Play Audio

കൈ​യേ​റ്റം വേ​ണ്ട, കു​തി​ര​ക​യ​റ്റ​വും
Wednesday, March 12, 2025 12:00 AM IST
കൈ​യേ​റ്റ​ത്തി​ന്‍റെ പേ​രു​പ​റ​ഞ്ഞ് കു​രി​ശി​നെ അ​വ​ഹേ​ളി​ക്കാ​നു​ള്ള സാ​ഹ​ച​ര്യം ഉ​ണ്ടാ​ക്കി​ക്കൊ​ടു​ക്കാ​തി​രി​ക്കാ​നു​ള്ള വി​വേ​കം ക്രൈ​സ്ത​വ​ർ​ക്കെ​ങ്കി​ലും ഉ​ണ്ടാ​ക​ണം. കൈ​യേ​റ്റ​ക്കാ​രു​ടെ കു​രി​ശി​ന്‍റെ ഭാ​രം ക്രൈ​സ്ത​വ സ​ഭ​ക​ളു​ടെ​യും സ​മു​ദാ​യ​ത്തി​ന്‍റെ​യും ചു​മ​ലി​ൽ ചാ​ർ​ത്തി കു​തി​ര​ക​യ​റാ​നു​ള്ള ചി​ല​രു​ടെ വ്യ​ഗ്ര​ത അ​ത്ര നി​ഷ്ക​ള​ങ്ക​മ​ല്ല​താ​നും.

നോ​മ്പു​കാ​ല​ത്തു കു​രി​ശെ​ടു​ത്തു മ​ല ക​യ​റേ​ണ്ട​തു പാ​പ​പ​രി​ഹാ​ര​ത്തി​നു വേ​ണ്ടി​യാ​വ​ണം, അ​ല്ലാ​തെ മ​റ്റൊ​രു പാ​പം ചെ​യ്യാ​ൻ ആ​രും കു​രി​ശു​മാ​യി മ​ല​ക​ൾ ക​യ​റാ​തി​രി​ക്ക​ട്ടെ. കു​രി​ശ് ര​ക്ഷ​യു​ടെ​യും വി​ശ്വാ​സ​ത്തി​ന്‍റെ​യും പ്ര​തീ​ക​മാ​ണ്.

അ​തി​നെ കൈ​യേ​റ്റ​ത്തി​ന്‍റെ പേ​രു​പ​റ​ഞ്ഞ് അ​വ​ഹേ​ളി​ക്കാ​നു​ള്ള സാ​ഹ​ച​ര്യം ഉ​ണ്ടാ​ക്കി​ക്കൊ​ടു​ക്കാ​തി​രി​ക്കാ​നു​ള്ള വി​വേ​കം ക്രൈ​സ്ത​വ​ർ​ക്കെ​ങ്കി​ലും ഉ​ണ്ടാ​ക​ണം. റ​വ​ന്യു ഭൂ​മി കൈ​യേ​റ്റ വി​വാ​ദ​ങ്ങ​ൾ ഒ​രു ഇ​ട​വേ​ള​യ്ക്കു ശേ​ഷം വീ​ണ്ടും മ​ല ക​യ​റി​യി​രി​ക്കു​ന്നു. ഇ​ടു​ക്കി​യി​ലെ മ​ഞ്ചു​മ​ല, വാ​ഗ​മ​ൺ, പ​രു​ന്തും​പാ​റ മേ​ഖ​ല​ക​ളി​ൽ റ​വ​ന്യു ഭൂ​മി കൈ​യേ​റ്റം ന​ട​ക്കു​ന്ന​താ​യാ​ണ് പ​രാ​തി.

ഇ​തോ​ടെ ക​ഴി​ഞ്ഞ ര​ണ്ടു മു​ത​ൽ ഈ ​വി​ല്ലേ​ജു​ക​ളി​ലെ കൈ​യേ​റ്റം ആ​രോ​പി​ക്ക​പ്പെ​ട്ട മേ​ഖ​ല​യി​ൽ നി​ർ​മാ​ണ​പ്ര​വ​ർ​ത്ത​ന​ങ്ങ​ൾ ക​ള​ക്ട​ർ വി​ല​ക്കി. എ​ന്നാ​ൽ, ക​ള​ക്ട​റു​ടെ ഉ​ത്ത​ര​വി​നെ ഹൈ​റേ​ഞ്ചി​ലെ ത​ണു​ത്ത കാ​റ്റി​ൽ പ​റ​ത്തി പ​ല​രും നി​ർ​മാ​ണം തു​ട​ർ​ന്നു. പ​രു​ന്തും​പാ​റ​യി​ൽ നി​ർ​മാ​ണ​ത്തി​ലി​രു​ന്ന കെ​ട്ടി​ട​ത്തി​നു സ​മീ​പം ക​ഴി​ഞ്ഞ ദി​വ​സം സ്വ​കാ​ര്യ വ്യ​ക്തി കു​രി​ശും സ്ഥാ​പി​ച്ചു.

