Play Audio

തീ​യ്ക്കെ​ന്ത് ജ​ഡ്ജി!
Tuesday, March 25, 2025 12:00 AM IST
ജ​സ്റ്റീ​സ് യ​ശ്വ​ന്ത് വ​ർ​മ കു​റ്റ​വാ​ളി​യാ​ണോ​യെ​ന്ന് സു​പ്രീം​കോ​ട​തി ക​ണ്ടു​പി​ടി​ക്ക​ട്ടെ. അ​തു​വ​രെ അ​ദ്ദേ​ഹം കു​റ്റാ​രോ​പി​ത​ൻ മാ​ത്ര​മാ​ണ്. പ​ക്ഷേ, ആ​ളി​ല്ലാ​ത്ത സ​മ​യ​ത്ത് വീ​ടി​നു തീ​ പി​ടി​ച്ചാ​ൽ ചി​ല ന്യാ​യാ​ധി​പ​രെ​ങ്കി​ലും കു​ടു​ങ്ങി​യേ​ക്കും.

ജ​ഡ്ജി​യു​ടെ വീ​ട്ടി​ൽ​നി​ന്നു നോ​ട്ടു​കെ​ട്ടു​ക​ൾ ക​ണ്ടെ​ത്തു​ന്ന സം​ഭ​വം അ​ത്യ​പൂ​ർ​വ​മാ​ണ്. അ​തി​ന്‍റെ കാ​ര​ണ​ങ്ങ​ളി​ലൊ​ന്ന് ജ​ഡ്ജി​മാ​രു​ടെ വീ​ട്ടി​ലേ​ക്ക് അ​ന്വേ​ഷ​ണ ഏ​ജ​ൻ​സി​ക​ളോ മാ​ധ്യ​മ​ങ്ങ​ളോ ക​ട​ന്നു​ചെ​ല്ലാ​റി​ല്ല എ​ന്ന​താ​ണ്. അ​വ​ർ​ക്ക് പ​ല​വി​ധ നി​യ​മ പ​രി​ര​ക്ഷ​യു​മു​ണ്ട്. ഡ​ൽ​ഹി ഹൈ​ക്കോ​ട​തി​യി​ലെ ജ​ഡ്ജി ജ​സ്റ്റീ​സ് യ​ശ്വ​ന്ത് വ​ർ​മ​യു​ടെ വീ​ട്ടി​ലും ചാ​ക്കു​ക​ണ​ക്കി​നു നോ​ട്ടു​കെ​ട്ടു​ക​ൾ ക​ണ്ടെ​ത്തി​യ​ത് അ​ന്വേ​ഷ​ണ​ത്തി​ന്‍റെ ഭാ​ഗ​മാ​യി​ട്ട​ല്ല.

തീ​യ​ണ​യ്ക്കാ​നെ​ത്തി​യ​വ​ർ അ​റി​യാ​തെ ക​ണ്ടു​പോ​യ​താ​ണ്. സു​പ്രീം​കോ​ട​തി ആ​ഭ്യ​ന്ത​ര അ​ന്വേ​ഷ​ണം തു​ട​ങ്ങി​യെ​ങ്കി​ലും ത​നി​ക്കെ​തി​രേ​യു​ള്ള ഗൂ​ഢാ​ലോ​ച​ന​യാ​ണ് സം​ഭ​വ​മെ​ന്ന് ജ​ഡ്ജി പ​റ​ഞ്ഞി​ട്ടു​ണ്ട്. അ​ങ്ങ​നെ​യാ​ണെ​ങ്കി​ൽ, രാ​ജ്യ​ത്തെ നി​യ​മ​സം​വി​ധാ​ന​ത്തെ​യാ​കെ സം​ശ​യ​നി​ഴ​ലി​ലാ​ക്കി​യ ഗൂ​ഢാ​ലോ​ച​ന പു​റ​ത്തു​കൊ​ണ്ടു​വ​ര​ണം. അ​ല്ലെ​ങ്കി​ൽ ജ​ഡ്ജി പ്ര​തി​ക്കൂ​ട്ടി​ൽ നി​ൽ​ക്ക​ണം. ജ​ന​ത്തി​ന്‍റെ ആ​ഗ്ര​ഹം പ​റ​ഞ്ഞെ​ന്നേ​യു​ള്ളൂ.

