ടോ​ക്കി​യോ: ചാ​ന്ദ്ര​ദൗ​ത്യ​ത്തി​ൽ അ​മേ​രി​ക്ക​യും റ​ഷ്യ​യും തോ​റ്റി​ട​ത്ത് ജ​പ്പാ​ന്‍റെ വി​ജ​യ​ഗാ​ഥ. ജ​പ്പാ​ൻ വി​ക്ഷേ​പി​ച്ച സ്മാ​ർ​ട്ട് ലാ​ൻ​ഡ​ർ ഫോ​ർ ഇ​ൻ​വെ​സ്റ്റി​ഗേ​ഷ​ൻ മൂ​ൺ (സ്ലിം) ​പേ​ട​കം ഇ​ന്ന​ലെ വി​ജ​യ​ക​ര​മാ​യി ച​ന്ദ്ര​നി​ലി​റ​ങ്ങി.

അ​മേ​രി​ക്ക, സോ​വ്യ​റ്റ് യൂ​ണി​യ​ൻ, ചൈ​ന, ഇ​ന്ത്യ എ​ന്നി​വയ്ക്കു​ശേ​ഷം ച​ന്ദ്ര​നി​ൽ വി​ജ​യ​ക​ര​മാ​യി പേ​ട​ക​മി​റ​ക്കു​ന്ന അ​ഞ്ചാ​മ​ത്തെ രാ​ജ്യ​മെ​ന്ന ബ​ഹു​മ​തി ജ​പ്പാ​ൻ സ്വ​ന്ത​മാ​ക്കി.

ക​ഴി​ഞ്ഞ​വ​ർ​ഷം സെ​പ്റ്റം​ബ​ർ ഏ​ഴി​നാ​ണ് പേ​ട​കം വി​ക്ഷേ​പി​ച്ച​ത്. ഇ​ന്ന​ലെ ഇ​ന്ത്യ​ൻ സ​മ​യം രാ​ത്രി ഒ​ന്പ​തി​നു മു​ന്പാ​യി ച​ന്ദ്രോ​പ​രി​ത​ല​ത്തി​ൽ സോ​ഫ്റ്റ് ലാ​ൻ​ഡിം​ഗ് ന​ട​ത്തി.

ച​ന്ദ്ര​നി​ലെ ല​ക്ഷ്യ സ്ഥ​ല​ത്തി​ന്‍റെ നൂ​റു​ മീ​റ്റ​റി​നു​ള്ളി​ൽ സ്ലിം ​പേ​ട​ക​ത്തെ ഇ​റ​ക്കി എ​ന്ന​താ​ണ് ജാ​പ്പ​നീ​സ് ദൗ​ത്യ​ത്തെ വ്യ​ത്യ​സ്ത​മാ​ക്കു​ന്ന​ത്. സാ​ധാ​ര​ണ ചാ​ന്ദ്രദൗ​ത്യ​ങ്ങ​ളി​ൽ, കി​ലോ​മീ​റ്റ​റു​ക​ൾ വ​രു​ന്ന ല​ക്ഷ്യ​സ്ഥ​ല​ങ്ങ​ളി​ൽ സൗ​ക​ര്യ​പ്പെ​ടു​ന്ന​യി​ട​ത്ത് പേ​ട​ക​ത്തെ ഇ​റ​ക്ക​ലാ​ണു പ​തി​വ്. ല​ക്ഷ്യ​സ്ഥാ​നം വ​ള​രെ പ​രി​മി​ത​മാ​യ​തി​നാ​ൽ ജാ​പ്പ​നീ​സ് ചാ​ന്ദ്ര​ദൗ​ത്യ​ത്തി​ന് ‘മൂ​ൺ സ്നൈ​പ​ർ’ എ​ന്നാ​ണ് പേ​രി​ട്ട​ത്. ജ​പ്പാ​ൻ മു​ന്പ് ച​ന്ദ്ര​നി​ൽ പേ​ട​ക​മി​റ​ക്കാ​ൻ ന​ട​ത്തി​യ ശ്ര​മ​ങ്ങ​ളെ​ല്ലാം പ​രാ​ജ​യ​പ്പെ​ട്ടി​രു​ന്നു.