കൈ​യേ​റ്റം ഒ​ഴി​പ്പി​ക്ക​ൽ ത​ട​യാ​നാ​ണ് കു​രി​ശ് സ്ഥാ​പി​ച്ച​തെ​ന്നാ​ണ് ഉ​യ​ർ​ന്ന ആ​രോ​പ​ണം. എ​ന്താ​യാ​ലും ആ​ക്ഷേ​പം ഉ​യ​ർ​ന്ന​തോ​ടെ ആ ​കു​രി​ശ് റ​വ​ന്യു അ​ധി​കൃ​ത​ർ നീ​ക്കം ചെ​യ്തു. അ​ന​ധി​കൃ​ത​മാ​യി സ്ഥാ​പി​ച്ച​താ​ണെ​ങ്കി​ൽ ആ ​കു​രി​ശ് കൈ​യോ​ടെ നീ​ക്കം ചെ​യ്യ​പ്പെ​ടേ​ണ്ട​തു​ത​ന്നെ​യാ​ണ്.

കു​രി​ശ് ക്രൈ​സ്ത​വ​രെ സം​ബ​ന്ധി​ച്ചു ര​ക്ഷ​യു​ടെ അ​ട​യാ​ള​മാ​ണെ​ങ്കി​ലും മ​നഃ​പൂ​ർ​വം വ​രു​ത്തി​വ​യ്ക്കു​ന്ന കു​ഴ​പ്പ​ങ്ങ​ളി​ൽ​നി​ന്നു ര​ക്ഷ​പ്പെ​ടാ​നു​ള്ള മ​റ​യാ​ക്കി ആ​രെ​ങ്കി​ലും കു​രി​ശി​നെ ഉ​പ​യോ​ഗി​ച്ചാ​ൽ അ​തു ശി​ക്ഷ കൊ​ടു​ക്കേ​ണ്ട​തി​ന്‍റെ അ​ട​യാ​ള​മാ​കും.

പ​രു​ന്തും​പാ​റ​യി​ൽ സ്വ​കാ​ര്യ വ്യ​ക്തി ത​ന്‍റേ​തെ​ന്ന് അ​വ​കാ​ശ​പ്പെ​ടു​ന്ന 3.31 ഏ​ക്ക​റി​ലാ​ണ് നാ​നൂ​റി​ലേ​റെ പേ​ർ​ക്കു താ​മ​സി​ക്കാ​നു​ള്ള സൗ​ക​ര്യ​ങ്ങ​ളോ​ടെ കെ​ട്ടി​ട​ങ്ങ​ളും അ​തി​നു സ​മീ​പം കു​രി​ശും സ്ഥാ​പി​ച്ച​ത്.

ഇ​വി​ടെ റി​സോ​ർ​ട്ടാ​ണ് നി​ർ​മി​ക്കു​ന്ന​തെ​ന്ന് പ്ര​ചാ​ര​ണ​മു​ണ്ടാ​യെ​ങ്കി​ലും റി​സോ​ർ​ട്ട​ല്ല ധ്യാ​ന​കേ​ന്ദ്ര​മാ​ണ് നി​ർ​മി​ക്കു​ന്ന​തെ​ന്നാ​ണ് ഉ​ട​മ​യു​ടേ​താ​യി പു​റ​ത്തു​വ​ന്നി​രി​ക്കു​ന്ന വാ​ദം. കു​രി​ശ് സ്ഥാ​പി​ച്ച​ത് കൈ​യേ​റ്റം ഒ​ഴി​പ്പി​ക്ക​ൽ ത​ട​യാ​ന​ല്ലെ​ന്നും ധ്യാ​ന​കേ​ന്ദ്ര​ത്തി​ന്‍റെ ഭാ​ഗ​മാ​യു​ള്ള കു​രി​ശാ​ണ് സ്ഥാ​പി​ച്ച​തെ​ന്നും ഇ​വ​ർ അ​വ​കാ​ശ​പ്പെ​ടു​ന്നു.

