15 പേർ അപകടസ്ഥലത്തുതന്നെ മരിച്ചു. മൂന്നു പേർ ചികിത്സയ്ക്കിടെയാണു മരിച്ചത്. ഗുരുതരമായി പരിക്കേറ്റ ക്യാപ്റ്റൻ മനീഷ് രത്ന ശാക്യയെ ആശുപത്രിയിൽ പ്രവേശിപ്പിച്ചു. മരിച്ചവരിൽ ഒരാൾ നാലു വയസുള്ള കുട്ടിയാണ്.
സൗര്യ എയർലൈൻസിന്റെ ടെക്നീഷൻ മനുരാജ് ശർമയുടെ മകനാണ് മരിച്ച അഥിരാജ് ശർമ. മനുരാജിന്റെ ഭാര്യ പ്രിസ ഖാതിവാഡയും മരിച്ചവരിൽ ഉൾപ്പെടുന്നു. പ്രധാനമന്ത്രി കെ.പി. ശർമ ഒലി അപകടസ്ഥലം സന്ദർശിച്ചു. കനേഡിയൻ കന്പനി ബോംബാർഡിയറാണ് വിമാനം നിർമിച്ചത്.