ഇ​ന്ത്യ​ൻ ഓ​ഹ​രി സൂ​ചി​ക​ക​ൾ ഈ ​വ​ർ​ഷ​ത്തെ ഏ​റ്റ​വും മി​ക​ച്ച പ്ര​തി​വാ​ര നേ​ട്ട​ത്തി​ൽ. ആ​ഭ്യ​ന്ത​ര മ്യൂ​ച്വ​ൽ ഫ​ണ്ടു​ക​ളു​ടെ ശ​ക്ത​മാ​യ പി​ൻ​ബ​ല​ത്തി​ൽ സെ​ൻ​സെ​ക്സും നി​ഫ്റ്റി​യും വാ​ര​ത്തി​ന്‍റെ ര​ണ്ടാം പ​കു​തി​യി​ൽ കു​തി​ച്ചു ക​യ​റി. സെ​ൻ​സെ​ക്സ് 1134 പോ​യി​ന്‍റും നി​ഫ്റ്റി സൂ​ചി​ക 427 പോ​യി​ന്‍റും വ​ർ​ധി​ച്ചു.

അ​മേ​രി​ക്ക ഇ​റ​ക്കു​മ​തി തീ​രു​വ വി​ഷ​യ​ത്തി​ൽ ഇ​ള​വു​ക​ൾ​ക്ക് മു​തി​രു​മെ​ന്ന വെ​ളി​പ്പെ​ടു​ത്ത​ലാ​ണ് തി​രി​ച്ചു​വ​ര​വി​ന് അ​വ​സ​രം ഒ​രു​ക്കി​യ​ത്. മെ​ക്സി​ക്കോ, കാ​ന​ഡ തു​ട​ങ്ങി​യ രാ​ജ്യ​ങ്ങ​ളി​ൽ​നി​ന്നു​ള്ള മി​ക്ക ഉ​ത്പ​ന്ന​ങ്ങ​ൾ​ക്ക് ഏ​ർ​പ്പെ​ടു​ത്തി​യ 25 ശ​ത​മാ​നം തീ​രു​വ താ​ത്കാ​ലി​ക​മാ​യി നി​ർ​ത്തി​വ​യ്ക്കും. ഇ​തോ​ടെ ആ​ഗോ​ള സാ​മ്പ​ത്തി​ക വ്യ​ാവ​സാ​യി​ക മേ​ഖ​ല​യെ അ​സ്വ​സ്ഥ​മാ​ക്കി​യ അ​നി​ശ്ചി​താ​വ​സ്ഥ​യ്ക്ക് നേ​രി​യ അ​യ​വു​ വ​രു​ത്തു​മെ​ന്ന് മാ​ത്ര​മ​ല്ല, പു​തി​യ യുഎ​സ് പ്ര​സി​ഡ​ന്‍റി​ന്‍റെ വ്യാ​പാ​ര ന​യ​ത്തി​ന് മ​റ്റൊ​രു വ​ഴി​ത്തി​രി​വി​നുകൂ​ടി ഇ​ത് അ​വ​സ​രം ന​ൽ​ക്കും.

ഇ​റ​ക്കു​മ​തി ഡ്യൂ​ട്ടി​യി​ൽ രാ​ജാ​വ​വെ​ന്ന് വി​ശേ​ഷി​പ്പി​ച്ച ഇ​ന്ത്യ​യു​ടെ കാ​ര്യ​ത്തി​ലും ചൈ​ന​യോ​ടു​മു​ള്ള സ​മീ​പ​ന​ത്തി​ലും അ​വ​ർ മാ​റ്റം വ​രു​ത്തി​യി​ട്ടി​ല്ല. എ​ന്നാ​ൽ യു​എ​സി​ൽനി​ന്നു​ള്ള ഇ​റ​ക്കു​മ​തി​ക്ക് ഇ​ന്ത്യ തീ​രു​വ​യി​ൽ കു​റ​വ് വ​രു​ത്തു​മെ​ന്ന സൂ​ച​ന​ക​ൾ പു​റ​ത്തു​വ​ന്നു. അ​തേ സ​മ​യം സെ​പ്റ്റം​ബ​ർ മു​ത​ൽ ഇ​ന്ത്യ​ൻ ഓ​ഹ​രി വി​പ​ണി​യി​ൽ വി​ൽ​പ്പ​ന​യ്ക്ക് മ​ത്സ​രി​ക്കു​ന്ന രാ​ജ്യാ​ന്ത​ര ഫ​ണ്ടു​ക​ളെ ഇ​തൊ​ന്നും സ്വാ​ധീ​നി​ച്ചി​ല്ല, അ​വ​ർ വി​ൽ​പ്പ​ന​ക്കാ​രാ​യി തു​ട​രു​ന്നു.