ക​ഴി​ഞ്ഞ 14നു ​രാ​ത്രി ജ​സ്റ്റീ​സ് യ​ശ്വ​ന്ത് വ​ർ​മ​യു​ടെ വീ​ട്ടി​ൽ തീ​പി​ടി​ത്തം ഉ​ണ്ടാ​യ​പ്പോ​ൾ തീ ​അ​ണ​യ്ക്കാ​നെ​ത്തി​യ അ​ഗ്നി​ര​ക്ഷാ​സേ​ന​യാ​ണ് ക​ണ​ക്കി​ൽ പെ​ടാ​ത്ത പ​ണം ക​ണ്ടെ​ത്തി​യ​ത്. മാ​ർ​ച്ച് 21നാ​ണ് വാ​ർ​ത്ത പു​റ​ത്തു​വ​ന്ന​ത്. കു​റേ നോ​ട്ടു​കെ​ട്ടു​ക​ൾ ക​ത്തി​ത്തീ​രാ​റാ​യ നി​ല​യി​ലാ​യി​രു​ന്നു. സം​ഭ​വ​സ​മ​യ​ത്ത് ജ​ഡ്ജി വീ​ട്ടി​ലു​ണ്ടാ​യി​രു​ന്നി​ല്ല. പ​ക്ഷേ, കേ​സ്, അ​ട്ടി​മ​റി​ക്ക​പ്പെ​ടു​മോ​യെ​ന്ന സം​ശ​യ​വും ഉ​യ​രു​ന്നു​ണ്ട്.

രാ​ത്രി 11.30നു ​പ​ണം ക​ണ്ടെ​ത്തി​യെ​ങ്കി​ലും അ​ടു​ത്ത ദി​വ​സം വൈ​കു​ന്നേ​രം 4.30നാ​ണ് പോ​ലീ​സ് വി​വ​രം ചീ​ഫ് ജ​സ്റ്റീ​സി​നെ അ​റി​യി​ച്ച​ത്. വീ​ട്ടി​ലെ സ്റ്റോ​ർ റൂ​മി​ൽ​നി​ന്നു ക​ണ്ടെ​ത്തി​യ നോ​ട്ടു​കെ​ട്ടു​ക​ളു​മാ​യി ത​നി​ക്ക് ഒ​രു ബ​ന്ധ​വു​മി​ല്ലെ​ന്നും ത​നി​ക്കെ​തി​രേ എ​ന്തോ നീ​ക്കം ന​ട​ക്കു​ന്നു​ണ്ടെ​ന്നു​മാ​ണ് ജ​സ്റ്റീ​സ് യ​ശ്വ​ന്ത് വ​ർ​മ പ്ര​തി​ക​രി​ച്ച​ത്.

ഇ​തി​നി​ടെ, ജ​ഡ്ജി യ​ശ്വ​ന്ത് വ​ർ​മ​യു​ടെ വീ​ട്ടി​ൽ​നി​ന്നു പ​ണം ക​ണ്ടെ​ത്തി​യി​ട്ടി​ല്ലെ​ന്നും ത​ന്‍റെ പേ​രി​ൽ ക​ഴി​ഞ്ഞ ദി​വ​സം പു​റ​ത്തു​വ​ന്ന വാ​ർ​ത്ത​ക​ൾ തെ​റ്റാ​ണെ​ന്നു​മു​ള്ള പ്ര​സ്താ​വ​ന​യു​മാ​യി ഡ‌​ൽ​ഹി അ​ഗ്നി​ശ​മ​ന​സേ​നാ മേ​ധാ​വി അ​തു​ൽ ഗാ​ർ​ഗ് രം​ഗ​ത്തു വ​ന്നു. പോ​ലീ​സി​ന്‍റെ​യും അ​ഗ്നി​ശ​മ​ന​സേ​ന​യു​ടെ​യും നി​ല​പാ​ട് ഇ​ക്കാ​ര്യ​ത്തി​ൽ നി​ർ​ണാ​യ​ക​മാ​കും.

