​ണ്. മാ​ർ ജോ​ർ​ജ് പു​ന്ന​ക്കോ​ട്ടി​ലി​നെ​യും ഒ​പ്പ​മു​ള്ള​വ​രെ​യും കേ​സി​ൽ കു​ടു​ക്കി​യ​തി​നെ​ക്കു​റി​ച്ചും പ​റ​യേ​ണ്ട​തു സ​ർ​ക്കാ​രാ​ണ്. കാ​ര​ണം, രാ​ജ​പാ​ത​യി​ലെ വ​നം​വ​കു​പ്പി​ന്‍റെ ക​ളി വ​ലി​യൊ​രു വ​ന​വ​ത്ക​ര​ണ തി​ര​ക്ക​ഥ​യു​ടെ ചെ​റി​യൊ​രു ഭാ​ഗ​മാ​ണ്.

വ​നം വ​കു​പ്പ് കൈ​വ​ശ​പ്പെ​ടു​ത്തി​യ ആ​ലു​വ-​മൂ​ന്നാ​ർ രാ​ജ​പാ​ത ഗ​താ​ഗ​ത​ത്തി​നു തു​റ​ന്നു​കൊ​ടു​ക്ക​ണ​മെ​ന്ന ആ​വ​ശ്യം വ​ർ​ഷ​ങ്ങ​ളാ​യു​ള്ള​താ​ണ്. ഇ​തി​ന്‍റെ തു​ട​ർ​ച്ച​യാ​യി​ട്ടാ​ണ് ഡീ​ൻ കു​ര്യാ​ക്കോ​സ് എം​പി​യും പ്ര​ദേ​ശ​ത്തെ മ​റ്റു ജ​ന​പ്ര​തി​നി​ധി​ക​ളും ബി​ഷ​പ് മാ​ർ ജോ​ർ​ജ് പു​ന്ന​ക്കോ​ട്ടി​ലും ന​യി​ച്ച ജ​ന​കീ​യ അ​വ​കാ​ശ​പ്ര​ഖ്യാ​പ​ന യാ​ത്ര മാ​ർ​ച്ച് 16ന് ​പൂ​യം​കു​ട്ടി​യി​ൽ ന​ട​ത്തി​യ​ത്. ആ​യി​ര​ക്ക​ണ​ക്കി​നാ​ളു​ക​ൾ പ​ങ്കെ​ടു​ത്തു. വ​ന​ത്തി​ൽ ക​യ​റു​ക​യോ നാ​ശ​ന​ഷ്ട​ങ്ങ​ൾ ഉ​ണ്ടാ​ക്കു​ക​യോ ഒ​ന്നും ചെ​യ്തി​ട്ടി​ല്ലെ​ങ്കി​ലും കേ​സെ​ടു​ത്തു ഭീ​ഷ​ണി​പ്പെ​ടു​ത്തി​യാ​ൽ ഈ ​മു​ന്നേ​റ്റം ത​ട​യാ​മെ​ന്നും ത​ങ്ങ​ളു​ടെ കൈ​യേ​റ്റം മ​റ​ച്ചു​വ​യ്ക്കാ​മെ​ന്നു​മാ​ണ് വ​നം​വ​കു​പ്പി​ന്‍റെ ദു​ഷ്ട​ലാ​ക്ക്.