റി​സോ​ർ​ട്ടാ​യാ​ലും ധ്യാ​ന​കേ​ന്ദ്ര​മാ​യാ​ലും നി​യ​മ​പ​ര​മാ​യി സ്വ​ന്തം ഭൂ​മി​യി​ലാ​ണ് സ്ഥാ​പി​ച്ചി​രി​ക്കു​ന്ന​തെ​ങ്കി​ൽ അ​തു നീ​ക്കം ചെ​യ്യാ​ൻ ആ​ർ​ക്കും അ​വ​കാ​ശ​മി​ല്ല. അ​തേ​സ​മ​യം, അ​ന​ധി​കൃ​ത​മാ​യി കൈ​യേ​റി​യ ഭൂ​മി​യി​ലാ​ണ് ഇ​തൊ​ക്കെ പ​ടു​ത്തു​യ​ർ​ത്തു​ന്ന​തെ​ങ്കി​ൽ നീ​ക്കം ചെ​യ്യ​പ്പെ​ടേ​ണ്ട​തു​ത​ന്നെ​യാ​ണ്. അ​തൊ​ക്കെ ഇ​നി സ​ർ​ക്കാ​രും കോ​ട​തി​യും വ്യ​ക്ത​മാ​ക്കേ​ണ്ട കാ​ര്യ​ങ്ങ​ളാ​ണ്.

നി​യ​മ​ക്കു​രു​ക്കു​ക​ളി​ൽ അ​ക​പ്പെ​ട്ടാ​ൽ ദീ​ർ​ഘ​കാ​ല​ത്തേ​ക്കു പ​ണി​മു​ട​ങ്ങു​മെ​ന്നു ക​ണ്ട് പ​ല​രും കോ​ട​തി ഉ​ത്ത​ര​വ് വ​രു​ന്ന​തി​നു മു​ന്പും അ​വ​ധി​ദി​ന​ങ്ങ​ളി​ലു​മൊ​ക്കെ നി​ർ​മാ​ണ പ്ര​വ​ർ​ത്ത​നം ന​ട​ത്തു​ന്ന​ത് ന​മ്മു​ടെ നാ​ട്ടി​ലെ ഒ​രു പൊ​തു​രീ​തി​യാ​ണ്. എ​ന്നാ​ൽ, സ്വ​ന്തം ഭൂ​മി​യാ​ണെ​ങ്കി​ൽ പോ​ലും ക​ള​ക്ട​ർ അ​ട​ക്ക​മു​ള്ള​വ​ർ ന​ൽ​കു​ന്ന ഉ​ത്ത​ര​വു​ക​ൾ പാ​ലി​ക്കാ​ൻ ഏ​തൊ​രു പൗ​ര​നും ബാ​ധ്യ​ത​യു​ണ്ട്.

വി​വി​ധ മ​ത​സ്ഥ​രു​ടെ മ​ത​ചി​ഹ്ന​ങ്ങ​ളും പ്ര​തീ​ക​ങ്ങ​ളും സ്ഥാ​പി​ച്ചു കൈ​യേ​റ്റ​ക്കാ​ർ ഭൂ​മി സ്വ​ന്ത​മാ​ക്കു​ന്ന രീ​തി കു​റേ​ക്കാ​ല​മാ​യി ഹൈ​റേ​ഞ്ച് മേ​ഖ​ല​യി​ൽ ന​ട​ക്കു​ന്ന​താ​ണ്. സ്ഥാ​പി​ത താ​ത്പ​ര്യ​ക്കാ​ർ ചെ​യ്യു​ന്ന​താ​ണെ​ങ്കി​ലും ഇ​തി​ന്‍റെ പേ​രി​ൽ മ​ത​ങ്ങ​ളും സ​മു​ദാ​യ​ങ്ങ​ളു​മൊ​ക്കെ​യാ​ണ് പ​ല​പ്പോ​ഴും വി​വാ​ദ​ങ്ങ​ളി​ൽ​പെ​ടു​ന്ന​ത്.

കൈ​യേ​റ്റ​ക്കാ​രു​ടെ കു​രി​ശി​ന്‍റെ ഭാ​രം ക്രൈ​സ്ത​വ സ​ഭ​ക​ളു​ടെ​യും സ​മു​ദാ​യ​ത്തി​ന്‍റെ​യും ചു​മ​ലി​ൽ ചാ​ർ​ത്തി കു​തി​ര​ക​യ​റാ​നു​ള്ള ചി​ല​രു​ടെ വ്യ​ഗ്ര​ത അ​ത്ര നി​ഷ്ക​ള​ങ്ക​മ​ല്ല​താ​നും. ഏ​തെ​ങ്കി​ലും റ​വ​ന്യു ഭൂ​മി​യി​ൽ അ​ന​ധി​കൃ​ത​മാ​യി ഒ​രു നി​ർ​മാ​ണം ന​ട​ന്നാ​ൽ അ​തി​ന്‍റെ അ​ർ​ഥം അ​തി​നു പി​ന്നി​ൽ രാ​ഷ്‌​ട്രീ​യ-​ഉ​ദ്യോ​ഗ​സ്ഥ-​കൈ​യേ​റ്റ മാ​ഫി​യ പ്ര​വ​ർ​ത്തി​ച്ചി​ട്ടു​ണ്ട് എ​ന്നു​ത​ന്നെ​യാ​ണ്.

