Sports News
സി​ഡ്നി​യിൽ തുടർച്ചയായ രണ്ടാംദിനവും വം​ശീ​യാ​ധി​ക്ഷേ​പം
Monday, January 11, 2021 12:08 AM IST
സി​ഡ്നി:ഓ​സ്ട്രേ​ലി​യ​യ്ക്കെ​തി​രാ​യ മൂ​ന്നാം ടെ​സ്റ്റ് ക്രി​ക്ക​റ്റി​നി​ടെ ഇ​ന്ത്യ​ൻ പേ​സ​ർ മു​ഹ​മ്മ​ദ് സി​റാ​ജി​നെ​തി​രേ വീ​ണ്ടും വം​ശീ​യാ​ധി​ക്ഷേ​പം. നാ​ലാം ദി​ന​മാ​യ ഇ​ന്ന​ലെ ഇ​ന്ത്യ​ൻ താ​ര​ത്തി​നെ​തി​രേ വം​ശീ​യാ​ധി​ക്ഷേ​പം ന​ട​ത്തി​യ അ​ഞ്ച് ഓ​സ്ട്രേ​ലി​യ​ൻ ആ​രാ​ധ​ക​രെ സു​ര​ക്ഷാ സം​ഘ​മെ​ത്തി നീ​ക്കം ചെ​യ്തു. മൂ​ന്നാം​ദി​നം സി​റാ​ജി​നെ​തി​രേ​യും ജ​സ്പ്രീ​ത് ബും​റ​യ്ക്കെ​തി​രേ​യും കാ​ണി​ക​ൾ വം​ശീ​യാ​ധി​ക്ഷേ​പം ന​ട​ത്തി​യി​രു​ന്നു. ഇ​തി​നു പി​ന്നാ​ലെ​യാ​ണ് നാ​ലാം ദി​ന​വും സി​റാ​ജി​നെ​തി​രേ വം​ശീ​യാ​ധി​ക്ഷേ​പ​മു​ണ്ടാ​യ​ത്.

നാ​ലാം ദി​നം കാ​മ​റൂ​ണ്‍ ഗ്രീ​നി​നെ​തി​രേ പ​ന്തെ​റി​ഞ്ഞ​ശേ​ഷം ഫൈ​ൻ ലെ​ഗി​ലേ​ക്ക് ഫീ​ൽ​ഡ് ചെ​യ്യാ​ൻ എ​ത്തി​യ​പ്പോ​ഴാ​ണ് സി​റാ​ജി​ന് നേ​രെ കാ​ണി​ക​ളി​ൽ ചി​ല​ർ മോ​ശ​മാ​യി പെ​രു​മാ​റി​യ​ത്. ഓ​സീ​സ് ര​ണ്ടാം ഇ​ന്നിം​ഗ്സി​ലെ 87-ാം ഓ​വ​റി​നു തൊ​ട്ടു​മു​ന്പാ​യി​രു​ന്നു സം​ഭ​വം. സി​റാ​ജ് അ​റി​യി​ച്ച​തി​നെ തു​ട​ർ​ന്ന് വി​ഷ​യ​ത്തി​ൽ ഇ​ട​പെ​ട്ട ക്യാ​പ്റ്റ​ൻ അ​ജി​ങ്ക്യ ര​ഹാ​നെ, ഓ​ൺ ഫീ​ൽ​ഡ് അ​ന്പ​യ​ർ​മാ​രാ​യ പോ​ൾ റൈ​ഫ​ൽ, പോ​ൾ വി​ൽ​സ​ൺ എ​ന്നി​വ​രെ അ​റി​യി​ച്ചു. തു​ട​ർ​ന്ന് 10 മി​നി​റ്റോ​ളം മ​ത്സ​രം ത​ട​സ​പ്പെ​ട്ടു. ക്രീ​സി​ലു​ണ്ടാ​യി​രു​ന്ന ഓ​സ്ട്രേ​ലി​യ​ൻ ക്യാ​പ്റ്റ​ൻ ടിം ​പെ​യ്ൻ ഇ​ന്ത്യ​ൻ താ​ര​ങ്ങ​ൾ​ക്കൊ​പ്പം നി​ന്ന​തും ശ്ര​ദ്ധേ​യ​മാ​യി.

