ഡ​ബ്ലി​ന്‍: അ​ഞ്ച് പ​ന്തി​ല്‍ അ​ഞ്ച് വി​ക്ക​റ്റ് വീ​ഴ്ത്തി ച​രി​ത്ര​ത്തി​ല്‍ ഇ​ടം​പി​ടി​ച്ച് അ​യ​ര്‍ല​ന്‍ഡ് ഓ​ള്‍റൗ​ണ്ട​ര്‍ ക​ര്‍ട്ടി​സ് കാം​ഫ​ര്‍. പ്ര​ഫ​ഷ​ണ​ല്‍ ക്രി​ക്ക​റ്റി​ല്‍ ഈ ​അ​പൂ​ര്‍വ​നേ​ട്ടം സ്വ​ന്ത​മാ​ക്കു​ന്ന ആ​ദ്യ പു​രു​ഷ താ​ര​മാ​ണ് 26കാ​ര​നാ​യ കാം​ഫ​ര്‍. അ​യ​ര്‍ല​ന്‍ഡി​ലെ ആ​ഭ്യ​ന്ത​ര ട്വ​ന്‍റി-20 ടൂ​ര്‍ണ​മെ​ന്‍റാ​യ ഇ​ന്‍റ​ര്‍ പ്രൊ​വി​ന്‍ഷ്യ​ല്‍ ട്രോ​ഫി​യി​ലാ​ണ് കാം​ഫ​റി​ന്‍റെ ഈ ​ച​രി​ത്ര ബൗ​ളിം​ഗ് പ്ര​ക​ട​നം.

ഡ​ബ്ലി​നി​ല്‍ നോ​ര്‍ത്ത് വെ​സ്റ്റ് വാ​രി​യേ​ഴ്‌​സി​ന് എ​തി​രേ മ​ണ്‍സ്റ്റ​ര്‍ റെ​ഡ്‌​സി​നു​വേ​ണ്ടി​യാ​ണ് കാം​ഫ​റി​ന്‍റെ ച​രി​ത്ര നേ​ട്ടം. മ​ത്സ​ര​ത്തി​ല്‍ മ​ണ്‍സ്റ്റ​ര്‍ റെ​ഡ്‌​സ് 100 റ​ണ്‍സി​ന്‍റെ കൂ​റ്റ​ന്‍ ജ​യം സ്വ​ന്ത​മാ​ക്കി. സ്‌​കോ​ര്‍: മ​ണ്‍സ്റ്റ​ര്‍ റെ​ഡ്‌​സ് 188/7 (20). നോ​ര്‍ത്ത് വെ​സ്റ്റ് വാ​രി​യേ​ഴ്‌​സ് 88 (13.3).

ഇ​ന്നിം​ഗ്‌​സി​ലെ 12-ാം ഓ​വ​റി​ന്‍റെ അ​വ​സാ​ന ര​ണ്ട് പ​ന്തി​ലും 14-ാം ഓ​വ​റി​ന്‍റെ ആ​ദ്യ മൂ​ന്നു പ​ന്തി​ലു​മാ​യി​രു​ന്നു കാം​ഫ​റി​ന്‍റെ വി​ക്ക​റ്റ് വേ​ട്ട. മ​ത്സ​ര​ത്തി​ലെ അ​ഞ്ചാം ബൗ​ള​റാ​യി പ​ന്ത് കൈ​യി​ലെ​ടു​ത്ത കാം​ഫ​ര്‍, അ​ഞ്ച് വി​ക്ക​റ്റ് ന​ഷ്ട​ത്തി​ല്‍ 87 റ​ണ്‍സ് എ​ന്ന നി​ല​യി​ല്‍നി​ന്ന് നോ​ര്‍ത്ത് വെ​സ്റ്റ് വാ​രി​യേ​ഴ്‌​സി​നെ 88ന് ​ഓ​ള്‍ ഔ​ട്ടാ​ക്കി.