എ​ന്താ​യാ​ലും, സു​പ്രീം​കോ​ട​തി ആ​വ​ശ്യ​പ്പെ​ട്ട​ത​നു​സ​രി​ച്ച്, ഡ​ൽ​ഹി ഹൈ​ക്കോ​ട​തി ചീ​ഫ് ജ​സ്റ്റീ​സ് ദേ​വേ​ന്ദ്ര കു​മാ​ർ ഉ​പാ​ധ്യാ​യ റി​പ്പോ​ർ​ട്ട് ന​ൽ​കു​ക​യും സു​പ്രീം​കോ​ട​തി, മൂ​ന്നം​ഗ സ​മി​തി​യെ അ​ന്വേ​ഷ​ണ​ത്തി​നു നി​യോ​ഗി​ക്കു​ക​യും ചെ​യ്തി​ട്ടു​ണ്ട്. ജ​സ്റ്റീ​സ് യ​ശ്വ​ന്ത് വ​ർ​മ​യെ ജു​ഡീ​ഷ​ൽ ചു​മ​ത​ല​ക​ളി​ൽ​നി​ന്ന് ഒ​ഴി​വാ​ക്കു​ക​യും ചെ​യ്തു.

2018ലെ ​സിം​ഭോ​ലി പ​ഞ്ച​സാ​ര മി​ൽ-​ബാ​ങ്ക് ത​ട്ടി​പ്പ് കേ​സു​മാ​യി ബ​ന്ധ​പ്പെ​ട്ട് ക​ന്പ​നി​യു​ടെ നോ​ൺ എ​ക്സി​ക്യൂ​ട്ടീ​വ് ഡ​യ​റ​ക്ട​റാ​യി​രു​ന്ന യ​ശ്വ​ന്ത് വ​ർ​മ സി​ബി​ഐ​യു​ടെ എ​ഫ്ഐ​ആ​റി​ലു​ണ്ട്. ജ​ഡ്ജി​മാ​രു​ടെ നി​യ​മ​നം മു​ത​ൽ കൂ​ടു​ത​ൽ സു​താ​ര്യ​ത ഉ​ണ്ടാ​ക​ണ​മെ​ന്നും നി​യ​മ​സം​വി​ധാ​ന​ങ്ങ​ളി​ലെ അ​ഴി​മ​തി ചെ​റു​ക്കാ​ൻ പ​ര്യാ​പ്ത​മാ​യ സം​വി​ധാ​ന​ങ്ങ​ൾ വേ​ണ​മെ​ന്നും ഡ​ൽ​ഹി സം​ഭ​വം അ​ടി​വ​ര​യി​ട്ടു പ​റ​യു​ന്നു.

ജ​ഡ്ജി​മാ​ർ​ക്കു പ്ര​ത്യേ​ക പ​രി​ര​ക്ഷ എ​ല്ലാ​ക്കാ​ര്യ​ത്തി​ലു​മു​ള്ള​ത് അ​ഴി​മ​തി വ​ള​രാ​ൻ കാ​ര​ണ​മാ​യി​ട്ടു​ണ്ട്. ‍ഒ​രു ജ​ഡ്ജി​ക്കെ​തി​രേ അ​ഴി​മ​തി​യു​ടെ സൂ​ച​ന​ക​ൾ ല​ഭി​ച്ചാ​ലും പോ​ലീ​സോ സ​ർ​ക്കാ​രോ മാ​ധ്യ​മ​ങ്ങ​ളോ തി​രി​ഞ്ഞു​നോ​ക്കാ​റി​ല്ല; പേ​ടി​യാ​ണ്. അ​തു​കൊ​ണ്ടു മാ​ത്രം ര​ക്ഷ​പ്പെ​ട്ട നി​ര​വ​ധി ന്യാ​യാ​ധി​പ​ന്മാ​രു​ണ്ട്. അ​വ​ർ​ക്കു ഭ​രി​ക്കു​ന്ന​വ​രു​മാ​യി ബ​ന്ധ​മു​ണ്ടെ​ങ്കി​ൽ ഇ​ര​ട്ടി പ​രി​ര​ക്ഷ​യാ​ണ്. പി​ടി​ക്ക​പ്പെ​ട്ടാ​ൽ രാ​ജി​വ​യ്ക്കു​ക​യോ അ​ല്ലെ​ങ്കി​ൽ പാ​ർ​ല​മെ​ന്‍റ് ഇം​പീ​ച്ച് ചെ​യ്യു​ക​യോ വേ​ണം. ഇ​തു പ​ല​പ്പോ​ഴും പ്രാ​യോ​ഗി​ക​മ​ല്ല.