1857ൽ ​തി​രു​വി​താം​കൂ​ർ രാ​ജാ​വാ​യി​രു​ന്ന ആ​യി​ല്യം തി​രു​നാ​ൾ ബാ​ല​രാ​മ​വ​ർ​മ​യു​ടെ ഉ​ത്ത​ര​വോ​ടെ​യാ​ണ് ബ്രി​ട്ടീ​ഷ് എ​ൻ​ജി​നി​യ​റാ​യ ജോ​ൺ മ​ൺ​റോ അ​ക്കാ​ല​ത്തെ പ്ര​മു​ഖ വാ​ണി​ജ്യ​കേ​ന്ദ്ര​മാ​യി​രു​ന്ന ആ​ലു​വ​യി​ൽ​നി​ന്ന് മൂ​ന്നാ​റി​ലേ​ക്കു​ള്ള പാ​ത​യു​ടെ നി​ർ​മാ​ണം തു​ട​ങ്ങി​യ​ത്. 1878ൽ ​തു​റ​ന്നു​കൊ​ടു​ത്തെ​ങ്കി​ലും 1924ലെ ​പ്ര​ള​യ​ത്തി​ൽ ര​ണ്ട് കി​ലോ​മീ​റ്റ​റോ​ളം റോ​ഡ് ഒ​ലി​ച്ചു​പോ​യ​തോ​ടെ ഗ​താ​ഗ​തം നി​ല​ച്ചു. പ​ക​രം പ​ണി​ത​താ​ണ് നേ​ര്യ​മം​ഗ​ലം വ​ഴി മൂ​ന്നാ​റി​ലേ​ക്കു​ള്ള പാ​ത. നി​ർ​മാ​താ​ക്ക​ൾ മു​ൻ​കൂ​ട്ടി ക​ണ്ട​തു​പോ​ലെ ഈ ​വ​ഴി​യി​ൽ മ​ണ്ണി​ടി​യു​ന്ന​തും റോ​ഡ് ഒ​ലി​ച്ചു​പോ​കു​ന്ന​തും പ​തി​വാ​യി.

മൂ​ന്നാ​ർ, രാ​ജ്യ​ത്തെ പ്ര​മു​ഖ വി​നോ​ദ​സ​ഞ്ചാ​ര കേ​ന്ദ്ര​മാ​യ​തോ​ടെ അ​നി​യ​ന്ത്രി​ത​മാ​യ തി​ര​ക്കു​മു​ണ്ടാ​യി. പ​ക്ഷേ, പി​ഡ​ബ്ല്യു​ഡി വ​ക​യാ​യി​രു​ന്ന രാ​ജ​പാ​ത​യി​ലെ ഗ​താ​ഗ​തം പൂ​യം​കു​ട്ടി മു​ത​ൽ വ​നം​വ​കു​പ്പ് ത​ട​ഞ്ഞു. വ​ള​വും ക‍​യ​റ്റ​വും താ​ര​ത​മ്യേ​ന കു​റ​ഞ്ഞ​തും 13 കി​ലോ​മീ​റ്റ​റോ​ളും ദൂ​രം കു​റ​ഞ്ഞ​തു​മാ​യ രാ​ജ​പാ​ത അ​ങ്ങ​നെ വ​നം​വ​കു​പ്പ് കൈ​വ​ശ​പ്പെ​ടു​ത്തി. രാ​ജ്യ​ത്തെ നി​ര​വ​ധി വ​ന്യ​ജീ​വി സ​ങ്കേ​ത​ങ്ങ​ളി​ലൂ​ടെ വ​ന നി​യ​മ​ങ്ങ​ൾ​ക്ക് വി​ധേ​യ​മാ​യി സ​ർ​ക്കാ​രു​ക​ൾ ഗ​താ​ഗ​തം അ​നു​വ​ദി​ക്കു​മ്പോ​ഴാ​ണ് ഈ ​പാ​ത ത​ങ്ങ​ളു​ടേ​ത് അ​ല്ലാ​തി​രു​ന്നി​ട്ടും വ​നം​വ​കു​പ്പ് ഏ​ക​പ​ക്ഷീ​യ​മാ​യി കൊ​ട്ടി​യ​ട​ച്ച​ത്. ഇ​തി​നെ​തി​രേ​യാ​യി​രു​ന്നു ജ​ന​കീ​യ മു​ന്നേ​റ്റം ന​ട​ത്തി​യ​ത്.