2.3 ഓ​വ​റി​ല്‍ 16 റ​ണ്‍സ് വ​ഴ​ങ്ങി​യാ​ണ് ക​ര്‍ട്ടി​സ് കാം​ഫ​ര്‍ അ​ഞ്ച് വി​ക്ക​റ്റ് സ്വ​ന്ത​മാ​ക്കി​യ​ത്. 2021ല്‍ ​കാം​ഫ​ര്‍ നെ​ത​ര്‍ല​ന്‍ഡ്‌​സി​നെ​തി​രേ അ​യ​ര്‍ല​ന്‍ഡി​നാ​യി തു​ട​ര്‍ച്ച​യാ​യ നാ​ലു പ​ന്തി​ല്‍ നാ​ലു വി​ക്ക​റ്റ് വീ​ഴ്ത്തി​യി​ട്ടു​ണ്ട്.


തു​ട​ര്‍ വി​ക്ക​റ്റ് ച​രി​ത്രം ഇ​ങ്ങ​നെ

പ്ര​ഫ​ഷ​ണ​ല്‍ ട്വ​ന്‍റി-20 ക്രി​ക്ക​റ്റി​ല്‍ തു​ട​ര്‍ച്ച​യാ​യ അ​ഞ്ച് പ​ന്തു​ക​ളി​ല്‍ അ​ഞ്ച് വി​ക്ക​റ്റ് ച​രി​ത്ര​ത്തി​ല്‍ ഇ​തു ര​ണ്ടാം ത​വ​ണ​യാ​ണ്. സിം​ബാ​ബ് വെ​യു​ടെ അ​ണ്ട​ര്‍ 19 വ​നി​താ താ​രം കെ​ലി​സ് ധ​ലോ​വു 2024ല്‍ ​ഈ നേ​ട്ടം സ്വ​ന്ത​മാ​ക്കി​യി​രു​ന്നു. ആ​ഭ്യ​ന്ത​ര ട്വ​ന്‍റി-20 ടൂ​ര്‍ണ​മെ​ന്‍റി​ല്‍ ഈ​ഗി​ള്‍സ് വു​മ​ണി​നെ​തി​രേ​യാ​യി​രു​ന്നു ഈ ​നേ​ട്ടം.

പു​രു​ഷ ട്വ​ന്‍റി-20​യി​ല്‍ അ​ഞ്ച് പ​ന്തി​ല്‍ അ​ഞ്ച് വി​ക്ക​റ്റ് ആ​ദ്യ​മാ​ണെ​ങ്കി​ലും നാ​ല് പ​ന്തി​ല്‍ നാ​ല് വി​ക്ക​റ്റ് വീ​ഴ്ത്തി​യ​വ​രു​ണ്ട്. അ​ഫ്ഗാ​നി​സ്ഥാ​ന്‍റെ റാ​ഷി​ദ് ഖാ​ന്‍, ശ്രീ​ല​ങ്ക​യു​ടെ ല​സി​ത് മ​ലിം​ഗ, വെ​സ്റ്റ് ഇ​ന്‍ഡീ​സി​ന്‍റെ ജേ​സ​ണ്‍ ഹോ​ള്‍ഡ​ര്‍, അ​ര്‍ജ​ന്‍റീ​ന​യു​ടെ ഹെ​ര്‍നാ​ന്‍ ഫെ​ന്ന​ല്‍, ലെ​സോ​ത്തോ​യു​ടെ വ​സീം യാ​ക്കൂ​ബ​ര്‍ എ​ന്നി​വ​ര്‍ ട്വ​ന്‍റി-20​യി​ല്‍ തു​ട​ര്‍ച്ച​യാ​യ നാ​ലു പ​ന്തി​ല്‍ നാ​ലു വി​ക്ക​റ്റ് സ്വ​ന്ത​മാ​ക്കി​യി​ട്ടു​ണ്ട്.