അ​മേ​രി​ക്ക​ൻ ദൗ​ത്യം പ​രാ​ജ​യ​പ്പെ​ട്ടു


ഇ​തി​നി​ടെ, അ​ര​നൂ​റ്റാ​ണ്ടി​നു ശേ​ഷം ച​ന്ദ്ര​നി​ൽ വീ​ണ്ടും പേ​ട​ക​മി​റ​ക്കാ​നു​ള്ള അ​മേ​രി​ക്ക​ൻ ശ്ര​മം ക​ഴി​ഞ്ഞ​ദി​വ​സം പ​രാ​ജ​യ​പ്പെ​ട്ടു. ഈ ​മാ​സം എ​ട്ടി​ന് വി​ക്ഷേ​പി​ച്ച പെ​രി​ഗ്രി​ൻ ലൂ​ണാ​ർ ലാ​ൻ​ഡ​ർ പേ​ട​കം പ​സ​ഫി​ക് സ​മു​ദ്ര​ത്തി​നു മു​ക​ളി​ൽ തീ​ഗോ​ള​മാ​യി. പ്ര​പ്പ​ൽ​ഷ​ൻ ത​ക​രാ​റുണ്ടായ തി​നെ​ത്തു​ട​ർ​ന്ന് പേ​ട​ക​ത്തി​നു സ്വ​യം ന​ശി​ക്കാ​നു​ള്ള ക​മാ​ൻ​ഡ് ന​ല്കു​ക​യാ​യി​രു​ന്നു. സ്വ​കാ​ര്യ സ്ഥാ​പ​ന​മാ​യ അ​സ്ട്രോ​ബോ​ട്ടി​ക് ആ​ണ് പേ​ട​കം അ​യ​ച്ച​ത്.

അ​പ്പോ​ളോ ദൗ​ത്യം 1972ൽ ​അ​വ​സാ​നി​ച്ച​ശേ​ഷം അ​മേ​രി​ക്ക​യു​ടെ ആ​ദ്യ ചാ​ന്ദ്ര​ദൗ​ത്യ​മാ​യി​രു​ന്നി​ത്. ഈ ​മാ​സം എ​ട്ടി​ന് വി​ക്ഷേ​പി​ച്ച പേ​ട​ക​ത്തി​ൽ അ​മേ​രി​ക്ക​ൻ ബ​ഹി​രാ​കാ​ശ ഏ​ജ​ൻ​സി​യാ​യ നാ​സ​യു​ടെ അ​ഞ്ചു പ​ഠ​നോ​പ​ക​ര​ണ​ങ്ങ​ളാ​ണ് ഉ​ണ്ടാ​യി​രു​ന്ന​ത്. വി​ജ​യി​ച്ചി​രു​ന്നെ​ങ്കി​ൽ ച​ന്ദ്ര​നി​ൽ പേ​ട​ക​മി​റ​ക്കു​ന്ന ആ​ദ്യ സ്വ​കാ​ര്യ​സം​രം​ഭം എ​ന്ന ബ​ഹു​മ​തി നേ​ടു​മാ​യി​രു​ന്നു.

പ​തി​റ്റാ​ണ്ടു​ക​ൾ​ക്കു​ശേ​ഷം റ​ഷ്യ ന​ട​ത്തി​യ ചാ​ന്ദ്ര​ദൗ​ത്യം ക​ഴി​ഞ്ഞ ഓ​ഗ​സ്റ്റി​ൽ പ​രാ​ജ​യ​പ്പെ​ട്ടി​രു​ന്നു. ലൂ​ണാ-25 പേ​ട​കം ച​ന്ദ്ര​ന്‍റെ ദ​ക്ഷി​ണ​ധ്രു​വ​ത്തി​ൽ ഇ​റ​ങ്ങു​ന്ന​തി​നി​ടെ​യാ​ണ് പ​രാ​ജ​യം സം​ഭ​വി​ച്ച​ത്. ദി​വ​സ​ങ്ങ​ൾ​ക്കകം ഇ​ന്ത്യ ച​ന്ദ്ര​ന്‍റെ ദ​ക്ഷി​ണ​ധ്രു​വ​ത്തി​ൽ പേ​ട​ക​മി​റ​ക്കു​ന്ന ആ​ദ്യരാ​ജ്യ​മെ​ന്ന ഖ്യാ​തി സ്വ​ന്ത​മാ​ക്കി.