സെ​പ്റ്റം​ബ​റി​നുശേ​ഷം ഏ​ക​ദേ​ശം 14 ശ​ത​മാ​നം സൂ​ചി​ക ഇ​ടി​ഞ്ഞി​ട്ടും വി​ദേ​ശ ഓ​പ്പ​റേ​റ്റ​ർ​മാ​ർ ചൈ​നീ​സ് വി​പ​ണി​യാ​യ ഷാ​ങ്ഹാ​യി കേ​ന്ദ്രീ​ക​രി​ച്ച് നി​ക്ഷേ​പം തു​ട​രു​ക​യാ​ണ്. ചൈ​നീ​സ് ഓ​ഹ​രി​ക​ൾ ഇ​പ്പോ​ഴും ആ​ക​ർ​ഷ​ക​മെ​ന്ന നി​ല​പാ​ടി​ലാ​ണ​വ​ർ. വി​ദേ​ശ നി​ക്ഷേ​പ​ക​ർ ഈ ​വ​ർ​ഷം 15 ബി​ല്യ​ൺ ഡോ​ള​ർ ഇ​ന്ത്യ​യി​ൽ നി​ന്നും പി​ൻ​വ​ലി​ച്ചു, ക​ന​ത്ത തോ​തി​ലു​ള്ള ഓ​ഹ​രി വി​റ്റ​ഴി​ക്ക​ൽ മൂ​ലം ഇ​ന്ത്യ​ൻ വി​പ​ണിമൂ​ല്യ​ത്തി​ൽനി​ന്ന് 1.3 ട്രി​ല്യ​ൺ ഡോ​ള​ർ ഇ​ല്ലാ​താ​യി.

ഡെ​യ്‌​ലി ചാ​ർ​ട്ടി​ൽ നി​ഫ്റ്റി സൂ​ചി​ക​യെ ബാ​ധി​ച്ച ദു​ർ​ബ​ലാ​വ​സ്ഥ​യി​ൽ കാ​ര്യ​മാ​യ മാ​റ്റം സം​ഭ​വി​ച്ചി​ട്ടി​ല്ലെ​ങ്കി​ലും മു​ൻ​നി​ര ഓ​ഹ​രി​ക​ൾ പ​ല​തും ആ​ക​ർ​ഷ​ക​മാ​യി മാ​റി​യെ​ന്ന വി​ല​യി​രു​ത്ത​ൽ ഒ​രു വി​ഭാ​ഗം നി​ക്ഷേ​പ​ക​രെ ആ​ക​ർ​ഷി​ച്ചു. മു​ൻ​വാ​ര​ത്തി​ലെ 22,124 പോ​യി​ന്‍റി​ൽ നി​ന്നും 21,964 ലേക്ക് സൂ​ചി​ക ഇ​ടി​ഞ്ഞ​ങ്കി​ലും ക​ഴി​ഞ്ഞ വാ​രം സൂ​ചി​പ്പി​ച്ച 21,881 ലെ ​സ​പ്പോ​ർ​ട്ട് ത​ക​ർ​ച്ച​യി​ൽ വി​പ​ണി നി​ല​നി​ർ​ത്തി​യ​ത് താ​ത്കാ​ലി​ക തി​രി​ച്ചു​വ​ര​വി​നു​ള്ള അ​വ​സ​ര​മാ​ക്കി നി​ഫ്റ്റി​യെ 22,634 വ​രെ ഉ​യ​ർ​ത്തി. എ​ന്നാ​ൽ, ക​ഴി​ഞ്ഞ​ വാ​രം സൂ​ചി​പ്പി​ച്ച പ്ര​തി​രോ​ധ​മാ​യ 22,589നു ​മു​ക​ളി​ൽ ക്ലോ​സിം​ഗി​ന് അ​വ​സ​രം ല​ഭി​ക്കാ​തെ 22,552 പോ​യി​ന്‍റി​ലാ​ണ്.