അ​ലാ​ഹാ​ബാ​ദ് ഹൈ​ക്കോ​ട​തി ജ​ഡ്ജി​യാ​യി​രു​ന്ന എ​സ്.​എ​ന്‍. ശു​ക്ല 2014നും 2019​നും ഇ​ട​യി​ൽ കു​ടും​ബാം​ഗ​ങ്ങ​ളു​ടെ പേ​രി​ൽ അ​ന​ധി​കൃ​ത സ്വ​ത്ത് സ​ന്പാ​ദി​ച്ച​തി​നു സി​ബി​ഐ കേ​സു​ക​ളെ​ടു​ത്തി​രു​ന്നു. ല​ക്‌​നൗ ജി​സി​ആ​ര്‍​ജി മെ​ഡി​ക്ക​ല്‍ കോ​ള​ജു​മാ​യി ബ​ന്ധ​പ്പെ​ട്ട കേ​സി​ൽ വി​ധി തി​രു​ത്താ​ന്‍ കൈ​ക്കൂ​ലി വാ​ങ്ങി​യെ​ന്ന ആ​രോ​പ​ണം ശ​രി​യെ​ന്നു ക​ണ്ടെ​ത്തി​യെ​ങ്കി​ലും അ​ദ്ദേ​ഹം രാ​ജി​വ​യ്ക്കാ​ൻ ത​യാ​റാ​യി​ല്ല.

ശു​ക്ല​യെ ഇം​പീ​ച്ച് ചെ​യ്യ​ണ​മെ​ന്നാ​വ​ശ്യ​പ്പെ​ട്ട് സു​പ്രീം​കോ​ട​തി പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്കു ക​ത്ത​യ​ച്ചെ​ങ്കി​ലും ഒ​രു പ്ര​തി​ക​ര​ണ​വു​മു​ണ്ടാ​യി​ല്ല. പ​ഞ്ചാ​ബ്-​ഹ​രി​യാ​ന ഹൈ​ക്കോ​ട​തി ജ​ഡ്ജി​യാ​യി​രി​ക്കെ അ​ഴി​മ​തി ആ​രോ​പ​ണ​ങ്ങ​ള്‍​ക്ക് വി​ധേ​യ​നാ​യ സു​പ്രീം​കോ​ട​തി മു​ന്‍ ജ​ഡ്ജി വി. ​രാ​മ​സ്വാ​മി​ക്കെ​തി​രേ 1993ൽ ​കൊ​ണ്ടു​വ​ന്ന ഇം​പീ​ച്ച്മെ​ന്‍റ് പ്ര​മേ​യ​ത്തി​ൽ​നി​ന്നു വി​ട്ടു​നി​ന്ന് അ​ദ്ദേ​ഹ​ത്തെ ര​ക്ഷി​ച്ച​ത് ന​ര​സിം​ഹ​റാ​വു സ​ർ​ക്കാ​രി​ന്‍റെ കാ​ല​ത്ത് കോ​ൺ​ഗ്ര​സും സ​ഖ്യ​ക​ക്ഷി​ക​ളു​മാ​ണ്.

കോ​ൽ​ക്ക​ത്ത ഹൈ​ക്കോ​ട​തി​യി​ലെ മു​ൻ ജ​ഡ്ജി സൗ​മി​ത്ര സെ​ന്നി​നെ​തി​രേ ഇം​പീ​ച്ച്മെ​ന്‍റി​ന് 2011ൽ ​മ​ൻ​മോ​ഹ​ൻ സിം​ഗ് സ​ർ​ക്കാ​ർ ഒ​രു​ങ്ങി​യെ​ങ്കി​ലും തൊ​ട്ടു​മു​ന്പ് അ​ദ്ദേ​ഹം രാ​ജി​വ​ച്ചു. ഒ​ഡീ​ഷ ഹൈ​ക്കോ​ട​തി മു​ന്‍ ജ​ഡ്ജി ഐ.​എം. ഖു​ദ്‌​സി, ക​ര്‍​ണാ​ട​ക മു​ന്‍ ചീ​ഫ് ജ​സ്റ്റീ​സ് പി.​ഡി. ദി​ന​ക​ര്‍ തു​ട​ങ്ങി പ​ല​രും പ​ഴു​തു​ക​ളു​ണ്ടാ​യി​ട്ടും അ​ഴി​മ​തി​ക്കേ​സി​ൽ കു​ടു​ങ്ങി​യ​വ​രാ​ണ്.