വാ​ഗ​മ​ൺ, പ​രു​ന്തും​പാ​റ പോ​ലെ​യു​ള്ള സ്ഥ​ല​ങ്ങ​ളി​ൽ പു​റ​മേ​നി​ന്നു​ള്ള​വ​ർ​ക്കു വ​ന്നു ഭൂ​മി കൈ​യേ​റാ​ൻ ക​ഴി​യി​ല്ല. പ്രാ​ദേ​ശി​ക രാ​ഷ്‌​ട്രീ​യ- ഉ​ദ്യോ​ഗ​സ്ഥ കൂ​ട്ടു​കെ​ട്ടു​ക​ളാ​ണ് പ​ല​പ്പോ​ഴും റ​വ​ന്യു ഭൂ​മി അ​ന്യാ​ധീ​ന​പ്പെ​ടാ​ൻ കാ​ര​ണം. സ​ർ​ക്കാ​ർ ഭൂ​മി രാ​ഷ്‌​ട്രീ​യ പി​ന്തു​ണ​യോ​ടെ കൈ​യേ​റു​ക​യും ഉ​ദ്യോ​ഗ​സ്ഥ​സ​ഹാ​യ​ത്തോ​ടെ ഇ​തി​നു രേ​ഖ​ക​ൾ ച​മ​യ്ക്കു​ക​യു​മാ​ണ് കൈ​യേ​റ്റ മാ​ഫി​യ​യു​ടെ രീ​തി.

തു​ട​ർ​ന്ന് ഈ ​സ്ഥ​ലം പ​ട്ട​യ​വും ആ​ധാ​ര​വു​മു​ള്ള ഭൂ​മി എ​ന്ന രീ​തി​യി​ൽ മ​റി​ച്ചു​വി​ൽ​ക്കും. ത​ട്ടി​പ്പ് അ​റി​യാ​തെ ഇ​ത്ത​രം സ്ഥ​ല​ങ്ങ​ൾ വാ​ങ്ങി നി​ർ​മാ​ണം ന​ട​ത്തു​ന്ന​വ​രാ​ണ് വി​വാ​ദ​മു​ണ്ടാ​കു​ന്പോ​ൾ പ​ല​പ്പോ​ഴും ഇ​ര​ക​ളാ​യി മാ​റു​ന്ന​ത്. കൈ​യേ​റ്റ​ഭൂ​മി​യാ​ണെ​ന്ന് അ​റി​ഞ്ഞു വാ​ങ്ങു​ന്ന​വ​രും അ​റി​യാ​തെ വാ​ങ്ങു​ന്ന​വ​രും ഇ​ക്കൂ​ട്ട​ത്തി​ലു​ണ്ടാ​കും.

എ​ന്താ​യാ​ലും ഭൂ​മി​യു​ടെ രേ​ഖ​ക​ൾ ആ​ധി​കാ​രി​ക​മാ​ണെ​ന്ന് ഉ​റ​പ്പു​വ​രു​ത്താ​നു​ള്ള ബാ​ധ്യ​ത വാ​ങ്ങു​ന്ന​വ​ർ​ക്കു ത​ന്നെ​യാ​ണ്. ഒ​രു വ​ശ​ത്തു കൈ​യേ​റ്റ​ത്തി​നു കൈ​യ​ടി​ക്കു​ക​യും മ​റു​വ​ശ​ത്തു നാ​ട്ടു​കാ​രു​ടെ ക​ണ്ണി​ൽ പൊ​ടി​യി​ടു​ക​യും ചെ​യ്യു​ന്ന രാ​ഷ്‌​ട്രീ​യ-​ഉ​ദ്യോ​ഗ​സ്ഥ കൂ​ട്ടു​കെ​ട്ടു​കാ​രാ​ണ് കൈ​യേ​റ്റ​ക​ഥ​യി​ലെ യ​ഥാ​ർ​ഥ പ്ര​തി​ക​ൾ.
Copyright @ 2018 , Rashtra Deepika Ltd.