വി​നോ​ദ​സ​ഞ്ചാ​ര വി​ക​സ​ന​ത്തി​ന് കൂ​ടു​ത​ൽ ഉ​ണ​ർ​വേ​കാ​ൻ ആ​ലു​വ-​മൂ​ന്നാ​ർ രാ​ജ​പാ​ത തു​റ​ക്കു​ന്ന​തി​ന് വ​നം​വ​കു​പ്പു​മാ​യി ച​ർ​ച്ച ചെ​യ്ത് ന​ട​പ​ടി വേ​ഗ​ത്തി​ലാ​ക്കു​മെ​ന്ന് 2021ൽ ​ആ​ന്‍റ​ണി ജോ​ൺ എം​എ​ൽ​എ​യു​ടെ സ​ബ്മി​ഷ​ന് മ​റു​പ​ടി​യാ​യി പൊ​തു​മ​രാ​മ​ത്ത് മ​ന്ത്രി മു​ഹ​മ്മ​ദ് റി​യാ​സ് നി​യ​മ​സ​ഭ​യി​ൽ പ​റ​ഞ്ഞി​രു​ന്നു. കൊ​ല്ലം മൂ​ന്നു ക​ഴി​ഞ്ഞെ​ങ്കി​ലും മി​ണ്ടാ​ട്ട​മി​ല്ല. ഏ​താ​നും വ​ർ​ഷ​ങ്ങ​ളാ​യി വ​നം​വ​കു​പ്പി​ന്‍റെ പ​ല നീ​ക്ക​ങ്ങ​ളി​ലും സ​ർ​ക്കാ​ർ ഇ​ട​പെ​ടാ​ത്ത​തി​ൽ ദു​രൂ​ഹ​ത​യു​ണ്ട്. സൂ​ക്ഷ്മ​മാ​യി നി​രീ​ക്ഷി​ച്ചാ​ൽ, വ​നാ​തി​ർ​ത്തി​ക​ളി​ൽ​നി​ന്നെ​ല്ലാം ജ​ന​ങ്ങ​ളെ ആ​ട്ടി​പ്പാ​യി​ക്കു​ന്ന നി​ല​പാ​ടാ​ണ് ഏ​തു വി​ഷ​യ​ത്തി​ലും വ​നം​വ​കു​പ്പ് സ്വീ​ക​രി​ക്കു​ന്ന​തെ​ന്നു കാ​ണാം.

അ​തി​ന്‍റെ ഭാ​ഗ​മാ​യേ രാ​ജ​പാ​ത ത​ട്ടി​യെ​ടു​ക്കാ​നു​ള്ള നീ​ക്ക​ത്തെ​യും കാ​ണാ​നാ​കൂ. രാ​ജ​പാ​ത ഉ​ൾ​പ്പെ​ടെ ക​ഴി​യു​ന്ന​ത്ര വ​ഴി​ക​ൾ അ​ട​യ്ക്കു​ന്ന നീ​ക്കം, ഹൈ​റേ​ഞ്ചി​ലെ ഏ​ല​മ​ല​ക്കാ​ടു​ക​ൾ വ​ന​ഭൂ​മി​യാ​ക്കാ​ൻ വ്യാ​ജ​രേ​ഖ ത​യാ​റാ​ക്കി​യെ​ന്ന ആ​രോ​പ​ണം, ബ​ഫ​ർ​സോ​ൺ ഭൂ​പ​ട​ത്തി​ലെ തെ​റ്റു​ക​ൾ, വ​നാ​തി​ർ​ത്തി​ക​ളി​ലെ ആ​ദി​വാ​സി​യി​ത​ര കു​ടും​ബ​ങ്ങ​ളെ പ​ണം കൊ​ടു​ത്തു മാ​റ്റി​പ്പാ​ർ​പ്പി​ക്കു​ന്ന ‘ന​വ​കി​ര​ണം’ പ​ദ്ധ​തി, കാ​ർ​ബ​ൺ ക്രെ​ഡി​റ്റ് പ​ദ്ധ​തി, ഇ​ടു​ക്കി മാ​ങ്കു​ള​ത്ത് ഉ​ൾ​പ്പെ​ടെ മ​നു​ഷ്യ-​വ​നം​വ​കു​പ്പ് ഉ​ദ്യോ​ഗ​സ്ഥ സം​ഘ​ർ​ഷം... ഇ​വ​യോ​ടൊ​ക്കെ ചേ​ർ​ത്തു വാ​യി​ക്കേ​ണ്ട​താ​ണ് വ​ന്യ​ജീ​വി ആ​ക്ര​മ​ണ​ത്തി​നെ​തി​രേ​യു​ള്ള നി​ഷ്ക്രി​യ​ത്വം.