ആ​ൺ​മ​യി​ലി​ന്‍റെ ക​ണ്ണീ​ർ കു​ടി​ച്ചാ​ണ് മ​യി​ൽ ഗ​ർ​ഭി​ണി​യാ​കു​ന്ന​തെ​ന്നും പ​ശു​വി​നെ ക​ശാ​പ്പ് ചെ​യ്യു​ന്ന​ത് നി​ർ​ത്തി​യാ​ൽ ഭൂ​മി​യി​ലെ എ​ല്ലാ പ്ര​ശ്ന​ങ്ങ​ളും മാ​റു​മെ​ന്നു​മൊ​ക്കെ പ​റ​യു​ന്ന​ത് ഈ ​രാ​ജ്യ​ത്തെ ജ​ഡ്ജി​മാ​രാ​ണ്. വ​ർ​ഗീ​യ പ​രാ​മ​ർ​ശ​ങ്ങ​ളും ന്യൂ​ന​പ​ക്ഷ വി​രു​ദ്ധ​ത​യും തു​ട​ർ​ച്ച​യാ​യി ന​ട​ത്തു​ന്ന അ​ലാ​ഹാ​ബാ​ദ് ഹൈ​ക്കോ​ട​തി ജ​ഡ്ജി ജ​സ്റ്റീ​സ് ശേ​ഖ​ര്‍ കു​മാ​ര്‍ യാ​ദ​വി​നെ​പ്പോ​ലെ​യു​ള്ള​വ​രു​മു​ണ്ട്.

വി​ശ്വ​ഹി​ന്ദു പ​രി​ഷ​ത്തി​ന്‍റെ പ​രി​പാ​ടി​യി​ലാ​ണ് ക​ഴി​ഞ്ഞ​വ​ർ​ഷം അ​ദ്ദേ​ഹം ഏ​റ്റ​വും പു​തി​യ വി​ദ്വേ​ഷ​പ്ര​സം​ഗം ന​ട​ത്തി​യ​ത്. ജ​ഡ്ജി​യെ പി​ന്തു​ണ​ച്ച് യു​പി മു​ഖ്യ​മ​ന്ത്രി യോ​ഗി രം​ഗ​ത്തു വ​രി​ക​യും ചെ​യ്തു. ബാ​ക്കി കാ​ത്തി​രു​ന്നു കാ​ണാം. ജ​സ്റ്റീ​സ് യ​ശ്വ​ന്ത് വ​ർ​മ കു​റ്റ​വാ​ളി​യാ​ണോ​യെ​ന്ന് സു​പ്രീം​കോ​ട​തി ക​ണ്ടു​പി​ടി​ക്ക​ട്ടെ. അ​തു​വ​രെ അ​ദ്ദേ​ഹം കു​റ്റാ​രോ​പി​ത​ൻ മാ​ത്ര​മാ​ണ്. പ​ക്ഷേ, ആ​ളി​ല്ലാ നേ​ര​ത്ത് വീ​ടി​നു തീ​പി​ടി​ച്ചാ​ൽ ചി​ല ന്യാ​യാ​ധി​പ​രെ​ങ്കി​ലും കു​ടു​ങ്ങി​യേ​ക്കും.

കു​ടു​ങ്ങി​യാ​ലും കു​റ്റം തെ​ളി​ഞ്ഞാ​ലും രാ​ജി​വ​യ്ക്കു​മോ ഇം​പീ​ച്ച് ചെ​യ്യു​മോ എ​ന്നൊ​ന്നും ആ​ർ​ക്കു​മ​റി​യി​ല്ല. അ​തു ജു​ഡീ​ഷ​റി​യു​ടെ സു​താ​ര്യ​ത​യെ മാ​ത്രം ആ​ശ്ര​യി​ക്കു​ന്ന കാ​ര്യ​മ​ല്ല, പ്ര​തി​യു​ടെ രാ​ഷ്‌​ട്രീ​യ​ത്തെ​യും ആ​ശ്ര​യി​ക്കു​ന്ന​താ​ണ്.
Copyright @ 2018 , Rashtra Deepika Ltd.