അ​ന്പ​യ​ർ​മാ​രു​ടെ ആ​വ​ശ്യ​പ്ര​കാ​രം വി​ഷ​യ​ത്തി​ൽ ഇ​ട​പെ​ട്ട സു​ര​ക്ഷാ ഉ​ദ്യോ​ഗ​സ്ഥ​ർ വം​ശീ​യാ​ധി​ക്ഷേ​പം ന​ട​ത്തി​യ അ​ഞ്ച് കാ​ണി​ക​ളെ സ്റ്റേ​ഡി​യ​ത്തി​ൽ നി​ന്ന് പു​റ​ത്താ​ക്കി​യ​ശേ​ഷ​ണാ​ണ് മ​ത്സ​രം തു​ട​ർ​ന്ന​ത്. മു​ഹ​മ്മ​ദ് സി​റാ​ജ് ആ​ണ് ഇ​വ​രെ അ​ന്പ​യ​ർ​ക്ക് കാ​ണി​ച്ചു​ന​ൽ​കി​യ​ത്. ബ്രൗ​ൺ ഡോ​ഗ്, ബി​ഗ് മ​ങ്കി തു​ട​ങ്ങി​യ വാ​ക്കു​ക​ളാ​ണ് സി​റാ​ജി​നെ​തി​രേ അ​വ​ർ ചൊ​രി​ഞ്ഞ​തെ​ന്നാ​ണ് റി​പ്പോ​ർ​ട്ട്. മൂ​ന്നാം ദി​ന​ത്തി​ലെ വം​ശീ​യാ​ധി​ക്ഷേ​പ​ത്തി​ൽ ഇ​ന്ത്യ​ൻ ടീം ​മാ​ച്ച് റ​ഫ​റി ഡേ​വി​ഡ് ബൂ​ണി​നു പ​രാ​തി ന​ൽ​കി​യി​രു​ന്നു.


മാ​പ്പു പ​റ​ഞ്ഞ് സി​എ, അ​ന്വേ​ഷ​ണം ആ​രം​ഭി​ച്ചു

മു​ഹ​മ്മ​ദ് സി​റാ​ജി​നെ​തി​രാ​യ വം​ശീ​യാ​ധി​ക്ഷേ​പ​ത്തി​ൽ മാ​പ്പ് പ​റ​ഞ്ഞ് ക്രി​ക്ക​റ്റ് ഓ​സ്ട്രേ​ലി​യ (സി​എ). വം​ശീ​യാ​ധി​ക്ഷേ​പം ന​ട​ത്തി​യ​വ​ർ​ക്കെ​തി​രേ ന്യൂ​സൗ​ത്ത് വെ​യ്ൽ​സ് പോ​ലീ​സ് അ​ന്വേ​ഷ​ണം ആം​ര​ഭി​ച്ച​താ​യും സി​എ പ​ത്ര​ക്കു​റി​പ്പി​ലൂ​ടെ വ്യ​ക്ത​മാ​ക്കി. ക്രി​ക്ക​റ്റ് ഓ​സ്ട്രേ​ലി​യ​യും സ​മാ​ന്ത​ര അ​ന്വേ​ഷ​ണം ന​ട​ത്തും. സം​ഭ​വം കൃ​ത്യ​മാ​യി അ​ന്പ​യ​റെ അ​റി​യി​ച്ച​തി​ന് ഇ​ന്ത്യ​ൻ ടീ​മി​നോ​ട് സി​എ വ​ക്താ​വ് സീ​ൻ ക​രോ​ൾ ന​ന്ദി പ​റ​ഞ്ഞു. ഇ​ത്ത​രം സം​ഭ​വ​ങ്ങ​ൾ ഒ​ഴി​വാ​ക്ക​പ്പെ​ടേ​ണ്ട​താ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.


വം​ശീ​യാ​ധി​ക്ഷേ​പ​ങ്ങ​ൾ ഒ​രു ത​ര​ത്തി​ലും അം​ഗീ​ക​രി​ക്കാ​നാ​വി​ല്ലെ​ന്നും സം​ഭ​വ​ത്തി​ൽ ക്രി​ക്ക​റ്റ് ഓ​സ്ട്രേ​ലി​യ​യും ഐ​സി​സി​യും ഉ​ചി​ത​മാ​യ ന​ട​പ​ടി​യെ​ടു​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്നും ബി​സി​സി​ഐ വ്യ​ക്ത​മാ​ക്കി.