അ​താ​യ​ത്, വ​നം​വ​കു​പ്പി​നെ​യും വ​ന്യ​ജീ​വി​ക​ളെ​യും പേ​ടി​ച്ച് ജ​നം ഒ​ഴി​ഞ്ഞു​കൊ​ള്ള​ണം. അ​തി​നി​ടെ രാ​ജ​പാ​ത വ​ന്നാ​ൽ നാ​ടി​നു ഗു​ണ​മു​ണ്ടെ​ങ്കി​ലും വ​നം​വ​കു​പ്പി​ന്‍റെ താ​ത്പ​ര്യ​ങ്ങ​ൾ​ക്കു ഹാ​നി​ക​ര​മാ​കും. വ​നം​വ​കു​പ്പി​ന്‍റെ നി​ഗൂ​ഢ​നീ​ക്ക​ങ്ങ​ളും സ​ർ​ക്കാ​രി​ന്‍റെ നി​ഷ്ക്രി​യ​ത്വ​വും ചേ​ർ​ത്തു​വാ​യി​ക്കേ​ണ്ട​തു​ണ്ട്. അ​ല്ലെ​ങ്കി​ൽ, വ​ന്യ​ജീ​വി ആ​ക്ര​മ​ണ​ത്തി​ൽ ഇ​ത്ര​യും മ​നു​ഷ്യ​ർ കൊ​ല്ല​പ്പെ​ട്ടി​ട്ടും ഒ​രു ഭ​ര​ണ​കൂ​ടം ഇ​ത്ര തോ​ൽ​വി​യാ​കു​മോ? മ​നു​ഷ്യ​ർ ദി​വ​സ​വും മ​രി​ച്ചു​വീ​ഴു​ന്പോ​ഴും വ​കു​പ്പി​ന് ഇ​ങ്ങ​നെ​യൊ​രു മ​ന്ത്രി മ​തി​യെ​ന്നു വ​യ്ക്കു​മോ?

സ​ർ​ക്കാ​രി​ന്‍റെ ഒ​ത്താ​ശ​യോ​ടെ വ​നം​വ​കു​പ്പ് തോ​ൽ​പ്പി​ച്ച​വ​രെ​ക്കു​റി​ച്ച് ഇ​തു​കൂ​ടി. വ​ന്യ​ജീ​വി​ശ​ല്യം സ​ഹി​ക്കാ​നാ​വാ​തെ ‘ന​വ​കി​ര​ണം’ പ​ദ്ധ​തി പ്ര​കാ​രം വ​നം​വ​കു​പ്പി​നു വീ​ടും കൃ​ഷി​ഭൂ​മി​യും കൈ​മാ​റി കു​ടി​യി​റ​ങ്ങി​യ പ​ല​രും ഇ​ന്നു വാ​ട​ക വീ​ടു​ക​ളി​ല്‍ ക​ഴി​യു​ക​യാ​ണ്. അ​വ​ർ ഒ​ഴി​ഞ്ഞു​കൊ​ടു​ത്ത വീ​ടും പ​രി​സ​ര​വും കാ​ടാ​യി. ന​ഷ്ട​പ​രി​ഹാ​രം കി​ട്ടി​യി​ട്ടു​മി​ല്ല. ഇ​നി തി​രി​ച്ചു​പോ​കാ​നാ​വി​ല്ല. കേ​ര​ള​ത്തി​ന്‍റെ തീ​രാ​ശാ​പ​മാ​യി വ​ന്യ​ജീ​വി ആ​ക്ര​മ​ണം. 