വെടിനിർത്തൽ പദ്ധതിയിൽ ഹമാസ് നല്കിയ മറുപടിയുടെ വിശദാംശങ്ങൾ വ്യക്തമല്ലെങ്കിലും സമാധാനശ്രമങ്ങൾക്ക് വീണ്ടും ഊർജം കൈവന്നിട്ടുണ്ട്. ഖത്തറിൽ ഈയാഴ്ച വെടിനിർത്തൽ ചർച്ചകൾ ആരംഭിക്കുമെന്നാണു സൂചന. ഖത്തറിലേക്ക് പ്രതിനിധികളെ അയയ്ക്കാൻ ഇസ്രേലി മന്ത്രിസഭ വ്യാഴാഴ്ച തീരുമാനിച്ചിരുന്നു. ഇസ്രേലി ചാരസംഘടന മൊസാദിന്‍റെ തലവൻ ഡേവിഡ് ബാർണിയ ഖത്തറിലേക്കു പോയതായി റിപ്പോർട്ടുകളിൽ പറയുന്നു.
ഖത്തർ പ്രധാനമന്ത്രി മുഹമ്മദ് ബിൻ അൽതാനിയുമായി അദ്ദേഹം ചർച്ച നടത്തും. അതേസമയം, വെടിനിർത്തൽ യാഥാർഥ്യമാകണമെങ്കിൽ ഒട്ടേറെ അഭിപ്രായവ്യത്യസങ്ങളിൽ തീരുമാനമുണ്ടാകണമെന്ന സൂചനയും ഇസ്രേലി നേതൃത്വം നല്കിയിട്ടുണ്ട്.
ഹമാസിന്‍റെ ഭീകരാക്രമണത്തിൽ 1200ഓളം പേർ കൊല്ലപ്പെട്ടതിനു പിന്നാലെ ഇസ്രേലി സേന ഗാസയിൽ ആരംഭിച്ച പ്രത്യാക്രമണത്തിൽ ഇതുവരെ മരണം 38,000ത്തിനു മുകളിലായി.