ഈ​വാ​രം ആ​ദ്യ താ​ങ്ങ് 22,132 ലാ​ണ്, ഇ​ത് നി​ല​നി​ർ​ത്തി മു​ന്നേ​റാ​ൻ ശ്ര​മം ന​ട​ത്തി​യാ​ൽ 22,802 ലേ​ക്കും തു​ട​ർ​ന്ന് 23,053ലേ​ക്കും നി​ഫ്റ്റി ഒ​രു തി​രി​ച്ചുവ​ര​വ് കാ​ഴ്ച്ച​വയ്ക്കാം. അ​തേസ​മ​യം ആ​ദ്യ താ​ങ്ങ് നി​ല​നി​ർ​ത്താ​ൻ വി​പ​ണി​ക്കാ​യി​ല്ലെ​ങ്കി​ൽ 21,713 ലേ​ക്ക് സാ​ങ്കേ​തി​ക തി​രു​ത്ത​ൽ തു​ട​രാം. റ‌ി​ക്കാ​ർ​ഡ് ത​ല​ത്തി​ൽ നി​ന്നു​ള്ള ത​ക​ർ​ച്ച ക​ണ​ക്കി​ലെ​ടു​ത്താ​ൽ തി​രി​ച്ചു​വ​ര​വി​ന് കാ​ല​താ​മ​സം നേ​രി​ടാം, അ​താ​യ​ത് ഒ​രു പ​ത്ത് ശ​ത​മാ​നം ഇ​ടി​വി​നു​ള്ള സാ​ധ്യ​തകൂ​ടി മു​ന്നി​ൽ ക​ണേ​ണ്ട​താ​യു​ണ്ട്.

നി​ക്ഷേ​പ​ക​ർ ഓ​രോ താ​ഴ്ച​യും അ​വ​സ​ര​മാ​ക്കി മാ​റ്റു​ന്ന​താ​വും അ​ഭി​കാ​മ്യം. വി​പ​ണി​യു​ടെ മ​റ്റ് സാ​ങ്കേ​തി​ക ച​ല​ന​ങ്ങ​ൾ വീ​ക്ഷി​ച്ചാ​ൽ സൂ​പ്പ​ർ ട്രെ​ൻ​ഡ് സെ​ല്ലി​ംഗ് മൂ​ഡി​ൽ തു​ട​രു​മ്പോ​ൾ വാ​ര​മ​ധ്യ​ത്തി​നു ശേ​ഷ​മു​ണ്ടാ​യ തി​രി​ച്ചു വ​ര​വ് പാ​രാ​ബോ​ളി​ക്ക് എ​സ്എ​ആ​റി​നെ ബു​ള്ളി​ഷാ​ക്കി. അ​തേസ​മ​യം എം​എ​സിഡി​യും എ​ലി​യ​ട്ട് വേ​വ് ഓ​സി​ലേ​റ്റ​റും ദു​ർ​ബ​ലാ​വ​സ്ഥ​യി​ലാ​ണ്.


സെ​ൻ​സെ​ക്സ് പി​ന്നി​ട്ട​ വാ​ര​ത്തി​ലെ 73,198 പോ​യി​ന്‍റി​ൽനി​ന്നും ഒ​ര​വ​സ​ര​ത്തി​ൽ 72,731ലേ​ക്ക് തി​രു​ത്ത​ൽ കാ​ഴ്ച്ച​വ​ച്ച ശേ​ഷം ശ​ക്ത​മാ​യ തി​രി​ച്ചു വ​ര​വി​ൽ 74,552 പോ​യി​ന്‍റ് വ​രെ ഉ​യ​ർ​ന്ന​ങ്കി​ലും വാ​രാ​ന്ത്യം 74,332 പോ​യി​ന്‍റി​ലാ​ണ്. ഡെ​യ്‌​ലി ചാ​ർ​ട്ട് വി​ല​യി​രു​ത്തി​യാ​ൽ 73,189-72,047ൽ ​താ​ങ്ങു​ണ്ട്, അ​നു​കൂ​ല വാ​ർ​ത്ത​ക​ൾ​ക്ക് സൂ​ചി​ക​യെ 75,015ലേ​ക്കും 75,699ലേ​ക്കും ഉ​യ​ർ​ത്താ​നാ​വും.