1972ലെ ​വ​നം-​വ​ന്യ​ജീ​വി സം​ര​ക്ഷ​ണ നി​യ​മ​ത്തി​ന്‍റെ നൂ​ലാ​മാ​ല​ക​ൾ അ​ങ്ങേ​യ​റ്റം ജ​ന​വി​രു​ദ്ധ​മാ​ണ്. പ​ക്ഷേ, വ​നം​വ​കു​പ്പു​കാ​ര​നെ തൊ​ട്ട​പ്പോ​ൾ വ​ണ്ടി​പ്പെ​രി​യാ​റി​ൽ ക​ടു​വ​യെ ഒ​റ്റ​വെ​ടി​ക്കു തീ​ർ​ത്തു. സ്വ​യ​ര​ക്ഷാ​ർ​ഥ​മാ​ണെ​ന്നാ​ണു പ​റ​യു​ന്ന​ത്. സ്വ​യ​ര​ക്ഷാ​ർ​ഥം ജ​ന​ങ്ങ​ൾ​ക്ക് ആ​യു​ധ​മെ​ടു​ത്ത് നാ​ട്ടി​ലി​റ​ങ്ങു​ന്ന വ​ന്യ​ജീ​വി​ക​ളെ നേ​രി​ടാ​മോ​യെ​ന്നു ചോ​ദി​ച്ചാ​ൽ വ​നം​വ​കു​പ്പി​ന്‍റെ​യും സ​ർ​ക്കാ​രി​ന്‍റെ​യും പ​രി​സ്ഥി​തി അ​വ​താ​ര​ങ്ങ​ളു​ടെ​യും വാ​യി​ൽ നാ​ക്കി​ല്ല. അ​ങ്ങ​നെ ചെ​യ്യു​മെ​ന്നു പ​റ​ഞ്ഞ കോ​ഴി​ക്കോ​ട് ച​ക്കി​ട്ട​പാ​റ പ​ഞ്ചാ​യ​ത്തി​നെ​തി​രേ​യും വ​നം​വ​കു​പ്പ് ഇ​റ​ങ്ങി​യി​ട്ടു​ണ്ട്.

രാ​ജ​പാ​ത​യി​ലെ വ​നം​വ​കു​പ്പി​ന്‍റെ കൈ​യേ​റ്റ​വും ഭീ​ഷ​ണി​യും ബി​ഷ​പ് ഉ​ൾ​പ്പെ​ടെ​യു​ള്ള​വ​ർ​ക്കെ​തി​രേ കേ​സെ​ടു​ത്ത​തും പി​ഡ​ബ്ല്യു​ഡി​യു​ടെ നി​ശ​ബ്ദ​ത​യും സ​ർ​ക്കാ​രി​ന്‍റെ ക​ണ്ണു​പൊ​ത്തി​ക്ക​ളി​യു​മൊ​ക്കെ മേ​ൽ​പ​റ​ഞ്ഞ യാ​ഥാ​ർ​ഥ്യ​ങ്ങ​ളു​മാ​യി ചേ​ർ​ത്തു വാ​യി​ക്കേ​ണ്ട​താ​ണ്. വ​നം​വ​കു​പ്പി​ന്‍റെ സ​മാ​ന്ത​ര​ഭ​ര​ണം സാ​ധ്യ​മാ​ക​രു​ത്. ബി​ഷ​പ്പി​നും ജ​ന​പ്ര​തി​നി​ധി​ക​ൾ​ക്കു​മെ​തി​രേ​യു​ള്ള കേ​സ് ഒ​രു ജ​ന​മു​ന്നേ​റ്റ​ത്തെ ത​ട​യാ​ൻ പ്രാ​പ്ത​മ​ല്ല. വ​നം​വ​കു​പ്പി​ന്‍റേ​തു താ​ത്കാ​ലി​ക നേ​ട്ട​മാ​കാ​നാ​ണു സാ​ധ്യ​ത. സ​ർ​ക്കാ​രി​ന്‍റേ​തു ദീ​ർ​ഘ​കാ​ല കോ​ട്ട​വും. വ​നാ​തി​ർ​ത്തി​ക​ളും മ​ല​യോ​ര​ങ്ങ​ളും പു​ക​യു​ക​യാ​ണ്.
Copyright @ 2018 , Rashtra Deepika Ltd.