ആദ്യ ഇന്നിംഗ്സിൽ ഓസ്ട്രേലിയയ്ക്ക് രക്ഷകനായത് കാമറോണ് ഗ്രീനും (174) വാലറ്റത്ത് ജോഷ് ഹെയ്സൽവുഡും (22). രണ്ടാം ദിനം 279/9 എന്ന നിലയിൽ ആരംഭിച്ച ഇന്നിംഗ്സ് ഇരുവരും ചേർന്ന് 383ൽ എത്തിച്ചു. പത്താം വിക്കറ്റിൽ ഇരുവരും ചേർന്ന് 116 റണ്സിന്റെ കൂട്ടുകെട്ട് പടുത്തുയർത്തി. മാറ്റ് ഹെൻറിയുടെ അഞ്ചു വിക്കറ്റ് പ്രകടനമാണ് ഓസീസിനെ വരിഞ്ഞുമുറുക്കിയത്.
ഗ്ലെൻ ഫിലിപ്സ് (71), മാറ്റ് ഹെൻറി (42), ടോം ബ്ലൻണ്ടെൽ (33) എന്നിവരുടെ ചെറുത്തു നിൽപ്പാണ് കിവീസ് ഒന്നാം ഇന്നിംഗ്സ് സ്കോർ 179ൽ എത്തിച്ചത്.