ആ​ഭ്യ​ന്ത​ര മ്യൂ​ച​ൽ ഫ​ണ്ടു​ക​ൾ ശ​ക്ത​മാ​യ പി​ൻ​തു​ണ​യാ​ണ് വി​പ​ണി​ക്ക് ന​ൽ​കി​യ​ത്. അ​വ​ർ മൊ​ത്തം 20,950.89 കോ​ടി രൂ​പ​യു​ടെ ഓ​ഹ​രി​ക​ൾ ശേ​ഖ​രി​ച്ചു, തു​ട​ർ​ച്ച​യാ​യ 22 ദി​വ​സ​മാ​ണ് അ​വ​ർ വാ​ങ്ങ​ലു​കാ​രാ​യി രം​ഗ​ത്തു​ള്ള​ത്. ര​ണ്ട് ആ​ഴ്‌‌‌‌‌‌‌‌​ച​ക​ളി​ൽ 43,203 കോ​ടി രൂ​പ​യു​ടെ ഓ​ഹ​രി​ക​ൾ വാ​ങ്ങി. അ​തേ സ​മ​യം വി​ദേ​ശ ഫ​ണ്ടു​ക​ൾ 15,501.57 കോ​ടി രൂ​പ​യു​ടെ ഓ​ഹ​രി​ക​ൾ പോ​യ​വാ​രം വി​റ്റു.
ഡോ​ള​റി​ന് മു​ന്നി​ൽ രൂ​പ 87.51 ൽനി​ന്നും ഒ​ര​വ​സ​ര​ത്തി​ൽ 86.83ലേ​ക്കു ശ​ക്തി​പ്രാ​പി​ച്ച് 66 പൈ​സ​യു​ടെ മി​ക​വി​ൽ 86.88 ലാ​ണ്. ഗ്ലോ​ബ​ൽ മാ​ർ​ക്ക​റ്റി​ൽ രൂ​പ 87.06ലേ​ക്കു ത​ള​ർ​ന്നു. നി​ല​വി​ലെ ച​ല​ന​ങ്ങ​ൾ വി​ല​യി​രു​ത്തി​യാ​ൽ 87.51-86.25 റേ​ഞ്ചി​ൽ രൂ​പ സ​ഞ്ച​രി​ക്കാം.

ക്രൂ​ഡ് ഓ​യി​ൽ വി​ല താ​ഴു​ന്ന​ത് രൂ​പ​യ്ക്ക് താ​ങ്ങാ​വും. ക്രൂ​ഡ് ബാ​ര​ലി​ന് 68.33 ഡോ​ള​ർ വ​രെ താ​ഴ്ന്നു. നി​ല​വി​ൽ എ​ണ്ണ വി​ല ബാ​ര​ലി​ന് 69-73 ഡോ​ള​റി​ൽ നീ​ങ്ങാം. വി​പ​ണി സാ​ങ്കേ​തി​ക​മാ​യി ത​ള​ർ​ച്ച​യി​ലേ​ക്ക് നീ​ങ്ങു​ന്ന​തി​നാ​ൽ 69ലെ ​സ​പ്പോ​ർ​ട്ട് ന​ഷ്ട​പ്പെ​ട്ടാ​ൽ 62 ഡോ​ള​ർ വ​രെ ത​ള​രും. ഗാ​സ​യി​ലേ​ക്ക് സ​ഹാ​യം എ​ത്തി​ക്കു​ന്ന​തി​നു​ള്ള വി​ല​ക്ക് ഇ​സ്ര​യേ​ൽ നാ​ലു ദി​വ​സ​ത്തി​ന​കം പി​ൻ​വ​ലി​ച്ചി​ല്ലെ​ങ്കി​ൽ എ​ണ്ണ ക​പ്പ​ലു​ക​ൾ​ക്ക് നേ​രെ ആ​ക്ര​മ​ണ​മെ​ന്ന ഹൂ​തി​ക​ളി​ൽനി​ന്നു​ള്ള ഭീ​ഷ​ണി വി​ല​യി​ൽ ചാ​ഞ്ചാ​ട്ടം സൃ​ഷ്ടി​ക്കാം.