സി​ഡ്നി​യി​ൽ ഇ​തു പ​തി​വ്: അ​ശ്വി​ൻ

സി​ഡ്നി ക്രി​ക്ക​റ്റ് മൈ​താ​ന​ത്ത് കാ​ണി​ക​ളി​ൽ നി​ന്ന് വം​ശീ​യാ​ധി​ക്ഷേ​പ​ത്തി​ന് ഇ​ര​യാ​യി​ട്ടു​ണ്ടെ​ന്ന വെ​ളി​പ്പെ​ടു​ത്ത​ലു​മാ​യി ഇ​ന്ത്യ​ൻ സ്പി​ന്ന​ർ ആ​ർ. അ​ശ്വി​ൻ. മൂ​ന്നാം​ദി​നം വം​ശീ​യാ​ധി​ക്ഷേ​പം ഉ​ണ്ടാ​യ​തി​നെ​തി​രേ പ​രാ​തി ന​ൽ​കി​യി​ട്ടും നാ​ലാം​ദി​ന​വും സ​മാ​ന സം​ഭ​വം ഉ​ണ്ടാ​യ​ത് അ​ദ്ഭു​ത​പ്പെ​ടു​ത്തു​ന്നും എ​ന്നും അ​ശ്വി​ൻ പ​റ​ഞ്ഞു.

അ​ഡ്‌​ലെ​യ്ഡി​ലും മെ​ൽ​ബ​ണി​ലും കാ​ര്യ​ങ്ങ​ൾ ഇ​ത്ര മോ​ശ​മ​ല്ല. സി​ഡ്നി​യി​ൽ ഇ​ത് പ​തി​വാ​ണ്. മു​ൻ​കാ​ല​ങ്ങ​ളി​ൽ എ​നി​ക്കും ഇ​ത്ത​ര​ത്തി​ലു​ള്ള അ​നു​ഭ​വ​ങ്ങ​ൾ ഉ​ണ്ടാ​യി​ട്ടു​ണ്ട്. ഇ​വി​ട​ത്തെ ആ​രാ​ധ​ക​ർ മോ​ശ​മാ​യി പെ​രു​മാ​റു​ന്ന​വ​രാ​ണ്- അ​ശ്വി​ൻ പ​റ​ഞ്ഞു.

അം​ഗീ​ക​രി​ക്കാ​നാ​വി​ല്ല: വിരാട് കോ​ഹ്‌​ലി

മും​ബൈ: ഓ​സ്ട്രേ​ലി​യ​യ്ക്കെ​തി​രാ​യ മൂ​ന്നാം ടെ​സ്റ്റി​നി​ടെ വം​ശീ​യാ​ധി​ക്ഷേ​പ​ത്തി​നി​ര​യാ​യ ഇ​ന്ത്യ​ൻ ക്രി​ക്ക​റ്റ് താ​ര​ങ്ങ​ൾ​ക്ക് പി​ന്തു​ണ​യു​മാ​യി ക്യാ​പ്റ്റ​ൻ വി​രാ​ട് കോ​ഹ്‌​ലി. വം​ശീ​യാ​ധി​ക്ഷേ​പം ഒ​രി​ക്ക​ലും അം​ഗീ​ക​രി​ക്കാ​നാ​വി​ല്ല. മ​ത്സ​ര​ത്തി​നി​ടെ ഇ​ന്ത്യ​ൻ താ​ര​ങ്ങ​ൾ​ക്ക് പ​ല​ത​വ​ണ ഇ​ത് നേ​രി​ടേ​ണ്ടി വ​ന്നു. ബൗ​ണ്ട​റി ലൈ​നി​ൽ നി​ൽ​ക്കു​ന്ന താ​ര​ങ്ങ​ൾ​ക്ക് നേ​രെ മോ​ശ​മാ​യി സം​സാ​രി​ക്കു​ന്ന​ത് തെ​മ്മാ​ടി​ത്ത​ര​മാ​ണ്- കോ​ഹ്‌​ലി സ​മൂ​ഹ​മാ​ധ്യ​മ​ത്തി​ലൂ​ടെ വ്യ​ക്ത​മാ​ക്കി.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.




Copyright @ 2021 , Rashtra Deepika Ltd.